JEREMIA 32:18 - PATHIAN LEKHABU IRTHIANG C.L. Bible (BSI)

¹⁸ Sâng tamtakhaia det lungkhamna nin neitirhaia, khan an pahai sualna sikin, mihai dûk ni tho sa ngai. Nang chu roiinpui le sin thothei tak Pathian ni nia; nang chu Rengpa Itinrêng thothei ni ni.

JEREMIA 32:18 ပူးပေါင်းရင်းမြစ်များ

IRPHUTNA 49:24

Khannisianlân a thalngul chu ite châng viat no ni. A kuthai khom irnak songin hrât tak ni a ti. Jakoba mi hrât kut sinthotheina khan (kha khan chu belra hrungtu, Israel lampui a lei oma).

2 RÊNGHAI 9:26

Nabota le a nâihai mizâna an thi dânhai kha kin hriat mai a ni; khasikin hi hmuna hin ki la isoisakhai hrang a ni; a iti kha, Jorama ruak chu a lâka, Nabota irhuan sûnga, Rengpa iti angin pai roi,” tiin a hnungzuitu kha a hrila.

NEHEMIA 1:5

“O Rengpa, irvân Pathian, Pathian roiinpui le ichiom, nangma lungthunga ni thupêk pomtuhai chunga thuthung intunga lungkhamna inlangtu;

INPÂKNA HLAHAI 50:1

Pathian, itinrêngthothei, Rengpa khan thu an sîra; Irnêng hi misa suakna ata a tâkna dênin a koia.

INPÂKNA HLAHAI 89:9

Nang chu tuikhanglian lârirpâkna chunga roi ni rêl ngaia: A tui irsôn irsok laihai kha nin boitir ngai.

FESUAKNA 34:6

A maton tiang fe angin Rengpa khan, “Keima Rengpa hi khonza le satna sip Pathian chu ki nia, a ninginmur zel ngai loi lungkhamna lian le iamomna inlang ngaitu chu ki ni.

FESUAKNA 34:7

Suanpâr dênin ki chonginkung tho ngaitu, pualoina le tehelna le sual ngaidam ngai; khan nu le pahai sualna sikin nâihai le tu le te irlo inthum le minli dên khomin dûk intongtirhai lêk no ning,” a tia.

ISAIA 10:21

Jakoba irchi a thi zoi loi, la omhaiin, an Pathian hrât tak kuanga hong kîr an ta.

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

JEREMIA 10:16

Jakoba Pathian chu anni ang kha ni ma; Ama chu itinrêng siamtu a nia, a mihai ni hrangin Israel chu a inthang a ni. A’rhming chu Rengpa Pathian a ni.

JEREMIA 10:6

Rengpa nangma ang hi tûte om mahai; Itinrêng ni tho theia, Ni’rhming khom a roiinpuia, sin a itho thei a ni.

JEREMIA 20:11

Khannisian Rengpa, nangma hrâtna le sinthotheina chu keima tiang ni kopa, deng nin theitirtuhai chu inrîl an ti. Hlo an chuk thei no sikin mualinphoiin om thal an ti. An mualinphoina chu irnghil ni ta no ni.

JEREMIA 31:35

Rengpa’n hiang hin a ti, sûn invârtir hrangin misa a sina, zân invârtir hrangin tha le ârsihai ar fûktira, irhâi tam hrangin tuikhanglian chu an ri dur dura, ar hming chu itinrêng thothei Rengpa a ni.

JEREMIA 33:2

Rengpa’n irnêng siama, Rengpa, an ngîrtirtu le an dettirtu Rengpa ar hming Rengpa khan hiang hin a ti.

JEREMIA 50:34

Anni inzôktir hrang chu mi hrât a nia, ar hming chu Rengpa Itinrêngthothei a ni. Anni chu thophai mai a ta, irnênga irngeina inlêng a ta, Babulon ram mihai chunga rêk chu buaina intungtir a ti,” a tia.

DANIELA 2:45

Tâng tianga lung, kut ni loia tuk suakin, thîr, dâr, saihlûm, sumru, le rângachakhai a siata ni ihmu ang khan, Pathian roiinpuitak khan rêng makunga hin nakana thil hong om hrang chu inpuang a ni: khanchu irmang kha a tak ngêta, a hrilfiana khom a diktak a ni,” a tia.

HABAKUKA 1:12

O Rengpa ki Pathian, ki mi Irthiang, kumtuang mi ni ini loi ma ni? Thi ngai mak che. O Rengpa, nangin anni kha roirêlna hrangin nin thang tâka, O Lungpui, nangin anni kha ni sep hrangin ni inkunghai an ni.

NAMBAR 14:18

Rengpa chu milung ir-uai tak zaidamnaa sip, pualoina hai, tho’nsualna hai, ngaidam thei ngai, thiamno inchangtira omhai insuaktir zel ngai loi, an pahai pualoina sika an nâihai le nâi nôkhai ten irlo thumna le irlo minli tena hrem ngai a nih ti kha.

MATHAIA 27:25

Mipui murdi’n, “Hi mi thisen mophurna chu keini le kin nâihai chunga tung ri se,” tiin an sâma.

LUKA 6:38

Pe unglân, khanchu, Pathianin nangni pe a ti. Tikhoi pêkin namirdên ngitin, nok inhnîngin, lêt rakin nin dong thei dôr nin kuta nangni pe a ti. Mi nin irte pêna ngai dêna khan Pathianin nangni irte pe a ti,” a tia.

DÂN INHNINA 10:17

Rengpa nin Pathian hi pathianhai Pathian, rênghai Reng, Pathian roiinpui, sinthothei le ichiom tak kha a ni; tûte theibîk nei maka, inthêm inhnê thei lak ni ma.

DÂN INHNINA 7:21

Annihai kha ngîkhai viat viat no roi, Rengpa nin Pathian, Pathian roiinpui tak le ichiom tak hin nangni ompui mai a ti.