JEREMIA 31:8 - PATHIAN LEKHABU IRTHIANG C.L. Bible (BSI)

⁸ Irngai ro, anni chu hmâr tiang ata hruaihai ki ta, irnêng hmun tin ata hi, bukkhômhai ki ta. Mitcho le ke’nbâihai khom om sa an ti, nâi vonghai le nâiha isêhai khom nam roiinpui tak chu hi hmuna hin hong kîr nôk an ti.

JEREMIA 31:8 ပူးပေါင်းရင်းမြစ်များ

INPÂKNA HLAHAI 107:3

Ram tin ata a hruai bûm, Sak le thang, sim le hmârhaia khan.

INPÂKNA HLAHAI 65:5

O a ni saninhringtu Pathian, Thil irkhêlhaiin fel takin ni sâm ni ta; Nang chu kôlkunga mi murdihai le, Tuikhanglian chung hlataka omhai iamna chu ni ni:

INPÂKNA HLAHAI 98:3

Israela insûng mihai chunga a lungkhamzia le a iamomzia kha an hriat maia: Kôlkunga mi murdi khomin ei Pathian saninhringna kha an hmu tâka.

ISAIA 40:11

Belra hrungtu angin Belrahai infâhai a ta, a têhai chu pomhaiin, a puihai hruaihai a ti.

ISAIA 42:16

Mitchohai chu inhre ngai loi lampuia hruaihai ki ta, an fe loina hmuna fepuihai ki ti. Inthim chu sensâi ki ta, lampui irrual loihai irrualtir ki ta, annihai kha ki itho hranghai chu a ni, insel viat no ning.

ISAIA 43:6

Suak ving hrangin hmâr tiang hrilhai ki ta, kalkhumhai hrai loi hrangin sim tianga omhai hrilhai ki ti, ki nâipasalhai ram hlatak ata hong hruai unglân, ki nâinuhai kôlkung ata hong hruaihai roi.

ISAIA 45:22

Rammuala mi murdihaio, keima tiang hor hei unglân, keima vai hi Pathian ki ni, tûte a dang om mahai.

ISAIA 52:10

Mi tin mithmua Rengpa’n a bân irthianga khan a râi an fân ta, rammual pumpui khom hin, Pathian saninhringna chu hmu thei an ti.

JEREMIA 16:15

Kha nêkin chu keima Pathian hring Israel mihai hmâr tiang rama le anni irthekindarh ram dang tamtak ata hong hruai suaktu, keima irhming sâmin chonginkungna nei ta an ti. Anni chu an ram ngêta an irchibulhai ki ipêkna rama zuang hruaihai nôk ki ti, keima Rengpa hin ki iti a ni,” a tia.

JEREMIA 23:3

A la om sunhai ki inthekindartirna ram ata bûmhai nôk ki ta, an ram ngêta hong hruaihai nôk ki ti. Nâi le tê tamtak hong nei an ta, an ipung hrang a ni.

JEREMIA 23:8

Kha nêkin chu Pathian hring Israel mihai hmâr tiang rama le anni ki inthekindarna ram tamtak ata a hong hruai suaktu, ki’rhming sâmin chonginkungna det nei an ti. Khanchu an rama khan om ta an ti,” a tia.

JEREMIA 29:14

a dik ki iti a ni, ni hmu nin ta, nin rama khan nangni inomtir nôk ki ti. Ram tina irthokin le nangni kin thekindarna hmun tina irthokin nangni bûm nôk ki ta, sala intâng hranga nangni ki lei inhnotsuakna rama ngêt khan nangni hruai kîr nôk ki ti. Keima Rengpa’n ki iti a ni,’ tiin.

JEREMIA 3:12

Israel kuang fe hrangin a nin hrila, keima kuang, “Iamom loi Israel ki kuang hong kîr nôk roh. Kei chu khonzâna sip ki nia, ki ninginmur no ni, kumtuangin ninginmurtir mai no ning.

JEREMIA 3:18

Kha nî khan chu Israel le Juda irzomna ata hmâr tianga sal intângna ram ata hongin an idongtum dettak ni hrangin nin irchibulhai ki ipêkna rama hong kîr an ti,” tiin.

