JEREMIA 33:8 - PATHIAN LEKHABU IRTHIANG C.L. Bible (BSI)

⁸ Ki chunga an lei insualna ata kha thârhai ki ta, an sualhai le an tehelzong ngai kha inzâhai ta ki ti.

JEREMIA 33:8 ပူးပေါင်းရင်းမြစ်များ

ZAKARIA 13:1

Khan Sipaihai Rengpa’n, “Kha zoro kha a hong tung tena chu, Davida irchi suanpâra mihai le Jerusalema mihai, an sualnahai le an millim biaknahai thâr irthiangna hrangin tuikuang inhong pe ni an ti.

EZEKIELA 36:25

Tui kathâr nangni inthikkhum ki ta, nin millim murdihai ata le nangni a porinchetirtu thil tinrênghai ata kha nangni thâr irthiang ki ti.

INPÂKNA HLAHAI 51:2

Ki siatnahai hi ni’rsunfâi zitin lân, Ki sual hi nin fâi roh.

THUPHUANG 1:5

Jisua Krista, inhriatpuitu iamom tak, thina irthoka thoinôk masa tak le rammual rênghai chunga roirêltu kuanga irthok ata, lungkhamna le irngeina kha nin ta ni ri se. Lung a ni thunga, a thina sikin ei sualhai ata a ni’rtansuaka,

EZEKIELA 36:33

Khan Rengpa Pathianin hiang hin a tia, “Nin sual murdihai ata nangni ki’rthiangtir tena chu nin khopuihaia khan, nangni inomtir nôk ki ta, nin kho ram lei chang tâkhai kha indingtir nôk ki ti.

JEREMIA 31:34

Rengpa chu inhre mai roi, ti’n tûte’n an rualhai le an urênghai irchutir no nihai. A chîn ata a lian dênin nin hre mai an tah ti hi Rengpa thu suak a ni. Khanchu an sin insiatnahai ngaidam ki ta, an sualnahai inhre ta no ning,” a tia.

JEREMIA 50:20

Kha zoro kha a hong tungin chu, Israel rama sual sin hmu ni ta no nia, Judai rama tho’nchâina hmu ni ta no ni, an hringna ki inzôk pehai kha ki ngaidam hrang tâk sikin, keima Rengpa’n ki iti a ni,” a tia.

ISAIA 44:22

Phâivua’n sûm a isêmpai angin ni sin insiatna ki’rnghila, phâivua’n sûm a isêm irhmang angin nin sualnahai ki sêm irhmangtir ta, khasikin ki kuang hong kîr ta roi, nang a’rtantu ki ni.

INPÂKNA HLAHAI 65:3

Tho’nchâinahai khan a nin hnê ngai nâkin: Kin porinchenahai murdi nangin ni’rsunfâi ni ta;

JOELA 3:21

Khan, an thisen ki infâiloi kha infâi ki ta: Rengpa kha Zion-a a om mai sikin.

ISAIA 56:7

Ki tâng irthianga hruaihai ki ta, chongchaina hmun, ki ina chu raifân takin inomtirhai ki ti. Hâlirvôm thil irbôlnahai, ki maichâma an hong ichôi chu lei lômhai ki ti. Ki tempil hi mi tinrêng ta hrangin chongchaina hmun ti ni a ti.

ISAIA 4:2

Kha ni khan chu Rengpa ata a dôn thar hong suakhai chu intuai duamin om a ta, Israel rama la omhai ta hrangin satak le tuitakin la ra a ti.

LEVI DÂN 16:30

Hi nikhua hin a ni, an hong irthiang theina hrangin an sual murdi irbôlna thilinhlan an inhlan a ni.

INPÂKNA HLAHAI 130:4

Khannisianlân, ni ni ngaidama, Nang ki chi theina hrangin.

CHAP HLA 4:22

Zion nâi le tehaiin nin tuang tum tuangin sala intâng ta no chin ni, nangni Edom mihaiin tuang nin ti. Nin sual dânhai khom inlang ving a ti.

INPÂKNA HLAHAI 130:8

Khanchu ama khan Israelhai chu, an sualna murdi ata irtan a ti.