JEREMIA 31:34 - PATHIAN LEKHABU IRTHIANG C.L. Bible (BSI)

³⁴ Rengpa chu inhre mai roi, ti’n tûte’n an rualhai le an urênghai irchutir no nihai. A chîn ata a lian dênin nin hre mai an tah ti hi Rengpa thu suak a ni. Khanchu an sin insiatnahai ngaidam ki ta, an sualnahai inhre ta no ning,” a tia.

JEREMIA 31:34 ပူးပေါင်းရင်းမြစ်များ

1 THURCHI SUINA 28:9

Solomona kuang khan, “Nang ki nâipa Solomona, ni pa Pathian hi pomin lân, irzuk tak le dik takin a sin tho’n lân, kin ingaitua le kin itumhai hi an hriat ving a ni. Ama hi ni zong photin chu hmu ngêt ni ti, nir ngaitua no’n chu nang pai zôi a ti.

INPÂKNA HLAHAI 25:7

Ki thoibop lai sualnahai le insiatnahai kha inhre mai no’n lân; O Rengpa ni satna sikin, Ni lungkhamna sikin nin hre mai roh.

ISAIA 11:9

Ki tâng irthiangna tinrênga chu, tûte a na tuang ta no nihaia, an siat khom insiat no nihai; tuikhanglian tui a ibit angin Rengpa an inhriatna hin ram hi bit ta a ti.

ISAIA 29:24

Irtha tiang irhmanghaiin inhre thei an ta, a chiar nuamhai khomin ar chu nuam ta an ti.

ISAIA 30:26

A mihai sâbe tuam pehai a ta, an popnahai a dam zoi tena chu, tha khi misa nêkin vâr a ta, misa khom vâr irkhêlin hapta khat vâr irthûl sûn khatin vâr hrât a ti.

ISAIA 33:24

Kho sûnga omhai khomin, “Dam ma unga” ti ngai no nihai, an sualhai ngaidam ni an ti.

ISAIA 33:6

Nin zoro vongtu a ni, a mihai chu a hrunghaia, vârna le inhriattheina a pêka, Rengpa chi hih an irchon hlutak a ni.

ISAIA 38:17

Ki ituangnahai hih ki satna hrang a lei ni, A nin rena, siatna khur ata a ni kêlsuaa, ki sual murdi a ni ngaidam ta.

ISAIA 43:25

Keima hi ki nih nin sual ngaidam theitu chu, keima sikin kêng nangni ki ingaidam, Nin sualnahai inhre mai loia ki iom a ni.

ISAIA 44:22

Phâivua’n sûm a isêmpai angin ni sin insiatna ki’rnghila, phâivua’n sûm a isêm irhmang angin nin sualnahai ki sêm irhmangtir ta, khasikin ki kuang hong kîr ta roi, nang a’rtantu ki ni.

ISAIA 52:6

Khasikin ki mihaiin ki’rhming inhriat thei an ta, kha tena chu keima ihril a nih ti inhre thei ta an ti,” ti hi ki ihril a ni.

ISAIA 54:13

Ni nâihai murdi Rengpa’n irchutirhai a ta, râl irvei loiin om mai ta an ti.

JEREMIA 24:7

Keima hi Rengpa ki nih ti inhriat theina hrangin, anni chu irzukna pehai ki ta; an lungrîl murdi le ki kuang an hong ikîr hrang a ni sikin.

JEREMIA 32:40

Kumtuanga thuthung siampuihai ki ti. Itiklai khoma anni ta hranga thil sa tho irngam pehai no ninga, lungrîl taka ni ngîk hrangin siamhai ki ta, khanchu hnung ni songsan ngai no nihai.

JEREMIA 33:8

Ki chunga an lei insualna ata kha thârhai ki ta, an sualhai le an tehelzong ngai kha inzâhai ta ki ti.

JEREMIA 50:20

Kha zoro kha a hong tungin chu, Israel rama sual sin hmu ni ta no nia, Judai rama tho’nchâina hmu ni ta no ni, an hringna ki inzôk pehai kha ki ngaidam hrang tâk sikin, keima Rengpa’n ki iti a ni,” a tia.

JEREMIA 9:23

Rengpa’n a ti, “Mi vârhaiin an vârna, mi hrâthai khomin an hrâtna, irchonghai khomin an irchongna irpâkpui no ri sehai.

HOSEA 2:20

Iamomna’n ki ta hrangin hual ki ta, khanchu Rengpa kha inhria ni ti.

