JEREMIA 33:3 - PATHIAN LEKHABU IRTHIANG C.L. Bible (BSI)

³ “Ni koiin lân, nang sâm ki ti; ni inhriat ngai loi thil roiinpui le irthup tak nang inhril ki ti.

JEREMIA 33:3 ပူးပေါင်းရင်းမြစ်များ

INPÂKNA HLAHAI 145:18

Rengpa khan ama koitu murdihai chu anai ngaia, Koi tak taka koituhai kuang khan.

INPÂKNA HLAHAI 25:14

Rengpa thu’rthup chu ama chituhai kuang om a ta, A thu’nkung chu anni kha inhretir a ti.

INPÂKNA HLAHAI 50:15

Khan, lungzîng nia chu ni koiin lân; Nang saninzôk ki ti, khanchu nangin ni ni ichôiindôm hrang a ni,” a tia.

INPÂKNA HLAHAI 91:15

Ama khan ni koi a ta, khanchu sâm ki ti; Kei chu a lunginzîng lai khan a kuang om ki ta: Ama ki saninzôkin chôiindôm ki ti.

ISAIA 45:3

Irchon inthimna laia an ihrêhai khom, Hmun irthupa sum an ihrêhai nang pepai ki ti. Ni’rhminga nang koitu hin, Rengpa, Israelhai Pathian ki nih ti inhre thei ta ni ti.

ISAIA 48:6

Ama hi nin hmua, nin inhriat ta, A dik ti mak chêi mo? Atûn ata thil thar nangni inhril ta ki ti, nin inhriat loi thilhai chu.

ISAIA 65:24

An ni koi mân, sâmhai ki ta, an hril zoi mân len hre ving ki ti.

JEREMIA 23:35

Mi tinin mâni in sûngkua mihai le rual le chimhai kuang, ‘Rengpa’n a idonhai nam a ipêk, Rengpa’n imo a iti?’ an iti hrang a ni.

JEREMIA 29:12

Khanchu ki’rhming irlam nin ta, ki kuanga hongin chongchai nin ta, nangni sâm ki ti.

JEREMIA 32:17

“Rengpa pathian, ni thuneina lian tak le ni hrâtna’n irnêng le irvân ni isiam a nia; nangma hrangin chu thil intak zel om maka.

JEREMIA 32:27

“Irngai ro, keima hi Rengpa mi murdihai Pathian ki ni, keima hrangin chu thil ite an tak bâk om mah.

DANIELA 2:18

Babulon mi vâr danghai laia Daniela le a rualhai an irhmang loina hrangin hi thu’rthup chungchânga hin irvân Pathian kuang lungkhamna an zonga.

DANIELA 2:22

Thil inthûk le thil irthuphai an langa: inthima om inhriatin, a kuanga vâr a pêk ngai.

DANIELA 2:23

O, ki’rchihai Pathian, vârna le theina ni petu, ni kuanga kin izong nin hriattirtu chu, Lômthu hril pumin nang kin pâk: Rêng thil chu ni nin hriattir tâk sikin ti a hrila.

JOELA 2:32

Khan, hiang hin ni a ta, tukhom Rengpa irhming irlam murdi chu saninzôk ni an ta: Rengpa’n a insîr angin intân suakhai kha Zion tânga le Jerusalem khuaa om an ta, a la om sunhai laia khan Rengpa’n a ikoihai chu om an ti.

AMOSA 3:7

Dik takin Rengpa pathian khan a sinthotu, a deipuhai kuang a thu’rthup hril loiin ite tho no ni.

MIKA 7:15

Aigupta ram ata ni fe suak lai ang khan, a kuang thil irkhêl takhai inentir ki ti.

MATHAIA 13:35

Kha a ihmangna san chu deipu’n, “An kuang thu kin sîrin chongirkhek hmang ki ta, Kho’rsiang kho’rzir ata thil irthup kha insîr pe ki ti,” tia a lei insîr kha a hong tung theina hranga a ni.

TÎRTÔNHAI SINTHO 2:21

Khanchu Rengpa irhming irlam murdi’n chu Saninhringin om an ti,” a ti,’ iti kha.

1 KORINTH 1:2

Korinth khuaa Pathian Koiindang om, mi irthiang ni hranga koi, Krista Jisuaa irthiangtir le hmun tina ei Rengpa Jisua Krista, (anni le eini Rengpa) irhming irlam murdihai chubai kin mûkhai.

EFESI 3:20

Khanchu, einia sin ngai sinthotheina hmanga ei izong le ei ingaitua phâk bana irkhêl ngei khan,

DÂN INHNINA 4:29

Khannisianlân, kha ram ata kha Rengpa nin Pathian kha a sân nin chia, lungrîl murdi le ama nin zongin chu hmu nôk nin ti.

DÂN INHNINA 4:7

Ei Pathian Rengpa anga a mihai koina lei sâm thiai ngaitu ang hi, nam dang, nam roiinpui takhai khomin, Pathian an nei moa.

THUPHUANG 2:17

“Irtha’n koiindanghai kuang thu a insîr hi mikuar nei murdi’n irngai roi! An hnêtu ka chu mana irthup kha pe ki ta, lung ngoi a chunga irhming thar irziak, a dongtu ti no’n chu tûte’n an inhriat ngai loi kha pe sa ki ti, a ti,” tiin.