JEREMIA 32:10 - PATHIAN LEKHABU IRTHIANG C.L. Bible (BSI)

¹⁰ irchôkna ngai lekhaa khan ki’rhming ki’rziaka, ki’rmantira, an hriatpuitu ki zonga, khanchu sum kha a varna leh ki vara.

JEREMIA 32:10 ပူးပေါင်းရင်းမြစ်များ

IRPHUTNA 23:16

Khanchu Abrahama’n Efrona hê a lâk tâka; khan Abrahama’n Hit mihai inhriatin Efrona’n tangka sum a iti dôr chu sumru irzaminli, sum hlo mihai ihlo zât chu varin Efrona a pêk tâka.

IRPHUTNA 23:20

Khanchu loi le a sûnga khur om kha irphûmna irchon hrangin Abrahama pêk indetin a om ta.

JOBA 14:17

Ki inchâinahai nangin ngaidamin, khâipai ni ta; Nangin ki sualna murdihai chu hmu’nfâi zit ni ti.

HLAHAI HLA 8:6

Ni milung sûnga irsinsiana angin le ni bân chunga khan irsinsiana angin ni siain lân; lungkhamna chu thina ang dôra a ihrât a ni; a hnarsânahai kha thina angin a nun a siaa, meichok angin a kânga, meidôn hrât takhai ang a ni.

ISAIA 30:8

Fe’n lân, an mit hmu ngêta irziakna khan irziak ro: kumtuanga inhriat maina hrangin lekha bua irziak lût roh.

ISAIA 44:5

“Rengpa ta kin ni,” mihaiin ni hong ti thei an ta, Jakoba irhming hong irphua sa an tia; senkhathaiin chu an bâna, “Rengpa ta,” ti irziak an ta, senkhathaiin Israel irhming irput an ti.

JEREMIA 32:12

Neria nâipa Baruka, Maaseia tupa kut chunga ki pêka. Kha lekhahai kha Hananela mithmua le an hriatpuitu irchôkna lekha poimoa irhming irziaktuhai le irhuan hrungtu, Juda a toihai mithmua khan ki ipêk a ni.

JEREMIA 32:25

Khan khoma Rengpa Pathian khopui chu Babulon-hai kuta chelin om ta khom sian, an hriatpuituhai mithmua ram ircho hranga thu ni pêktu kha nangma hi ni nia,” tiin.

JEREMIA 32:44

Mi’n ircho an ta, irchôkna lekhahai siam an ta; irmantir an ta, an hriatpuitu om an ti. Benjamina ram huala Jerusalem kôlvêla khuahai, Judai ram khopuihaia, tâng kôlhaia le Judai ram sim tiang, hi hi a itung hrang chu a ni. Mihai chu an rama siam insa pehai nôk ki ti. Keima Rengpa’n ki iti a ni,” a tia.

DANIELA 8:26

Khan zîng le khohloia inlârna ihrilhai kha a dik a ni; khannisian inlârna chu zoro hnungkhôna hrang a nih ti inhren lân,” a tia.

MATHAIA 27:66

Khanchu, an fe a, thân lung kha irsinsiana siain, a nghâk hranghai kha an innghâktirhai tâka.

JOHANA 3:33

Tukhom a thu inhriattir pom chu mi dik a nih ti pom indet a ni.

JOHANA 6:27

Bai a hek nôk thei irzûlin irvâk irvâk no unglân, kumtuang dêna om mai hrang hringna bu, Mihriam Nâipa’n nangni a ipêk hrang kha zong ual roi, Pathian, Pa khan ama a’rsinsia tâk sikin,” a tia.

2 KORINTH 1:22

ama khan ama ta ei nina irsinsia ei chunga a siaa, ei ta hranga thil a ibûmhai khapna’n ei lungrîla Irtha Irthiang a ni ipêk a ni.

EFESI 1:13

Nin saninhringna Thurchi Sa, thutak kha nin inhriatna khan Pathian mihai nin hong ni ta. Krista nin iam sikin Pathianin Irtha Irthiang inkung kha nangni pêkin, Ama ta nin nih ti irsinsiana nin chunga a isia a ni.

EFESI 4:30

Pathian Irtha Irthiang kha beiindongtir no roi, irtanna ni hrangin ama ta ngei nin nizia Pathianin nangni a isinsia a ni.

DÂN INHNINA 32:34

An râlhai thil tho Rengpa khan an hriat maia, phubâ lâk zoro’nchum a zong,

JOSUA 18:9

Khan, kha mihai kha an suaka, ram chu an irfang zita, khopui omhai chu irsia zitin hmun sari’n an sema, an irziaka. Silo khuaa an riak hmuna Josua kuanga an irziakna lekhabu chu an hong chôia.

THUPHUANG 7:2

Vântîrtôn dang, Pathian hring irsinsiana chôi, nisua tianga hong suak ki hmu. Ama khan vântîrtôn minli Pathianin irnêng le tuikhanglian siat theina thu a ipêkhai kha hnukirhai inring takin an sâma.

THUPHUANG 9:4

Irnênga hloisûl hai, thilhring hai le thingkung hring hai rêng rêng chu sê viat loia, mihriam an michala Pathian irsinsiana nei loihai vai kha sê hrangin an hrila.

RUTHI 4:1

Boaza chu roirêlna hmun, dâi mikota a hong fea, a toia. An urêng irkaipui tak chungchâng thu Boaza’n a ihril kha a honga. Boaza’n, “Ki rualpa, hi tiang hongin lân, hong toi ta,” a tia. Ama chu a va fea, a toi tâka.