JEREMIA 35:4 - PATHIAN LEKHABU IRTHIANG C.L. Bible (BSI)

⁴ Rengpa tempila anni chu ki hruaia. Igdalia nâipa deipu Hanana tentana ki lûtpuia. Kha khan mi lianhai tentan kôl, mikot nghâktu Saluma nâipa Maaseia tentan sûnga om a ni.

JEREMIA 35:4 ပူးပေါင်းရင်းမြစ်များ

DÂN INHNINA 33:1

Pathian mi Mosia khan a thi mân, hiang satvurnahai hi Israel mihai ta hrangin a ngên pehaia.

2 THURCHI SUINA 8:14

A pa Davida inkung sai angin ochaihai a ni tina an tho hrang infelpuia, ochaihai hla saka lei changpui hrang Levia irchihai tho hrang khom infel pea. Tempil sipaihai a ni tina an sin hrang hai, inkhâr hrang hai, Pathian mi Davida ihril angin an danghai vinga.

2 RÊNGHAI 12:9

Ochai liantak Jehoiada’n bôm a siama, a sîng a’r-ôngtira, maichâm kôla tempil lûtna chang tiang a siaa. Tempil lûtna bula ochai lei ompu khan Pathian kuanga thilpêkhai lâk ngaitu khan a lei lâka, bôm sûnga khan a thona.

2 RÊNGHAI 25:18

Sipai uliantak Nebuzaradana’n ochai inlaltak Seraia le a hnuaia ochai Zefania le tempila ulian inthumhai khom Babulon-a a hruaia.

2 RÊNGHAI 1:9

Rengin a sipai hruaitu, sômringa sipai leh a tîra. Anni khan tâng sîpa Elija lei toi an va hmua, a kuang, “Nang Pathian mi, rêngin zuang ro nang a ti,” an tia.

1 RÊNGHAI 12:22

Khannisian, Pathian mi Simeia kuang khan, Rengpa thu a zuang tunga.

JOSUA 14:6

Gilgal-a an om laiin Juda irchi laia mi senkhat Josua kuanga an honga. An laia mi inkhat, Keniz mi, Jefunea nâipa Kaleba’n Josua kuang, “Kades-Barnea ei om laia Pathian mi Mosia kuanga, ei inhni chungchânga Rengpa ihril kha nin hriata.

2 TIMOTHEA toc2 2 TIMOTHEA 3:17

Khaanga hmangin kêng Pathian mi chu hmang inruk a hong nia, thil sa tinrêng thothei hranga irbel a hong ni ngai a ni.

1 TIMOTHEA toc2 1 TIMOTHEA 6:11

Nang, Pathian mi, kha thilhai kha nangma’n chu rotsan roh. Felna hai, Pathian ngaisakna hai, iamna hai, lungthungna hai thuhnuairôlna hai, tuangdiarna hai, nunhoina hai, nei tum khak roh.

EZEKIELA 43:8

An tualzôlhai chu ki tualzôla siain, an mikot khârhai chu ki mikot bula, anni le kin kâr chu bang vai a oma. Khan an intir omna an lei itho tâkhai khan ki’rhming irthiang an lei porinchetir tâka, khasikin ki milung hoi loina khan anni chu ki hâlirvôm paihaia.

JEREMIA 52:24

Sipai hruaitu lian tak Nebuzaradana khan ochai inlal tak Seraia, a hnuai zela mi ochai Zefania le a dang biak ina milianhai inthum khom mi intângna khan a hruai saa.

JEREMIA 26:10

Hi thuhai hi Juda roirêltuhaiin an inhriatin chu, rêng ina irthokin tempil tiang an fe zela, mikot thar lûtna khan an toi tâka.

INPÂKNA HLAHAI 84:10

Ni biak in hualsûng kholâia sûn khat om hi, sûn sângkhat nêkin a sa uala. Pualoina puan inhaia om nêkin chu, Kin Pathian ina mikot enkoltu ni khom ki nuam ual a ni.

