JEREMIA 33:9 - PATHIAN LEKHABU IRTHIANG C.L. Bible (BSI)

⁹ Jerusalem chu keima hrangin raifânna, chôiirsângna le songinruk ni a ta; Jerusalem mihai ta hrangin thil sa ki ithohai le khopui chunga vângsakna ki insum thu an lei inhriat tena chu, rammuala nam tinin chipumin an inthing hrang a ni,” a tia.

JEREMIA 33:9 ပူးပေါင်းရင်းမြစ်များ

2 THURCHI SUINA 20:29

Israelhai râl, Rengpa an Pathianin a isoisak dân chu an kôlvêla namhaiin an inhriatin chu, Pathian kha an chia.

NEHEMIA 6:16

Hiang hin a hong nia, kin râlhai murdi’n kha thu kha an len hriatin chu, kin kôla nam danghaiin an lei chia, dormusiat okin an irhriata, sin chu kin Pathian itho a nih ti an inhriata.

ESTHERI 8:17

Khanchu, ram bial tin le kho tina, rêng thupêk a tungna hmun tina, Judahaiin lômna le raifânna an neia, sûn irngamna le hruaithena hai khom an nei ta. Judahai kha an chi tâk sikin, kha rama mi tamtak chu Judaa an irlet tâk a ni.

INPÂKNA HLAHAI 130:4

Khannisianlân, ni ni ngaidama, Nang ki chi theina hrangin.

INPÂKNA HLAHAI 40:3

Hla thar ki bâia a sia tâka, ei Pathian inpâkna chu: Mi tamtakin khahai kha hmu an ta, chi an ta, Rengpa chu iam ta an ti.

ISAIA 43:21

Keima hranga ki isiam an ni. Ni lan pâk ngêt an ti.

ISAIA 55:13

Ilhling bila meisâr thing hong mông a ta, Hloitharpa bila hruirâng mông sa a ti. Rengpa sintho inhriat maina hrangin kîr ta loi hrang, kumtuanga irsinsiana ni a ti.

ISAIA 60:5

Ni hmu tena chu râifân hmêl irput ni ta, râifân hraiin a omna lam inhre no chi ni. Nam tin sum le pâi chu tuipui chunga hong chôi an ti.

ISAIA 62:1

Zion sikin dâihrek thei ta no ninga, Jerusalem sikin omchian thei ta no ning. A dik lam chu an lang infela, saninhringna a nina meivâra a vâr inlang infel no’n chu.

ISAIA 62:12

Rengpa irtanhai chu, “Nam irthiang,” ti an ta. Nang khom, “Rengpa zong suak, khopui mâksan thei loi,” nang ti an ti.

ISAIA 62:4

“A’rkhêl,” nang ti no nihaia, “A’rhmangnu,” nang ti ual no nihai. ‘Indiknu’ nang ti ta an ti. Rengpa ni chunga a lôma, ni ram ta hrangin pasal angna nei a ti.

ISAIA 62:7

Jerusalem an hong indet nôka, nam tinhai inpâk ruk hrang a ni mâka chu, Rengpa chu omchian phal no nihai.

ISAIA 64:2

Meiin thing châr a ikâng angin, tui a irtoktir ang hin, nam tinrêng hi ni makunga inthinghai sian, ni râlhai nir hming inhretirhai roh.

JEREMIA 13:11

Mi’n diar an ikai mai ngai ang khan, Israel in sûngkua le Juda in sûngkua murdi ki kuanga om mai hrangin le, nin pâka ni chôiirsâng hrangin ki’rfûktira, khan ki thu zôm nuam mahai,” a tia.

JEREMIA 16:19

Rengpa, nang chu ni sûnghualtu le hrâtna ni petu ni nia, buaina ki tong zoro khomin ni ni changpui ngaia. Namhai chu kôlkila irthokin ni kuang an honga, an iti chu, “Kin irchibulhaiin pathian dik ni loihai ti no chu a dang ite nei mahai, hmanghmunboi millim ti no chu ite nei mahai.

JEREMIA 24:6

Anni chu vêng mai ki ta, hi rama hin hong hruai kîr nôkhai ki ti. Anni chu siam indinghai ki ta, kaiinthekhai ta no ninga; anni chu phun ki ta, phâihai ta no ning.

