JEREMIA 32:37 - PATHIAN LEKHABU IRTHIANG C.L. Bible (BSI)

³⁷ Ki ningmur hrai sika ki inthekindartirna rama irthokin mihai chu ki ibûmhai nôk hrang a nia, anni chu hong hruaihai nôk ki ta, hi hmuna hin zôkriamin inlêngtirhai ki ti.

JEREMIA 32:37 ပူးပေါင်းရင်းမြစ်များ

JEREMIA 23:3

A la om sunhai ki inthekindartirna ram ata bûmhai nôk ki ta, an ram ngêta hong hruaihai nôk ki ti. Nâi le tê tamtak hong nei an ta, an ipung hrang a ni.

JEREMIA 23:6

Rengin a toi tena chu, Juda mihai chu zôk riam ta an ta, Israel mihai chu irtharngamin om ta an ti. Ama chu, ‘Rengpa ei saninhringna’ tia koi ni a ti.

EZEKIELA 11:17

Khasikin Rengpa’n hiang hin a tia, “Nam danghai ata chu nangni hruaikhôm nôk ki ta, inthekindara nin omna ramhai ata nangni koikhôm nôk ki ti, Israel ram chu nangni pêk ki ti.

JEREMIA 33:16

Juda mihai le Jerusalem mihai chu sansuak ni an ta, zôkriamin om ta an ti. Khopui chu ‘Rengpa ei saninhringna’ tia koi ni a ti.

INPÂKNA HLAHAI 106:47

O Rengpa kin Pathian, ni saninhringin lân, Nam tin lai ata ni hruai bûm nok roh. Ni’rhming irthiang chu inpâk hrang le Inpâkna song hrangin.

ZAKARIA 14:11

Mipuihai chu khataka khan lungthi takin om an ta, siatna rêng rêng inchitirin om ta no nihai.

HOSEA 1:11

Khan, Juda nâihai le Israel nâihai kha pung khôm an ta, an lu hrang inkung an ta, kha rama irthokin hong fe an ta, kha rama irthokin hong fe an ta, Jezreel nikhua kha a iroiinpui hrang a ni.

JEREMIA 23:8

Kha nêkin chu Pathian hring Israel mihai hmâr tiang rama le anni ki inthekindarna ram tamtak ata a hong hruai suaktu, ki’rhming sâmin chonginkungna det nei an ti. Khanchu an rama khan om ta an ti,” a tia.

ZAKARIA 3:10

Kha nikhuaa khan mi tinin grep kung hnuaihai le theipui hnuaihaia, mâni kôlahai fialhai seng ta nin tih, ti hi sipaihai Rengpa thu suak a ni,” tiin an kung tâk a ni.

ZEFANIA 3:20

Kha tika chu nangni hruai lût ki ta, kha tika nangni hruai khôm nôk ki ta: Nin ihmu ngeia nin sal intângnaa ki’rheikîr tika chu, Irnêng chung murdihai laia Irhming inthangna le inpâkna nangni siam pe ki ti, RENGPA’N a ti.

JOELA 3:20

Judai ram rêk chu kumkhua’n om mai a ta, Jerusalem khua kha irlo tin tin dênin.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

JEREMIA 33:7

Juda le Israel chu tuanintungin siamhai ki ta, matona an iom ang khan indinghai nôk ki ti.

JEREMIA 31:10

O namhaio, Rengpa thu hi irngai roi, tuikhanglian kôla ram hlatakhai khom hrilhai roi, Israel indartirtu khan hruaikhômhai nôk a ta, belrapu angin anni chu enkolhai a ti, tiin.

JEREMIA 30:18

Rengpa’n hiang hin a ti, “Irngai ro, Jakoba-hai ram chu inding inthar nôk ki ta, a omna hmun chu irngaiirsâng ki ta, khopui lei ram tâk kha siam insa nôk ki ti. Reng inhai khom a hmun ngêta inding nôk a ti.

JEREMIA 29:14

a dik ki iti a ni, ni hmu nin ta, nin rama khan nangni inomtir nôk ki ti. Ram tina irthokin le nangni kin thekindarna hmun tina irthokin nangni bûm nôk ki ta, sala intâng hranga nangni ki lei inhnotsuakna rama ngêt khan nangni hruai kîr nôk ki ti. Keima Rengpa’n ki iti a ni,’ tiin.

EZEKIELA 36:24

Nam tin le ram tin ata nangni hruai ki ta, nin omna rama ngêt nangni hruai kîr nôk ki ti.

JEREMIA 16:14

Khan Rengpa’n, “Mihaiin keima Pathian hring Israel mihai Aigupta ram ata hong hruaisuaktu irhming sâma chonginkungna an nei thei loina zoro a hong itung thiai a ni.

JEREMIA 16:15

Kha nêkin chu keima Pathian hring Israel mihai hmâr tiang rama le anni irthekindarh ram dang tamtak ata hong hruai suaktu, keima irhming sâmin chonginkungna nei ta an ti. Anni chu an ram ngêta an irchibulhai ki ipêkna rama zuang hruaihai nôk ki ti, keima Rengpa hin ki iti a ni,” a tia.

JEREMIA 21:5

Keima ngeiin ki bân hrât tak pharin ki ningmurna insua’n nang doi ki ti.

JEREMIA 24:6

Anni chu vêng mai ki ta, hi rama hin hong hruai kîr nôkhai ki ti. Anni chu siam indinghai ki ta, kaiinthekhai ta no ninga; anni chu phun ki ta, phâihai ta no ning.

JEREMIA 32:15

Rengpa, itinrêng thothei, Israelhai Pathianin a iti chu, inhai, loihai le grep irhuanhai chu hi rama hin irchôk la ni nôk a ti,” a tia.

EZEKIELA 28:25

Khan, Rengpa Pathianin hiang hin a tia, “Israelhai chu ki inthekindartirhaina ram ata kha bukkhômhai nôk ki ta, khanchu nam tinin ki’rthiangzia inhresuak an ti. Israelhai chu ki sinthotu Jakoba kuanga ki ipêk, anni ram ngêta om an ti.

JEREMIA 12:14

Rengpa’n a ti, “Israel kôlvêla om, ki mi Israelhai ram ki ipêk insiattuhai chungchânga hin ti nuam ki inei a ni. Kha mi sualhai kha thing ar zunga phâipai angin, an rama irthokin thonpaihai ki ta, an kuta irthokin Juda in sûngkuahai chu saninsuahai ki ti.

EZEKIELA 20:34

Nam danghai lai ata nangni hruaisuak ki ta, inthekindara nin omna ram ata chu kut hrâttak le bân phar le ninginthik sûngin nangni hruaikhôm ki ti.

EZEKIELA 28:26

Khataka khan milung irngam takin om an ta, inhai sinin, grep irhuanhai tho an ti. Lei hmumâkhaia anni lei lôtuhai, an kôlvêla nam murdihai chu keima’n hremhai ki ta, khan Israelhai chu zôkin om an ti. Khanchu Rengpa an Pathian ngei chu ki nih ti inhre ta an ti,” a tia.