1 THURCHI SUINA 9:27

Khaangin, a zîng tin hi tempil inhongin, a enkol pumin an ihrung mai ngai a ni.

2 RÊNGHAI 7:17

Israel rêngin ama hrung ngaitu sipai hruaitu kha mikot hrung hrangin a lei phun khera. Elisa hmu hrangin rêng leh an honga, a iti angin sipai hruaitu chu mipuiin an bôma a thi tâka.

2 RÊNGHAI 7:2

Reng hrung ngaitu sipai hruaituin, Pathian mi chu hiang hin a sâma, “Rengpa’n irvân tukver inhongin rua inthotir khomsian, khaang khan chu tung ual le irhoi ma!” a tia. Elisa’n, “A hmu chu hmu thei ni ta, fa thei ual no chi ni,” a tia.

2 RÊNGHAI 6:10

Israel rêngin Pathian mi iti pena hmuna omhai chu a hrila, an le’rtûng irman vinga; voi tamtak an hrilhai a ni.

2 RÊNGHAI 5:20

Hlataka a fe mân zel khan, Pathian mi Elisa hnungzui Gehazia’n, “Ka pu hin Naamana chu ite la loiin an fetira, kha Suria mipa’n pêk a itum kha la sianlân a isa hrang, Rengpa irhming sâmin la va’rzûl hi rong, i zât mo khôk la va sut ngêt hrang,” a tia.

2 RÊNGHAI 5:14

Deipu iti angin Naamana chu Jordan dung a pana, voisari a’rphûma, a vun chu nâipang vun a hong ang pe nôka, a’rthiang tâka.

1 RÊNGHAI 20:28

Khan deipu inkhat hi Israel rêng Ahaba kuang a honga, “Rengpa’n hiang hin a ti; Suriahaiin Rengpa chu tâng ram Pathian a nia, phâizôl Pathian chu ni mah an ti sikin hi sipai tamtak hi ni kuta nang ki pêk, nang le ni mihai hin Rengpa ki nih ti nin inhriatna hrangin,” a tia.

1 RÊNGHAI 17:24

Meithâinu khan, “Pathian mi ni nia, Rengpa hin ni kuanga thu an sîrin, nang a sâm ngai a nih ti atûn hin kin hriat infel suak ta,” a tia.

1 RÊNGHAI 17:18

Meithâinu khan Elija kuang khan, “Pathian mi, itho mo hianga ni ni ilo? Pathian kuang ki sualna târinlang hrang le ki nâipa that hranga ni ihong kêng a ni hi te,” a tia.

1 RÊNGHAI 13:26

A lei hruaitu deipu tarpa khan an hriatin chu, “E, Rengpa thupêk zôm loitu deipu kha a ni kha te. Rengpa iti angin kâmkeibakneiin sê that hrang a itipu khan a ise that a ni ta,” a tia.

1 RÊNGHAI 13:1

Jeroboama chu maichâm bula thilinhlan hranga a ngîr laiin, Rengpa itîr deipu, Judai ram ata Bethel hmuna a hong tunga.

1 SAMUELA 2:27

Elia kuang khan Pathian mi inkhat a honga, a kuang Rengpa thu a hon tunga; “Nin irchibulhai kha Aigupta rama Faroa suaka an om lai khan an kuang ki inlâr mo ni ma?

JEREMIA 35:3

Khaangin Habazinia nâipa Jeremia dang nâi Jaazania le a urênghai le a nâi an rêngin le Rekaba in sûngkuahai ki hruaihaia,

EZEKIELA 40:38

Khanchu tualzôl pêninta rengata kha hmâr tianga dâikot sûnginta le irzomin tentan le lampuihai hi a oma. Khanchu tualzôl tianga ngha tentan lianna tiang a suaka, khataka khan pum hâlirvôm thilinhlanhai an sôpinfâi ngai.

JEREMIA 21:1

Reng Zedekia’n Malkia nâipa Pasura le Maaseia nâipa ochai Zefania hai chu, hi ngênna leh hin ki kuang a hong tîrhaia: