JEREMIA 32:44 - PATHIAN LEKHABU IRTHIANG C.L. Bible (BSI)

⁴⁴ Mi’n ircho an ta, irchôkna lekhahai siam an ta; irmantir an ta, an hriatpuitu om an ti. Benjamina ram huala Jerusalem kôlvêla khuahai, Judai ram khopuihaia, tâng kôlhaia le Judai ram sim tiang, hi hi a itung hrang chu a ni. Mihai chu an rama siam insa pehai nôk ki ti. Keima Rengpa’n ki iti a ni,” a tia.

JEREMIA 32:44 ပူးပေါင်းရင်းမြစ်များ

ISAIA 44:26

ki siahlohai thu kin detpuihaia, ki tîrtônhai iti hlo kin chuk pehai ngai. Jerusalem khua chu lua nôk an ta, Judai rama khuahai khom inding nôk an ti, a siathai khom siaminsa nôk ki ta,” ki tia.

JEREMIA 13:19

Sim tianga Judai ram khopuihai chu irhual zoiin an om tâka, tûte a fe suak thei zât ni ta mah. Juda mi murdi sala hruai an ni zoi ta,” a tia.

JEREMIA 17:26

Judahai ram kho sûng ata le Jerusalem vêla khua chînhai ata hong an ta, Benjamina ram hual ata, tâng hnuai ata, tâng sîphai ata, sim tiang Judai rama irthokin mi hong an ti. Ki tempila hâlirvôm thilpêk le irbôlnahai, buvûi thilpêk le mirimhoi hai, khakhêla, lômthu hrilna thilpêk khom hong chôi sa an ti.

JEREMIA 30:18

Rengpa’n hiang hin a ti, “Irngai ro, Jakoba-hai ram chu inding inthar nôk ki ta, a omna hmun chu irngaiirsâng ki ta, khopui lei ram tâk kha siam insa nôk ki ti. Reng inhai khom a hmun ngêta inding nôk a ti.

JEREMIA 30:3

Irngai ro, sûnhai a hong nâi ta, ti hi Rengpa thu suak a ni. Ki mi Israelhai le Judahai chu an sal intângna ata insuaktirhai ki ta, an puhai kuanga ki ipêkna rama khan hruaihai nôk ki ti, khanchu ram kha lua an ta,” tiin.

JEREMIA 31:23

Itinrêng thothei Rengpa Israelhai Pathianin hiang hin a ti, “An sal intângna ata ki hruai kîrhai nôk tena chu Judai ram le a khopuihai ata chu hianga chongbâi hi hmang an ti, ‘O mi dikhai omna hmun, o tâng irthiang, Rengpa’n sat nang vur ri se,’ tiin.

JEREMIA 32:10

irchôkna ngai lekhaa khan ki’rhming ki’rziaka, ki’rmantira, an hriatpuitu ki zonga, khanchu sum kha a varna leh ki vara.

JEREMIA 32:37

Ki ningmur hrai sika ki inthekindartirna rama irthokin mihai chu ki ibûmhai nôk hrang a nia, anni chu hong hruaihai nôk ki ta, hi hmuna hin zôkriamin inlêngtirhai ki ti.

JEREMIA 33:11

raifânna le lômna khêk irhâihai le irneina hruaithe lômna irhâihai chu lan hre nôk nin ti. Mipuihai chu lômthu hrilna irbôlnahai ki biakbuka hong chôia, hi hla hi an sak lan hria nin ti. ‘Sipaihai Rengpa kuang lômthu hril roi, ama chu a saa, a lungkhamna chu kumkhontuangin a om hrang a ni sikin,’ ti hi. Hi ram hi matona tuanintung taka a iom ang khan siam nôk ki ti, kei Rengpa hin ki iti a ni,” a tia.

JEREMIA 33:13

Tâng ram khua lianhai tâng kôlhaia le sim tianga Judai rama, Benjamina ram irkul sûnga, Jerusalem kôlvêla khua chînhai, Judai rama khua lianhai belrapuhaiin an belrahai la tep nôk an ti. Keima Rengpa’n ki iti a ni,” a tia.

JEREMIA 33:26

Hihai hi ki sin a ini angin Jakoba irchihai le a ni zui Davida le ki thuthung chu hlo ki inchuktir hrang a ni. Abrahama, Isaka le Jakoba irchihai chunga roirêl hrangin, Davida irchihai laia irthokin inkhat khôk inthang ki ti. Ki mihai chunga khonzâna nei ki ta, anni chu vângsakna siamhai nôk ki ti,” a tia.

JEREMIA 33:7

Juda le Israel chu tuanintungin siamhai ki ta, matona an iom ang khan indinghai nôk ki ti.

OBADIA 1:19

Sim tianga mihai khan Esaua tâng kha dong an ta; phâiram tianga mihai khan Filistia ram kha dong an ta: Efraima loi le Samari loi kha dong an ti. Benjamina-hai khan Gilead ram kha dong an ti.

OBADIA 1:20

Kanaan mihai laia hi Israela irchi sal intâng mipuihai hin Zarefat ram dênin dong an ta; Sefarada rama Jerusalem kho mihai sal intâng khan sim tiang khopuihai kha dong an ti.

ZEFANIA 2:7

Khanchu, tuipui kam kha Juda sûnghaia la omsunhai ta hrang ni a ta; kha khan an belra rualhai kha tâk an ta, khohloi tiang chu Askelon khua inhaia riak an ti; Rengpa an Pathian khan hong hro a ta, An sal intângna kha irletpai a ti.

ZAKARIA 7:7

Khan, hi hi matona Jerusalem chu tuanintung taka a oma, mipui tamtak a sip laia le, a khopuihai ti bana, sim tiang le nitâk tiang tâng kôlhaia an om laia deipuhai kuanga Rengpa’n a lei ihril kha a ni.