JEREMIA 32:8 - PATHIAN LEKHABU IRTHIANG C.L. Bible (BSI)

⁸ Khaangin, Rengpa iti lam tak khan, Hananela chu irhuan hrungtu sûnga keima kuang a honga, a loi kha ircho pe hrang a ni tia. Khanchu Rengpa’n a ni iti pe ngêt a nih ti kin hriat tâka.

JEREMIA 32:8 ပူးပေါင်းရင်းမြစ်များ

1 RÊNGHAI 2:26

Reng khan, Abiathara kuang, “Ni khua Anathot-a khan rot ta ro, thi mai theia om kêng ni ni: atûn zel chu that la ni ual no chi ni. Ka pa Davida hmâikunga itinrêng Rengpa bôm ni le’rzôn ngai sikin,” a tia.

1 RÊNGHAI 22:25

Mikaia’n hiang hin a sâma, “Ni ikil sûnga nir bîk tena inhria ni ti,” a tia.

1 THURCHI SUINA 6:60

Benjamina hai biala hi khua le sa lêngnahai an indongtir a ni. Giba, Alemeta, Anathot. An in mihai omna hranga an ipêkhai chu kho sômhleithum a ni.

JEREMIA 1:1

Hi lekhabu hi Benjamina ram sûnga Anathot khuaa ochaihai laia inkhat Hilkia nâipa Jeremia thu’nsîr chuangna a ni.

JEREMIA 32:2

Kha zoro taka khan Babulon rama rêngin Jerusalem a hong doia, kei chu rêng in hrungtuhai omna hmuna intâng ki ni.

JEREMIA 32:25

Khan khoma Rengpa Pathian khopui chu Babulon-hai kuta chelin om ta khom sian, an hriatpuituhai mithmua ram ircho hranga thu ni pêktu kha nangma hi ni nia,” tiin.

JEREMIA 32:7

Hananela ka pa nâipangpa Saluma nâipa chu Anathot loia, Benjamina ramria om chu ircho pe hrangin a ni ngêna, ki kuanga hong hrang a nia, urêng laia a irnaipui tak ki ni sikin ircho hrangin ircham ki inei a ni.

JEREMIA 33:1

Rengpa chongbe chu hrungtuhai irhuan sûnga mi intâng ki ni lai khan a zuang tunga.

JEREMIA 37:12

Khaangin in sûngkua irchon ata ki dongtum la hrangin, Jerusalem mâkin, Benjamina ram huala ki fea.

EZEKIELA 12:7

Khan, thu ni ni ipêk angin ki tho tâka; ki neinun chu sala intâng hrang neinun angin sûn khovâra ki lâksuaka, ki kutin bang chu khohloia ki’r-ônga, inthim kâra ki hong lâksuaka, an mithmu ngeia ki dâra ki’rput tâka.

ZAKARIA 11:11

Khasikin thuthung chu kha nî khan sûtin a om tâka, belra irchôktuhai le zuartuhai khan kei chu an ni en maia, khan Rengpa chu ki sinthohai ata kha a zuang chong a nih ti an inhriat tâka.

JOHANA 4:53

Khanchu, a pa khan Jisua’n a kuanga, “Ni nâipa a dam tâk,” a ti lai tak kha a nih ti an hriat tâka. Kha hnung chu, ama le a in mihai, an rêngin an iam zit tâka.