JEREMIA 33:6 - PATHIAN LEKHABU IRTHIANG C.L. Bible (BSI)

⁶ Khannisian hi khopui le a mihai chu indam nôk ki ti, hrisêl takin sehai nôk ki ta, khanchu an kuang thudik le irtharngamna tamtak chu inlangtir sa ki ti.

JEREMIA 33:6 ပူးပေါင်းရင်းမြစ်များ

JOHANA 10:10

Inru chu inru hrang le mi that hrang le insiat hrang vaiin kêng a ihong ngai, kei chu hringna nin neina hranga, tamtak nin neina hranga zuang ki ni.

ISAIA 30:26

A mihai sâbe tuam pehai a ta, an popnahai a dam zoi tena chu, tha khi misa nêkin vâr a ta, misa khom vâr irkhêlin hapta khat vâr irthûl sûn khatin vâr hrât a ti.

INPÂKNA HLAHAI 67:2

Ni lampui chu irnêng chunga mihai inhriat a ni theia, Ni saninhringna chu nam tinrêng laia inhriat a ni theina hrangin.

ISAIA 58:8

“Khanchu, zîng vâr angin vâr nin ta, nin natnahai chu dam lat a ti. Rengpa, mi dikin nangni hruai a ta, a roiinpuina khan nin hnung tiang ilhli a ti.

HOSEA 6:1

Thoi, Rengpa kuanga khan kîr ta ei ti; a ni lei inpopchit tâk nâkin, a ni indamtir nôk hrang a ni, a ni lei zêm tâka chu, a ni ituam nôk hrang a ni.

ISAIA 66:12

Rengpa’n hiang hin a ti: Tui kang loi angin irngeina pe ki ti, nam dang irchongna murdihai hi, tuilian angin zuan lûttir ki ti. Nu’n a nâi irhnu pêkin a ipom ang hin, a mal chunga inper ot ot a ti.

1 PETERA toc2 1 PETERA 1:3

Ei Rengpa Jisua Krista Pathian le Pa chu inpâkin om ri se. Jisua Krista kha mithi lai ata kaithoiin sabeina hring nei hrangin a za’rngaina roiinpui tak khan a nin hring nôk tâka.

ISAIA 54:13

Ni nâihai murdi Rengpa’n irchutirhai a ta, râl irvei loiin om mai ta an ti.

HOSEA 7:1

Israel indam ki tumin Efraima sualna a hong inlanga, Samari sualna le huang an uara, sûng tiang inru a hong lûta, pên tiang hrâtlâksong pâlin an roka.

JEREMIA 17:14

Rengpa, nin damtirin lân chu dam ving ki ti, ni sanin lân, zôk ving ta ki ti. Nangma vai nang ki inpâk ngai ni ni.

MIKA 4:3

Khan, ama khan chi tamtak kâra roirêl a ta, hlataka nam hrât tak khom halirchu a ti; khan, an khandaihai kha âlkaina hmor irzumhai incher an ta, an ufeihai kha thei kunga tanna chem kolhaia incher an ti: nam dangin nam dang chunga khandai irlek ta no nihai, irdoi dân khom irchu ual ta no nihai.

ISAIA 55:7

Mi sualhaiin an omdân chu masanhai sian, mi tukhomin an ngaituana sual mâksanin, Rengpa tiang hong kîrhai sian, len renhai mai a ti; ei Pathian hi mi ngaidam nuam tak a ni.

ISAIA 2:4

Nam tin chunga roirêl a ta, Irngeitirhai a ti, an khandaihai bu tûna hrangin incher an ta, an ufeihai khom theipui ôn tanna hrangin sin an ti. Nam dang chunga nam danghaiin chem hrei inlek ta no nihaia, irdoi dân khom irchu ta no nihai.

INPÂKNA HLAHAI 37:11

Thuhnuairôlhaiin chu ram hi lua an ta: Irngeina hmangin irhniang an ti.

DÂN INHNINA 32:39

Keima vai hi Pathian kha ki ni, om ta tak mahai pathian danghai, ki thathaia, kin damtirhaia, ki ta ni sutpai thei tûte om mahai.

EFESI 6:23

Pa, Pathian le Rengpa Jisua Krista kuang ata irngeina hai, lungthungna hai le iamna hai kha urênghai kuang om ri se.

INPÂKNA HLAHAI 72:7

A hring lai khan mi felhai chu indôn nut nut an ta, Irtharngamna irkhêl tak chu indôn nut nut sa a ta, tha a boi mâka chu.

FESUAKNA 34:6

A maton tiang fe angin Rengpa khan, “Keima Rengpa hi khonza le satna sip Pathian chu ki nia, a ninginmur zel ngai loi lungkhamna lian le iamomna inlang ngaitu chu ki ni.

ISAIA 39:8

Hezekia’n a dam sûng chu râlirvei loiin zôkin om hrang angin a le’rngaia, Isaia kuang, “Rengpa ni thu hril chu a sa,” a tia.

JEREMIA 3:22

Rengpa hnung song sanhai murdi, nin rêngin hong kîr nôk ving roi; nangni len damtir a ta, iamomin nangni siam a ti. Nangni’n, “A dik Rengpa tianga kin ihong hi, Ama kha kin Pathian a ni sikin.

MALAKIA 4:2

Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

INPÂKNA HLAHAI 147:3

Milung koihai chu an damtira, An popnahai chu a tuam pe ngai.

THUHRILTU 3:3

that zoro a oma, indam zoro a oma; set zoro a oma, siam zoro a om,

ISAIA 57:18

An omdân chu kin hriat vinga, khannisian an natnahai indam pehai ki ta, hruaihai ki ta, sanhai mai ki ti, lusûn tuanghai irtharngam sakhai ki ti.

ISAIA 57:19

Ram tin tâng tin hrangin irngeina, irngeina, ki mihai chu indamtirhai ki ti. Rengpa bâiin a ti.

JEREMIA 29:11

Keima vaiin nin ta hranga thil tum kin hriata, vânduaina irkhêl ni loia vângsak theina nangni intungtir pe hranga thil tumhai, nin itûng tak nin matona a la zuang hranga nin thiltumhai chu.

MIKA 7:20

Tianlaia ei puhai kuang chong nin kung tâka, Jakoba kuang thutak le Abrahama kuang lungkhamna kha hlensua ni ti.