JEREMIA 36:3 - PATHIAN LEKHABU IRTHIANG C.L. Bible (BSI)

³ Juda mihaiin an chunga vânduaina irkhêl intungtir hranga ki thiltumhai inhriat pumin, an omdân saloihai an irlet thei duaiin; an irletin chu an tho’nchâina le an sualnahai inzahai ki ti,” a tia.

JEREMIA 36:3 ပူးပေါင်းရင်းမြစ်များ

NEHEMIA 1:9

aniachu keima tiang nin hong kîr nôka, ki thupêkhai nin poma, nin zômin chu, nin laia mi, irvân tena inhnot ni khom sianlân, khatak ata khom nangni bukkhôm nôk ki ta, ki’rhming omna hmun ki indangna khan nangni hruai nôk ki ti,’ tia ni thupêk kha irngaihoi takin inhre mai roh.

INPÂKNA HLAHAI 139:24

Khanchu, keimaa hin siatna lam rêng rêng a om mo, om ma mo enin lân, Kumtuang lama khan ni hruai roh.

ISAIA 6:10

Hi mihai lungrîl hi inchotir pehaiin lân, an beng sêt sianlân, an mit inthim pehai sian. Anino’nchu, an mitin hmu an ta, an mikuarin inhrena an ti, an lungrîla inhre mai an ta, irletin indam nina an ti, a tia.

JEREMIA 18:11

Khasikin atûn hin Juda mihai le Jerusalema omhai kuang, anni doi hrangin thil ki’rsiama, dûk thohai hrangin ki irzoi diam ta a nih ti hril roh. Anni chu sual sintho hringnun hmang inhek hrangin hril ro, an lampuihai thûla an sinthohai mâkin.

JEREMIA 18:8

kha namhai khan an sualna an irletin chu, an chunga thil saloi tho ki itum kha irlêk nôk ki ti.

JEREMIA 23:14

Kha nêka sual ual Jerusalema deipuhaiin sual an isin ki ihmu a ni. An uirea, chong minlak an hrila; thil saloi tho hrangin mihai an changpuia, tukhomin thil saloi sin an mâk no hrang sikin. Ki ta hrangin chu an rêngin Sodom le Gomora mihai anga taksa sual an ni.

JEREMIA 24:7

Keima hi Rengpa ki nih ti inhriat theina hrangin, anni chu irzukna pehai ki ta; an lungrîl murdi le ki kuang an hong ikîr hrang a ni sikin.

JEREMIA 26:3

Mipuihaiin an irngaia an omdân saloihai an mâk theina hrangin, an mâksan theiin chu an thil sual thohai sika khan an chunga vânduaina intung hranga ki irêl sai kha irlêktir pehai ki ti,” a tia.

JEREMIA 35:15

Nin laia a ni zui deipuhai ki tîrhai maia, nin omdân sualhai masana, thil sa tho hrangin nangni an lei hril ngaia. Nangni le nin irchibulhai ki ipêkna ram hin om kumkhua thei hranga pathian danghai chubai mûka an sin tho loi hrangin nangni an hril ngaia. Khan khomin ki chong irngai nuam mak chêia, nin ni uksak nuam loi a ni.

JEREMIA 36:7

Rengpa’n a ningmur ichiom tak leh an sîhai sikin, an omdân saloihai ata irletin Rengpa kuang ngaidamna an zong duai khom a ni thei,” tiin.

EZEKIELA 12:3

Khasikin, nang mihriam nâipa, sala intângnaa fe hrang angin ni neinunhai intêl infelin lân, khan sûn khovâra an mithmu ngêta sala intâng hrangin fesuak ro, an mithmu ngêta hi hmun ata hmun danga irson ro, tehelzong insûngkua an nina kha, an ngaitua thei nâk mo.

EZEKIELA 18:23

Mi sual an thia hin ki ilôm hrang ma ni? an nun hong irleta, nun thara an iom hi ki ilôm ual loi hrang mo?” ti hi Rengpa pathian thusuak a ni.