EZEKIELA 20:34

Nam danghai lai ata nangni hruaisuak ki ta, inthekindara nin omna ram ata chu kut hrâttak le bân phar le ninginthik sûngin nangni hruaikhôm ki ti.

EZEKIELA 20:41

“Nam dang lai ata nangni hruaisuak ki ta, nin irthekindarna ram ata nangni ki hruaikhôm tika chu nin thil mirimhoi inhlanhai leh lei lôm ki ti, nam danghaiin ki irthiangzia hmu an ti.

EZEKIELA 34:12

Belrapu’n a belra irthekindarhai bukkhôma a idonsui nôkhai angin donsuihai ta ki ti. Kha inthim le sûm zîng nia an inthekindarna hmunhai ata kha hruai kîrhai nôk ki ti.

EZEKIELA 34:13

Ram dang ata kha hruaisuakhaiin bukhai ki ta, an rama ngêt hruai kîrhai ki ti. Tânghai le Israel rama ivadunga hruaihai ki ta, hloi hring hmun hoitaka hruaihaiin infâhai ki ti.

EZEKIELA 34:16

A lei irhmang tâkhai chu zonghai ki ta, a rothai khom hruai kîrhai ki ta, a pop a liamhai khom tuam pehai ki ta, dam loia omhai chu indamtirhai ki ti. Khannisian a dam le a marhai chu inboipaihai ki ti, thil dik tho ngai belrapu chu ki ni sikin.

MIKA 4:6

Rengpa’n hiang hin a ti, “Kha nikhuaa khan ke’nbâi bukkhôm ki ta, irzûlpaia om le ki intaktira om kha buk ki ta;

ZEFANIA 3:19

Irngai ro, kha tika chu nang ngaisaktu murdi kha ngaitua ki ti. Khan, ke’nbâi kha saninhring ki ta, Inhnotpaia om kha hruai khôm ki ti, Khan, irnêng chung murdia lei mualinphoina kha, Inpâkna le irhming inthangnaa inchangtir ki ti.

ZAKARIA 2:6

Hong roi, hong roi, hmâr ram ata intân suak roi, ti hi Rengpa thu suak a ni. Irvân phâivua ang dênin kin darhtir tâka, ti hi Rengpa thu suak a ni.

MATHAIA 12:20

Hrât loihai chunga zâidamna nei a ta, Beiindonghai chunga khonzana nei a ta, Dikna khan inhnêna a pêk mâka chu mong no ni.

JOHANA 21:15

Khan, an fâk zoiin chu Jisua’n Simon Petera kuang, “Simon, Johana nâipa, hihai nêkin nangin lung mo ni ni thung ual?” a tia. Ama khan, “O Rengpa, lung nang ki thung ti nin hriat,” a tia. Jisua’n a kuang, “Ki belra tehai infa roh,” a tia.

1 KORINTH 8:10

Nangma inhriatna nei mi, sia le sa inhriatna hrât loi nei mi khan millim biakna ina ni fâk lai nang hmu sianlân, a sia le sa inhriatna khan millim biakna thil fâk an ngam hrang ni ma moh?

DÂN INHNINA 30:4

Rammual ram hlataka fe pat khom unglân, Rengpa nin Pathian khan nangni hruai khôm nôk a ta, nangni hruai kîr nôk a ti;

1 THESALONIKA 5:14

Khan, urênghaio, nangni ki ngên, mi thaboihai kha ngo unglân, mi beidonghai kha irtharngam sakhai unglân, mi hrât loihai changpui unglân, mi tin chunga nin lungrîl insôt roi.

HEBRAI toc2 HEBRAI 12:12

Nin kut khamhai kha lâng unglân, nin irkhûk inthinghai kha inngîr roi.

HEBRAI toc2 HEBRAI 4:15

Ochai Inlaltak ei hrât nonahai le inhre phâkpui theiloi mi nei mak mea, eini anga lam tinrênga thêmna tong tâk, khannisian, sual chu sual loi kêng ei ini.