JEREMIA 34:2 - PATHIAN LEKHABU IRTHIANG C.L. Bible (BSI)

² Rengpa, Israelhai Pathianin rêng Zedekia kuanga fea, a kuang hril pe hrangin a ni tîra, “Keima, Rengpa’n hi khopui hi Babulon ram rêng kuta inhlan ki ta, ama’n a ihâl ving hrang a ni.

JEREMIA 34:2 ပူးပေါင်းရင်းမြစ်များ

2 RÊNGHAI 25:1

Zedekia chu Babulon rêng kôl ata a’rhela; khanchu Zedekia kum kuak an lal kuma tha kuakna sûn sôm niin, Nebukadnezara chu a sipaihai leh an honga, Jerusalem an hong rûna an khuaa dâi kôla hmun an khuara, bang an irkul vinga.

2 RÊNGHAI 25:9

Tempil chu a hâla, rêng inhai le Jerusalema mi lianhai in khom a hâl pehaia.

JEREMIA 21:10

Hi khopui hi hôi loi hrangin lungrîla ki lei iti sai a ni, insiat chit ki lei itum a ni. Babulon rêng kuanga pêk nih a ta, ama’n mei leh a ihâlpai hrang a ni, keima Rengpa hin ki iti tâk a ni,” tiin.

JEREMIA 21:4

Rengpa Israelhai Pathianin a iti a ni, “Zedekia, ni sipai pâl Babulon rêng le a sipai pâl doituhai kha, ki indoktirhai hrang a ni. Khopui inlaina taka ni sipaihai râltukfamhai chu ki ibuk hrang a ni.

JEREMIA 27:22

Babulon tiang chôi ving ni a ta, ki ngaisak nôk mâka chu, kha khan om a ti. Kha hnung chu chôipai nôk ki ta, hi hmuna hin se nôk ki ti. Keima Rengpa’n ki iti a ni,” a tia.

JEREMIA 32:3

Kha hmuna khan rêng Zedekia’n a ni intângtir a nia, Rengpa’n a iti a ni, “Hi khopui hi Babulon ram rêng ki ipêk hrang a ni,

JEREMIA 34:22

Thu pe ki ta, hi khopuia hin hong kîr nôk an ti. Judai ram khopuihai chu ramchâr, tûte om thei loina hmunin siam ki ti. Keima, Rengpa’n ki iti a ni,” a tia.

JEREMIA 38:23

Khanchu ki ti pe nôka, “Ni nupanghai le ni nâihai ngei khom an kuta irthokin zôk thei no chi ni. Babulon ram rêngin intângnaa nang hruai a ta, hi khopui hi ihâlpai zit ni a ti,” ki tia.

JEREMIA 39:8

Kha zoro taka khan, Babulon-hai khan rêng in le mi inhai chu an hâl insiata, banghai an insima.