JEREMIA 32:19 - PATHIAN LEKHABU IRTHIANG C.L. Bible (BSI)

¹⁹ Nang chu roirêlna satakhai nir fûkin thil roiinpuihai ni tho ngaia, mihai sintho hi ni hmu vinga, an sintho lam takin lômman ni pêk ngai.

JEREMIA 32:19 ပူးပေါင်းရင်းမြစ်များ

1 RÊNGHAI 8:32

O Rengpa irvân ata le’rngaiin lân, ni siahlohai chungchâng chu a dik takin nangin lei sâmhai ro, a siat sintu chu a insiat angin rêlin lân, a dik chu insua roh.

2 THURCHI SUINA 16:9

Rengpa’n ama iamzoi loihai chu changpui hrangin rammual pumpuia a mit a inlêngtir ngai a ni. Atûn ata chu doi hrang nei mai ta ni ti, inzakpuiom takin thil ni itho a ni hi,” a tia.

JOBA 34:11

Mi an sintho ang takin a thuan nôk ngai. Mi tin an omdân angin an chunga an tungtir ngai.

JOBA 34:21

Mihriamhai om dân a en irchika, An châng dân a ihmu’nfel ving a ni.

INPÂKNA HLAHAI 111:2

Rengpa sinthothei chu a roiinpuia, A chunga lômhai murdi’n inhre thiam an nuam ngai.

INPÂKNA HLAHAI 34:15

Rengpa mit chu mi felhai tiang a en ngaia, A mikuar khan a khêkirhai inhre hrangin ar ngaitua mai ngai.

INPÂKNA HLAHAI 62:12

O Rengpa, lungkhamna hi ni ta ngêt a ni: Mi tin an sintho ang taka ni thuan ngai a ni.

INPÂKNA HLAHAI 92:6

Mi môlin chu hi hi inhre maka; Mi’nvêtin inhre sa thei mah.

FESUAKNA 15:11

“O Rengpa nangma anga Pathianhai laia tu mo a om? Tu mo nangma anga irthiangna tianga roiinpui? Tu mo sinirkhêl le sin roiinpui ni isin anga sin thei?

THUVÂRHAI 5:21

Rengpa’n ni sintho tinrêng a hmu zita. Ni fena tina nang a ien chian ngai a ni.

THUVÂRHAI 8:14

Thil hi ki ngaituaa, ki ngaitua suak ngai. Inhriat thiamna ki neia, hrât tak chu ki ni.

THUHRILTU 12:14

Pathianin sintho murdihai chunga roi a la rêl hrang a nia, thil irthup tinrêng, a siat mani, a sa mani tihai khom hi.

ISAIA 28:29

Hianga vârnahai hi Itinrêng Rengpa ipêk an ni. Pathian thil rêl hi chu a vârin a ifel a ni, hlo khom a ichuk ngêt ngai a ni.

ISAIA 40:13

Rengpa irtha chu tu mo thunei thei hranga, Tu’n mo irfûktirin a kai hruai thei hrang?

ISAIA 59:18

An sintho ang takin thuanhai a ta, ama doituhai chu ningmurna’n thuanhai a ta, a râlhai chunga chu phuba la a ti, chômbung hmuna omhai khom thuanhai ving a ti.

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

JEREMIA 16:17

Keimaa irthokin ite ar thup thei om maka, an sualnahai chu ki mithmua an lang loi zel om mah.

JEREMIA 17:10

Keima Rengpa hin nin irngaituanahai ki suia, Mihriamhai lungrîl ki ifia ngai a ni. Mi tin an innun dân dungzuiin an sintho dungzuiin lômman ki pêk ngai,” a tia.

JEREMIA 21:14

Khan ni thil thohai sika khan dûk nang ki itho hrang a ni. Nin rêng in chu mei leh hâl ki ta, a kôla om murdihai khom mei khan kânghai a ti,” ti hi keima Rengpa’n kin iti tâk a ni.

JEREMIA 23:24

Ki ihmu thei loina hrang hmuna tûte irbi thei no nihai. Irvân le irnêng hmun tina ki om ti hi nin inhriat loi ma ni?

JEREMIA 25:14

Babulon rama mihai chu an sin thôna ra leh thuanhai ki ta, nam tamtakhai le rêng roiinpuihaiin anni chu suakin siamhai an ti,’ ” a tia.

DANIELA 2:45

Tâng tianga lung, kut ni loia tuk suakin, thîr, dâr, saihlûm, sumru, le rângachakhai a siata ni ihmu ang khan, Pathian roiinpuitak khan rêng makunga hin nakana thil hong om hrang chu inpuang a ni: khanchu irmang kha a tak ngêta, a hrilfiana khom a diktak a ni,” a tia.

DANIELA 4:35

Khan irnêng luatu murdihai hi ite bêa bê loi a ni. Irvân sipai rualhai laia chu ama thutak a nia, tûte’n ama kut chu irngamtir thei ni ma, nangin te itin mo ni ti? ti lua irdon ngam mahai.

ZAKARIA 9:1

Hi hi Rengpa thuhril chu a ni: Hadrak ram chunga le Damaska khopui chunga hremna chu an kunga. Israel namhai vai hi ni loiin, Suria mihai khopui khom hi Rengpa ta a ni.

MATHAIA 16:27

Mihriam Nâipa hi vântirtônhai le a Pa roiinpuina le, a izuang hrang a nia; kha tika chu mi tin an sintho ang zêlin thuan seng a ti.

JOHANA 5:29

Khan, thân ata hong suak an ta, sin sa thotuhai chu hringna neiin hong thoi nôk an ta, sual thotuhai chu thiamloi chang hrangin thoi nôk an ti.

2 KORINTH 5:10

Mi tinin taksaa sinthohai, a sia mo, a sa mo, ei itho ang taka ei hmu theina hrangin Krista roirêlna toihmun makunga khan inlangin ei iom zit hrang a ni.

EFESI 1:11

Thil tinrêng hi Pathian lungdo le ti lam taka tho a ni; Khante, Pathianin a phuta a ti lam angin Kristaa a mihai ni hrangin a ni inthang tâk a ni.

HEBRAI toc2 HEBRAI 4:13

Pathian hrangin chu ite thil irthup om mah, thilsiam tinrênghai khom a mithmu’n chu inlang pharin ar hong zit ngai a ni. Ama kuang ngei ei sik senga thurchi ei la insîr hrang a ni.

THUPHUANG 2:23

A zui ngaihai khom kha that pe ki ta, khanchu keima hi lungrîl le ngaituana inhre ngaitu ki nih ti koiindanghai murdi’n inhria an ti. Nin rêngin nin sintho ang sengin nangni pe ki ti.

THUPHUANG 22:12

Jisua’n, “Irngai roh! Ki izuang zôi zel hrang tâk kêng! mi tin an sintho ang senga pêk hrangin ki lômman ki kuang a om.