JEREMIA 32:41 - PATHIAN LEKHABU IRTHIANG C.L. Bible (BSI)

⁴¹ Thil sa an ta hranga tho chu raifân om sinin nei ki ta, hi rama hin det mai hrangin indinghai ki ti.

JEREMIA 32:41 ပူးပေါင်းရင်းမြစ်များ

INPÂKNA HLAHAI 80:8

Aigupta ram ata grep hrui ni hong lâka: Nam tin chu nin hnot suaka, ni phun tâka.

ISAIA 60:21

Ni mihai chu mi dik ni ving an ta, ram chu lua mai ta nin ti. Keima iphun ki kut suak a ni sikin, ki roiinpuina mi tin mithmua kin langtirna a ni.

ISAIA 62:4

“A’rkhêl,” nang ti no nihaia, “A’rhmangnu,” nang ti ual no nihai. ‘Indiknu’ nang ti ta an ti. Rengpa ni chunga a lôma, ni ram ta hrangin pasal angna nei a ti.

ISAIA 62:5

Dôngmate irthiang ruathar inlâr takin a ilua ang hin, a siamtu khan nang pom a ti. Moineitu’n a moi a ilôm ang hin, ni Pathianin nang lôm a ti.

ISAIA 65:19

Jerusalem chunga lôm mai ki ta, ki mihaiin nin lômtir an ti. Chap irhâi inhriat hrang om ta no nia, chardonga khêk irhâi khom om ta no ni.

JEREMIA 18:9

Khan, i zoroa khom, namin mo, rêng ramin mo, phunhai ki ta, indingtir nôk ki ti, lei ti khom inlân,

JEREMIA 24:6

Anni chu vêng mai ki ta, hi rama hin hong hruai kîr nôkhai ki ti. Anni chu siam indinghai ki ta, kaiinthekhai ta no ninga; anni chu phun ki ta, phâihai ta no ning.

JEREMIA 31:28

Annihai inpotsuaka insiathai hrang, irtettira inhekhai hrang le inkamangtirhai hrangin ki lei tuma; khannisian, indingtir le indettirhai hrangin ki lei ihrung a nih ti hi Rengpa thu suak a ni.

EZEKIELA 36:36

Khanchu a kôlvêla nam inzôka omhai khan kei Rengpa hin khopui siathai chu inding nôkin ram inpon tâkhai chu ram hringin ki siam nôk ti inhre ta an ti. Kei Rengpa ngêt hin tho hranga chong kin kung tâk sikin tho ngêt ki ti,” a tia.

HOSEA 14:5

Israel hrang khan irdorfîm ang ni ki ta, ama kha lili angin sa a ta, Lebanon tâng thing irzung angin a’rzung thâk irzar a ta.

AMOSA 9:15

Khan, an rama anni kha phunhai ki ta, an kuanga ki ipêk ram ata kha inpot suakin om nôk ta no nihai, Rengpa ni Pathian khan a ti.

MIKA 7:18

Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.

ZEFANIA 3:17

RENGPA ni Pathian kha ni chunga a om e, Saninhringtu hrang mi hrât tak kha: Lômin ni chunga raiinfân a ta, a lungthungna inthartir a ta, hla sakin ni chunga lôm a ti.

DÂN INHNINA 28:63

Rengpa khan thil sa nangni tho pe le nangni inpung pe a’rzuk ngai; khaang dênin nangni insiata, nangni that a irzuk hrang a ni. Nin ilua hrang ram ata hi nangni a ilâk suak hrang a ni.

DÂN INHNINA 30:9

Rengpa khan nin thil thôna kipa hlo nangni inchuktir a ta, nâi le te nei intam nin ta, nin sâ vâihai pung tûr tûr a ta, nin loihai kha inlâp tak tak a ti. Nin pi le puhai irhniangtir, a irzuk angin nangni khom nangni irhniangtir irzuk a ti.