JEREMIA 32:30 - PATHIAN LEKHABU IRTHIANG C.L. Bible (BSI)

³⁰ Israel mihai le Juda mihai chu an thurchi hor phutna ata an sintho khan ki milung hoi loiin ki ning an inmurtir ngai a ni.

JEREMIA 32:30 ပူးပေါင်းရင်းမြစ်များ

JEREMIA 25:7

Khannisian Rengpa hê irngai mak chêi a tia. Nin millimhai sika khan a ning nin inmurtir pea, a dûk thôna chu nangni ngeiin nin chunga nin intungtir ngai a ni.

JEREMIA 22:21

Nin sat lai takin Rengpa’n nangni a chongpuia, nikhomsianlân irngai nuam mak chêi! Kha kha nin dam sûnga nin itho ngai a nia; Rengpa thu ni izôm viat loi hrang tihna a ni.

JEREMIA 3:25

Inzakin zâl kin ta, kin mualinphoina hin nir khû ri se. Keini le kin irchibulhai hin Rengpa kin Pathian chunga kin len sual ta ngai sikin, a thupêkhai zôm pe ngai ma ung,” nin tia.

JEREMIA 2:7

Ram sataka a ra fâka, a satnahai hmanginhoi hrangin, ki ihruai intunghai a ni. Khan ki ram kha chanlamboiin an siama, anni ki ipêkhai ram kha an iporinchetir a ni.

ISAIA 63:10

Khannisian ama kuang ata an tehel pe nôka, a’rtha irthiang lungrîl chu an natir pea, an râlin a om pehaia, a idoihai nôk a ni ta.

IRPHUTNA 8:21

Khan Rengpa’n, kha rimhoi kha an hriata, Rengpa’n a lungrîlin, “Irnêng chung hi chu mihriam sikin khuasâl ta no ninga, mihriam lungrîl ngaituana hi an chînte ata an sual sikin, atûna ki isoisak ang hin chu thilhring murdihai khom hi soisakhai ta no ning.

EZEKIELA 23:3

Dôngmate an ni lai khan Aigupta rama an oma, khan an dôngmate irthiang nina kha irhmangin, notizuarin an om tâka.

EZEKIELA 20:28

Pêk ki itum ram ki hruai intungin tâng irsânghai le thing hringhai an hong hmua; kha khan, an irbôlnahai an inhlan tâka, ki ninginmurtirna thilpêkhai an inhlana, an mirimhoihai an hâla, an thilinhlan uainhai an bunsuaka.

EZEKIELA 20:8

Khannisian, ki chunga tehel an zonga, ki thu tûte’n irngai nuam mahaia, an inuam thil porinchehai chu pai nuam mahaia, Aigupta rama millim pathianhai la pai ual mahai, khanchu Aigupta rama ngêt an chunga ki ninginmurna insum ning mo, ki tia.

JEREMIA 8:19

Ram dang le kha ki mihai chapna ki inhriat hi irngai roi. “Zion-a Rengpa chu a iom ta loi ma ni? Khatak khan Zion rêng chu a iom ta loi ma ni?” Rengpa an rêng khan a sâma. Ni millimhai chubai mûkin; nin ram dang pathian hmanghmunboihai makunga lu kûnin, “I lo hrang mo ki ning nin inmurtir,” a tia.

JEREMIA 11:17

Keima Rengpa itinrêng thothei hin Israel le Juda chu ki phuna; atûn chu vânduaina thilin ki iti a ni ta. Anni ngêtin an chunga an intungtir ta a ni, sual an sina, Baal kuang irbôlna inhlanin ki ning an inmurtir sikin,” a tia.

JEREMIA 30:14

Nangma tianga om ngaihaiin nang an irnghil tâka. Nang insâp ta mahai. Râl angin ni pop zoi tâka, inren viat loiin nang ki ihrem a ni. Ni sualna le nin sininsiatna a na hrai sikin.

JEREMIA 36:2

“Lekhabu inzuat kha lan lân, Israelhai le Judahai le nam danghai chungthu nang ki ihrilhai kha irziak roh. Josia inlal phut laia ni kuanga ki thu insîr le a vuan sûn tena ki thu’nsîrhai a rêngin irziak ving roh.

JEREMIA 44:3

A sûnga mihaiin thil saloi an thoa, ki ning an inmurtir sikin, anni mo, nangni le nin irchibulhaiin chubai an imûk ngai loi pathianhai kuang irbôlnahai inhlanin pathian danghai sin an itho pehai a ni.

JEREMIA 25:6

pathian danghai le nin isiam millimhai chubai mûk loiin, Rengpa ningmur loi hrangin nangni an inhril ngaia. Rengpa thu nin lei izôm ni sianlân chu dûk nangni tho no ni.

JEREMIA 44:8

I lo hranga millimhai chubai mûkin le pathian danghai kuanga irbôla om hrangin nin izuangna Aigupta hin ningmur nin ni irlâktir? Rammuala nam tinin nangni hmusita nin irhming khomâksâma om hranga nin binga siat chitna nin itho mai?