JEREMIA 34:16 - PATHIAN LEKHABU IRTHIANG C.L. Bible (BSI)

¹⁶ Kha hnungin nin lungrîl theng nôkin mahrip ni tho mak chêia. Zalên taka nin inomtirhai kha nin hruai kîrhai nôka, suak changna khan nakhrâtin nin thunlûthai nôk a ni.

JEREMIA 34:16 ပူးပေါင်းရင်းမြစ်များ

LEVI DÂN 19:12

Ki’rhming sâmin milak tho no ro, ni Pathian irhming insiat no ro, Rengpa ki ni hi.

EZEKIELA 18:24

Mi sa khomin thil sa mâksanin thil sual a thoa, mi sualhai itho anga thil porinche tinrêng a tho hin a ihring hrang ma ni? A sin sa thohai chu inhriat mai ni ta no nia, a thilsual thôna le a inchâina sika khan thi zel a ti.

EZEKIELA 3:20

Mi dik khom, hnung kîrin thil sual a tho’n chu, a matona irletna lung sia ki ta, thi ngêt a ti, ama chu leiirhrilna ni lei pêk no sikin, a sualnaa khan thi a ti, khan a thil sa thohai chu inhriat mai ni ta no ni; aniachu a thisen mô chu nangma’n pêl ni ti.

JEREMIA 34:11

Kha hnung chu an lungrîlhai indanglamin an hruai kîrhai nôka, nakhrâtin suak an inchanghai nôk tâka.

FESUAKNA 20:7

“Rengpa ni Pathian irhming sâmin minlak tho no ro, minlaka a’rhming sâmtu chu Rengpa’n dengintheitir loiin om no ni.

1 SAMUELA 15:11

“Saula rêng ki lei inchang hi chu ki irsîr a ni; hnung a ni songsana, ki thupêkhai zôm maka,” a tia. Samuela chu a ning an mur pea, zân khovârin Rengpa an sama.

MALAKIA 1:12

Nangni rêk chu, Rengpa maichâm kha a porinche a ni, A thei ra a bu ngei kha hmusitom, nin itia khan a ni. A porinchetirtu nin ni.

MALAKIA 1:7

Ki maichâma khan bai porinche nin inhlan kha te. Nangni’n, khoa khan mo kin iporinchetirna? nin tia. Rengpa maichâm hi hmusitom a ni, nin iti hennaa hin a ni.

EZEKIELA 39:7

Khanchu ki’rhming irthiang kha ki mi Israelhai laia inlârtir ki ta, ki’rhming irthiang porinchetira om hrang chu irngai thei no ning. Khanchu nam tinhaiin, Rengpa, Israel mi irthiang chu ki nih ti inhre ta an ti,” a tia.

EZEKIELA 20:39

Nangni Israel insûng mihaio, Rengpa pathianin hiang hin a ti: “Mâni millim chu pan zêl unglân, chubai mûk roi, ki chong irngai nuam ngai mak chêi! ki’rhming irthiang hi nin thilinhlan le nin millimhai khan porinchetir ta no roi.

EZEKIELA 13:22

Keima beiindongtir ni maka, mi felhai lungrîl sunin nin innatir sik le mi sualhai chu hring dama la omna hranga an sualna lam ata irlet loina hrangin mi sual kuthai chu nin inhrâta.