JEREMIA 38:17 - PATHIAN LEKHABU IRTHIANG C.L. Bible (BSI)

¹⁷ Khanchu Zedekia kin hrila, Rengpa Itinrêngthothei, Israelhai Pathianin a ti, “Babulon sipai ulianhai kuta nir pêka ni’n chu, ni hringna chu inzôkin om a ta, hi khopui khom hi hâlin om no ni. Nangma le ni in sûngkua inzôkin om a ti.

JEREMIA 38:17 ပူးပေါင်းရင်းမြစ်များ

JEREMIA 27:12

Kha thu ngêt kha Judahai rêng Zedekia kuang ki tia, “Babulon rêng thuhnuaia omin lân, ama le a mihai sin tho’n lân, khanchu hring ni ti.

JEREMIA 38:2

Rengpa’n a iti, “Khopuia tukhom a omhai chu, khandaiin mo, châmin mo, aninole hri le hrâiin thi an ti. Babulon-hai kuanga fe chu that ni no nihaia; an hringna chu inzôktirhai hrâm a ti,” ti hi Rengpa’n a iti a ni.

JEREMIA 27:17

An chong khom irngai pehai no roi! Babulon thuhnuaia irpe unglân, hring nin ti! I lo hrang ngân mo hi khopui hi sahrok sahrâi a ichang hrang?

JEREMIA 39:3

Jerusalem kha an lâka ni’n chu, Babulon ram rêng le a milianhai hongin kotbâi inlaina taka khan omhmun an khuara. Nergalserezera, Samgarneboa, Thainuzel hai hruaitu Sarsekima, hruaitu sipaihai Nergal-serezera hai khom an om saa.

2 RÊNGHAI 24:12

A nu nâi a sipaihai le rêngin a mi lian omhai le Jehoiakina chu Babulon kuta a irpêk lût a ni. Nebukadnezara’n an lal kum riatna hin Jehoiakina chu suakin a chela.

AMOSA 5:27

Khanchu Damaska khua khêl tiang sala nangni infetir ki ta, Sipaihai Rengpa pathian khan a ti.

INPÂKNA HLAHAI 80:14

O sipaihai Pathian, lungkham takin irheikîr nôk roh,

INPÂKNA HLAHAI 80:7

O sipaihai Pathian, nir heikîrtirin lân; Ni hmêl chu invârtir ro, khanchu saninhringin kin iom hrang a ni.

1 THURCHI SUINA 17:24

Ni’rhming roiinpui a ta, ni mihaiin itinrêng Rengpa hi Israelhai hrangin Pathian tak a lei ni tâk hi; la ti an ti. Kin lalna khom hi kumtuangin indet ni ti.

JOBA 23:13

Mi lungrîl det a ni, tu’n mo hruai inkôi thei hrang? A inuam ang a itho thei a ni.

EZRA 9:4

Khanchu sal intâng zôkhai inchâina sika Israelhai Pathian thua irthiang murdihai chu ki kuang an honga; khohloi tianga irbôlna zoro phâk dênin a lô lam inhre loiin ki toi raka.

IRPHUTNA 12:13

Nangma sikin a dama ki om theina hrangin, a farnu ki ni, lungkham takin ni irti mai hrang a ni,” a tia.

2 RÊNGHAI 25:27

Evilmerodaka babulon rêng a ni kumin, Judai rêng Jehoiakina chu lung an khama, intângna in ata an suaka, Jehoiakina chu kum sômthum sari le tha sômhleihni sûn sômhni sûn sari ni an tâng zoiin an insuaka.

JEREMIA 27:8

Babulon rêng Nebukadnezara thuhnuaia om nuam loihai chu a tu rêng ram le a tu panamhai khom khandaiin, châmin, hri le hrâiin dûk thohai ki ti. Nebukadnezara’n insiat chita an om mâka chu.

JEREMIA 40:9

Gedalia’n a ti pehaia, “Babulon-hai kuta irpe hrangin ite chi hrang zel om mah ti hi chong ki inkung a ni. Hi rama hin omhmun indet unglân, Babulon rama rêng sintho unglân, nin ta hrangin thil tinrêng fel ving a ti.

EZEKIELA 8:4

Khan, irngai ta, Israelhai Pathian roiinpuina kha, vadung phâizôla ki ihmu ang kha ki hmua.

JEREMIA 44:7

“Khaangin atûn hin keima Rengpa Itinrêngthothei, Israelhai Pathianin nin ta hrangin, i lo hranga khaanga thil saloi kha nin itho ti hi nangni ki irdon a ni. Pasalhai, nupanghai, nâipanghai le nâitehai chunga siat chitna intung nin ni, tûte hôi loia an iom hrang hi nin inuam ma ni?