JEREMIA 32:5 - PATHIAN LEKHABU IRTHIANG C.L. Bible (BSI)

⁵ Zedekia chu Babulon rama hruaiin om a ta, ki ngaitua nôk mâka chu khatak khan om a ti. Babulon rama mihai chu irsualpuiin om tahai sian khom, hlohchuk no nihai. Rengpa thu suakin a ti,” a tia.

JEREMIA 32:5 ပူးပေါင်းရင်းမြစ်များ

2 THURCHI SUINA 13:12

Pathian chu a ni hruaitu a nia, a ochaihai khom irdoina bekul tum hrangin an irsiam diam a ni. O Israelhai, nin irchibulhai Pathian Rengpa hi lei doi no roi, zoi no chin ni,” a tia.

2 THURCHI SUINA 24:20

Ochai inlal tak Jehoiada nâipa Zekaria kuang Pathian irtha a zuang tunga, mipuihai hmu theina hranga khan a ngîra, inring takin a khêka, “Rengpa Pathianin hiang hin a ti, itina mo ki thupêkhai zôm nuam loiin nin chunga siatna nin intungtir hrang? ama nin mâksana, ama khomin nangni masan a ti,” a tia.

THUVÂRHAI 21:30

Mihriam vârnahai, inhriatnahai le thiamnahai hi Rengpa doina a niin chu chanlamboi a ni.

JEREMIA 2:37

Inzaka kûnin, Aigupta-a irthokin kîr nôk ni ti. Keima Rengpa’n ni’rnghatnahai ki lei hnôl tâka, annihai ata irthokin ite ar fêpuina hmu no chi ni,” tiin.

JEREMIA 27:22

Babulon tiang chôi ving ni a ta, ki ngaisak nôk mâka chu, kha khan om a ti. Kha hnung chu chôipai nôk ki ta, hi hmuna hin se nôk ki ti. Keima Rengpa’n ki iti a ni,” a tia.

JEREMIA 32:24

“Babulon khopui la hrangin a vêla khan irnêng an vur irsânga, an irûn a ni ta. Khandai, châm le hri le hrâiin khopui chu an kuta a iom hrang a ni ta. Ni lei iti murdihai a idik a nih ti hmu thei ta an ti.

JEREMIA 32:6

Rengpa’n hiang hin a ti, Rengpa thu chu ki kuang a hong tunga;

JEREMIA 37:10

Babulon sipai pâl inhnê ving khom unglân, a pophai vai mâkin, an puan in sûnga zâl khomhai sian, kha mihai kha la thoi an ta, hi khopui hi a ihâl insiat ving hrang a ni,” a tia.

JEREMIA 39:4

Reng Zedekia le a sipai murdihaiin anni kha an hmuhaiin chu, zâna khopui ata zôkna an zonga. Reng irkul ata fesuakin kul bang inhnina kâra relpatin, Jordan phâi tiang panin an rot tâka.

JEREMIA 39:5

Khan Babulon sipai pâlhai khan anni chu irzûlin Jeriko kôl phâia khan Zedekia chu an chel tâka. Reng Nebukadnezara chu kha zoro taka Hamath ram hual Ribla khuaa omhai kuang an hruaia, kha khan Nebukadnezara chungthu an rêl pea.

JEREMIA 39:7

Kha irzoiin chu Zedekia mitru a kêlsuapai pea, Babulon rama hruai hrangin hruihrual leh a khit tâka.

CHAP HLA 1:14

Ki sualna murdihai kha, irsinsiain a irchunkhôma, ama’n ki ringa a nin hlitira, A rik hraina sikin ki’rzal zoi tâk, Rengpa’n ki râlhai kuta a ni pêka, an makunga ite tho loiin ki om tâk.

EZEKIELA 12:12

Khan, an laia hruaitu om khan inthim hnuaia koiin irput a ta, fesuak a ti. Khataka pêlsuakna hrangin bang chu inver ir-ông an ti, a mitin ram chu a hmu loina hrangin a hmâi chu tuam khak an ti.

EZEKIELA 12:13

Ama chu ki lênin khum ki ta, ki chânga khit a ti: Kaldai rama Babulon-a khan hong hruai ki ta, kha khan thi hrang ni khom sianlân, hmu chu hmu no ni.

EZEKIELA 17:15

Khannisian, Judai ram rêng chu tehelin, sakorhai le sipai tamtakhai a hong tîr theina hrangin Aigupta rama palai a tîra. Hlochukin mo om ni! khaanga thotu khan a irsaninzôk thei hrang ma ni?

NAMBAR 14:41

Khan Mosia’n, “Tuanintungna ni no nih ti inhriat chakin nin om khomin Rengpa thupêk nin la izôm loi?