ZEFANIA 2:3

Nangni irnênga mi thuhnuairôl murdi, a thu zômtuhaio, Rengpa kha zong roi; Felna zong unglân, thuhnuairôl tum roi: Rengpa ninginmurna nikhuaa khan ithupin nin om thei itinin.

MATHAIA 13:15

An milung a lei inmôl tâka, An mikuar a lei sêt tâk, An mit khom a lei zîng tâk sikin. khano’nchu an mitin hmu an ta, An mikuarin inhriat an ta, An milungin inhre thei an ta, Keima tiang hong irhei kîr an ta, Ki lei indamhai itinin, Pathianin a ti,’ iti kha.

MARKA 4:12

‘En enin hmu infel no nihaia, Irngai irngaiin ar fêna lam chang inhre no nihai, khano’nchu, hong irhei an ta, ngaidam nina an ti; ti ang kha a ni theina hrangin,’” a tia.

LUKA 20:13

“Grep irhuan neitupa khan, ‘Itin mo ki itho hrang tâk? ki nâipa inditom tak hi tîr ta ki ta; ama hi chu lei inza an ti duah,’ a tia.

TÎRTÔNHAI SINTHO 26:18

Keima ni iam sika an sualhai ngaidam an nina hrangin mi irthianghai laia irchon dongtum an nei sa theina hrangin. An mit invâr hrangin, inthim ata vâr hong inkîrtir hrangin Setana thuhnuai ata Pathian tiang hong inkîrtirtu hrang ni ni,” a ni tia.

TÎRTÔNHAI SINTHO 26:20

Khanchu, Damaska mihai kuanga insîr irphutin Jerusalema mihai kuang, Judai rama mi murdihai le Jentailhai kuang khom an sualna ata irleta Pathian tiang an irheia, an irlet tak tak a nih ti an langna hranga, sin an thôna hrangin thu ki ihril ngai a ni.

TÎRTÔNHAI SINTHO 28:27

Hi mihai milung hi a cho tâka, An mikuar kha an sêttira, An mit an insîng saa, khan ni no sian an mitin hmu an ta, An mikuarin inhria an ta, An milung inhre sa ta, hong irhei nôk an ta, lei indamhai likna ki ti,’ a ti kha.

TÎRTÔNHAI SINTHO 3:19

Khasikin nin sualhai irlet unglân, Pathian tiang hong kîr nôk roi.

DÂN INHNINA 30:2

Nin irchihai leh Rengpa tiang nin hong irhei nôk nuama, a vuana nangni ki ihril, a thupêkhai hi a satêna zôm nin nuamin chu,

DÂN INHNINA 30:8

a thu zôm ta nin ta, a vuana thu nangni ki ipêk murdi hi zôm ta nin ti.

DÂN INHNINA 5:29

Khaang lungrîl kha irput maihai sianlân chu, i dôra sa hrang mo a ini! Ni chi an ta, ki thupêkhai zôm an ta, an nâihai ten khom kumkhua’n irhniang an ti:

2 PETERA toc2 2 PETERA 3:9

Senkhat iam lam angin Rengpa hi a thu’nkung hlenna lama ir-ial ma; nin ta hrangin a ituang thei kêng; tûte irhmang nuam maka, mi murdi’n an sual an irleta, a kuang an ikîr a nuam ual a ni.

1 SAMUELA 7:3

Khante Samuela khan Israel mihai kuang khan, “Nin lungrîl taka Rengpa tiang nin irnghat tak takin chu, ram dang pathianhai le Asterothi pathiannuhai millim kha nin lai ata pai ving roi. Nin lungrîl kha Rengpa ta hrangin sinsiam unglân, ama sin vai tho roi; khanchu Filistia-hai kut ata hi nangni a isansuak hrang a ni,” a tia.