MIKA 7:18

Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.

MIKA 7:19

Irhei kîr nôk a ta, ei chunga lungkhamna nei a ti; ei pualoinahai kha a ke hnuaia sirpha a ti: nangin an sualna murdihai kha tuikhanglian mong inthûk takhaia khan pai lût ni ti.

HABAKUKA 2:14

Tuikhanglian kha tuihaiin a isip angin, Rengpa roiinpuina inhriatna khan irnêng hi a isip hrang a ni.

MATHAIA 11:27

Thil tinrêng ka Pa’n a ni pêk ta. Pa ti no’n chu tûte’n Nâipa inhre mahai. Nâipa bana chu tûte’n Pa khom inhre mahai, Nâipa’n a inpuangnahaia ti no’n chu.

LUKA 1:77

An sualhai ngaidamin, a mihai kuanga saninhring thu inhriattir hrangin.

JOHANA 17:3

Hi hi kumtuang hringna chu a ni, nang Pathian tak vai le ni itîr Jisua Krista inhriat hi.

JOHANA 17:6

“Rammual ata mi ni ipêkhai kuang nir hming kin langtir ta; ni ta an nia; anni kha ni ni pêka; ni thu khom an zôm ta.

JOHANA 6:45

Deipuhaiin, ‘Mi murdi Pathianin irchutir a ti,’ tiin an irziak. Mi tin, Pa thu inhriata, a kuang ata irchu chu ki kuang an hong ngai.

TÎRTÔNHAI SINTHO 10:43

Tukhom, Ama iam tâk chu ar hming sikin a sualhai ngaidamin om a ti, tiin deipu murdihai khomin a Thurchi an insîr ngai,” a tia.

2 KORINTH 2:10

Mi tukhom nin ingaidam ka chu kei khomin ki ngaidam. Keima khomin ki ingaidam tâk chu, a dik takin i khom ngaidam hrang ki inei chu nangni sikin Krista makunga ki ingaidam ngai a ni.

2 KORINTH 4:6

“Inthima irthokin vâr hong vâr suak a ti,” tihtu Pathian ngêt khan a ni, Krista hmêla Pathian roiinpuina vâr suak kin inhriatna hrangin kin lungrîl a ivâr tâk a ni.

EFESI 1:7

Krista thisenin irtan ei ni tâka, ei sualnahai ngaidam a ni tâk. Pathian lungkhamna chu an thûk tak taka.

1 THESALONIKA 4:9

Nin kuang chu urênghai irlungthungna thu irziak nang maka, Pathianin nangni ngei lung irthung irhlôm hrangin nangni a irchu a ni.

HEBRAI toc2 HEBRAI 5:12

A zoro ngaitua’n chu irchutirtu ni thei ta zit le nin irhoia, khannisianlân, Pathian thu bul rêt A, B, CH ata irchutir nin nang nôk tâk a ni. Bu’nhrum ni loiin irhnutui lan nang kêng nin ini.

HEBRAI toc2 HEBRAI 8:11

Khanchu, tûte’n, Rengpa kha inhre ro, tia mâni bômhai mani, mâni ram mihai mani an irchutir nang ta no ni. A chîn taka irthokin a lian tak dênin an nin hriat hrang tâk sikin.

HEBRAI toc2 HEBRAI 8:12

An sualhai ngaidam ki ta, an inchâinahai inhre mai ta no ning, Rengpa’n a ti,” tiin.

1 JOHANA 2:20

Nangni chu, Mi Irthianga khan sahriak nangni a’rthutira, itinrêng nin inhriat a ni.

1 JOHANA 2:27

Nangni chu, a sahriak nangni pol kha nangnia a om maia, tukhom irchu nang mak chêi. A sahriak nangni irpoltirna khan thil tinrêng nangni ar chutira, kha kha a dika, milak ni mah. Khanchu, nangni a irchutir ang khan Kristaa khan om mai roi.

1 JOHANA 5:20

Pathian Nâipa kha a zuanga, Pathian tak kha inhre thei hrangin inhriat theina a ni pêk ti ei inhriat sa; khanchu Pathian tak khan ei iom a nia, Nâipa Jisua Kristaa khan. Hi hi a ni Pathian dik tak kha, hi hi a ni kumtuang hringna chu.

1 SAMUELA 2:12

Elia nâipasalhai kha mi chanlamboi an nia, Rengpa khom mahrip tho loi