JEREMIA 26:6

Thuzôm loia nin la om maiin chu hi tempil chunga hin, Silo chunga ki itho ang khan ki itho hrang a nia, khanchu rammuala nam tinin hi khopui irhming hi khomâk irsâmna’n hmang an ti,” tiin.

JEREMIA 29:1

Babulon rêng Nebukadnezara’n Jerusalema irthokin Babulon rama mi intânghai hruaitu ochaihai, deipuhai, mipui hruaituhai le mi danghai kuanga lekha ki thona.

JEREMIA 3:17

Kha zoro kha a tung tena chu, Jerusalem chu ‘Rengpa rêngtoihmuna’ bê ni a ta, nam tinrêngin kha khan chubai ni mûk an ti. An lungrîl sual le sêtin tho hranga a ihril kha tho ta no nihai.

JEREMIA 3:19

Rengpa’n a tia, “Israel ram milung chuk om, rammual pumpui sûnga ram hoitak nang pe hrangin, ki nâi hrangin nang ki inuam a nia, ‘Ka pa,’ tiin a ni koia. Ki kuanga irthokin a dang tiang tehelzong ta loi hrangin, Nang ki inuam a ni.

JEREMIA 31:14

Ochaihai chu bu tui tak leh vâihai ki ta, ki mihai chu ki satna khan khop sa an tih ti hi Rengpa thu suak a ni.

JEREMIA 31:4

O dôngmate Israel, nan ding inthartir nôk ki ti. Nin khuanghai lâkin raifân taka lâm hrangin suak nin ti.

JEREMIA 32:42

“Hi mihai chunga vânduaina irkhêl ki lei insum tâk angin, thil sa ki inkunghai chu ki ipêkhai hrang a ni.

JEREMIA 33:14

Khan Rengpa’n, “Israel in sûngkua le Juda in sûngkuahai laia ki chonginkung kin tungna hrang nikhua chu a hong nâi thiai ta a ni.

JEREMIA 4:2

ki’rhming chonginkungna nin inei hrang kha, thil dik ni a ti. Khaang khan a ni’n chu nam tinrênghaiin satvur hrangin ni ngên an ta, ni chôiirsâng an ti,” a tia.

JEREMIA 44:8

I lo hranga millimhai chubai mûkin le pathian danghai kuanga irbôla om hrangin nin izuangna Aigupta hin ningmur nin ni irlâktir? Rammuala nam tinin nangni hmusita nin irhming khomâksâma om hranga nin binga siat chitna nin itho mai?

JEREMIA 49:25

Khopui irhming inthang lôm taka om ngai kha, dâisanhreka mâk a ni tâka.

EZEKIELA 26:20

Tiana lei thi tâkhai leh omsuam hrangin mithi khuaa nang tîr ki ta, kha hnuai rama khan kumtuang dêna siathai kuanga mithihai leh omsuam hrangin nang siam ki ti. Kha tena chu mihringhai rama omin ni hmunhai lua thei ta no chi ni.

EZEKIELA 36:35

Khanchu mi tinin, ‘Hi ram hi matona khan chu ramchâr a nia, khannisian itina mo Eden irhuan anga omin, hi khopui insimpaia, longindara, siata mâksana omhai khom kha lua nôkin kulhai indinga a iom nôk tâk ma ni?’ tiin la hril an ti.

EZEKIELA 39:13

Khanchu a ram sûnga mi tinin, anni chu phûmhai an ta, khanchu inhnêna ki chang nî sûn chu chôiindômin om an ti. Kei Rengpa Pathian hin ki iti a ni.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

ZAKARIA 1:17

Hiang hin sipaihai Rengpa khan a ti e, ki khopuihai kha irhniangna sikin chuai nôk an ta, Rengpa khan Zion kha irtharngam nôk a ta, Jerusalem kha inthang nôk a ta, tiin van sam nôk ro, a tia.

ZAKARIA 12:2

“Jerusalem chu a vêla nam murdihai ta hrangin inruina khilâtin siam ki ti. Khan Jerusalem chu an doi tena, Juda khopui murdihai khom chu doiin om an ti.

DÂN INHNINA 30:5

Khanchu, nin pi le puhai omna ngai ram kha dong nôk nin ta, nin irchibulhai nêk khan hong tam nin ta, hong irchong nôk ual sa nin ti.