JEREMIA 31:4 - PATHIAN LEKHABU IRTHIANG C.L. Bible (BSI)

⁴ O dôngmate Israel, nan ding inthartir nôk ki ti. Nin khuanghai lâkin raifân taka lâm hrangin suak nin ti.

JEREMIA 31:4 ပူးပေါင်းရင်းမြစ်များ

2 RÊNGHAI 19:21

Israelhai Pathian Rengpa thuhril chu, hi hi a ni. Zion nâinu’n nang en nuam maka, nang an nuisana. Jerusalem nâinu’n nang a rotsana a lu nang an thik khuma.

INPÂKNA HLAHAI 149:3

Ama irhming chu lâm pumin inpâk sianlân; Khuang le perkhuanghaiin ama inpâkin zâi ri sehai.

INPÂKNA HLAHAI 30:11

Ki mithi irngaina chu ki hrangin lômna nin changtir tâka; ki bora puan chu ni hlîkpaia, raifânna’n ki konga ni ni khit tâka;

INPÂKNA HLAHAI 51:18

Ni nuamlam takin Zion chunga thil sa tho’n lân; Jerusalem kulhai chu inding nôk roh.

INPÂKNA HLAHAI 69:35

Pathianin Zion chu sansuakin, Juda khuahai chu a inding hrang a nia; khanchu kha khan om an ta, nei zêl an ti.

ISAIA 14:1

Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti.

ISAIA 30:32

Irngam viat loiin Rengpa’n hruaihai a ta, Assuria vîk murdihai chu a mihai irbukin perkhuang le’rfûktir an ti. Assuria chunga a kut thâk hrang a ni.

ISAIA 37:22

Rengpa Israelhai Pathian thu hril chu hi hih a ni: Zion nâinu’n nang a en irhnuaia, nang a innuisana, Jerusalem nâinu’n chu ni irot hi a lu nang an thikkhuma.

JEREMIA 1:10

A vuan hin namhai le rêng ram chunga hin ircham ni inei tâk a ni, phâi hrang le insimpai hrangin, insiatchit le indok hrangin, sin inding hrang le phun nôk hrangin,” a tia.

JEREMIA 14:17

Khanchu Rengpa’n ki chardongna chu mipuihai kuanga hianga hril hrang hin a ni hrila: “A sûn a zânin ki mitrithi luang mai sianlân, ki chap hi mong no inlân, ki mihaiin intakna popliam an tong tâka an na hrai tâk sikin.

JEREMIA 18:13

Khan Rengpa’n, “Nam danghai kha irdonhai ngân roi ba; hianga thil hi a lei tung ta ngai mo? Israel mihaiin, thil intak tak an lei itho a ni ta.

JEREMIA 24:6

Anni chu vêng mai ki ta, hi rama hin hong hruai kîr nôkhai ki ti. Anni chu siam indinghai ki ta, kaiinthekhai ta no ninga; anni chu phun ki ta, phâihai ta no ning.

JEREMIA 31:13

Dôngmate chu raifânin lâm a ta, ruatharte le tarhai khom lôm an ta, an chardongna lômna inchangtir pehai ki ta, an beidongna irtharngam sakhai ki ti.

JEREMIA 31:21

Lampui irsinsiana sen lân, lampui inhriat theina hrangin chopui phun ro, ni lampui hro chu irsinsia infel roh. Dôngmate Israel hong kîrin lân, ni khopuia hin hong kîr ta roh.

JEREMIA 31:38

Khan Rengpa’n, “Irngai ro, sûnhai a hong nâi ta, Hananela in irsâng ata kul kil lampui kôl dênin khopui chu Rengpa ta hrangin indingthar ni a ta, ti hi Rengpa thu suak a ni.

JEREMIA 33:7

Juda le Israel chu tuanintungin siamhai ki ta, matona an iom ang khan indinghai nôk ki ti.

JEREMIA 46:11

Aigupta nâi dôngmate irthiang, Gileada fe’n lân, thinghnâi hloi la ro! Hloi tamtak ni ithohai khan sinthothei maka, ite khomin nang indamtir thei no ni.

CHAP HLA 1:15

Rengpa’n ki sipai hrât murdihai chu an nuisanhaia, ki ruathartehai thathai hrangin. Ama’n sipai a zuang tîra, Grep sômna khura grep sôm angin ki mipuihai a sômhaia.

CHAP HLA 2:13

O, Jerusalem imo ki itih ta hrang? Nangma ang hi tu mo om? O, Zion dôngmate, itin mo lungngam nang ki la isak hrang? a natna tong chu tuipui lian anga irzatak a ni sikin, tu mo a lan dam thei hrang?

AMOSA 5:2

Dôngmate irthiang Israel kha a tûk tâka; inding nôk ta no ni; a ram chunga pai thâk a ni ta; ama inngîrtir hrangin tûte om mahai.

AMOSA 9:11

Hi thil thotu Rengpa thu suak khan hiang hin a ti, “Kha nikhuaa khan Davida kairêng chim kha indingtir ki ta, a pophai kha tuam ki ta; a siathai kha irfûktir nôk ki ta, tianlaia a iom angin sin nôk ki ti.

LUKA 15:23

Sehrâtchal tuai mar tak kha hong kai unglân, that roi, raifân takin hruai inthe ei ti.

TÎRTÔNHAI SINTHO 15:16

‘Kha irzoia khan kîr nôk ki ta, Davida omna in chim kha inding nôk ki ti. A siatna ualhai khom siam insa nôk ki ti.

ROIRÊLTUHAI 11:34

Jeftha chu Mizpa khua a ina a fe nôka. Irngai ta, ama lôm hrangin a nâinu chu khuangtehai leh a lei lâm suaka. Ama chu a nâi neisun a ni, nâipasal mani nâinupang mani nâi dang rêng rêng nei mah.