JEREMIA 31:12 - PATHIAN LEKHABU IRTHIANG C.L. Bible (BSI)

¹² Râifân taka khêkin Zion tâng sîpa hong an ta, Rengpa satna sikin an hmêl raifân takin om a ti. Buhai, uainhai, hriakhai, belra le sahai sikin lôm an ta. Anni chu inhnê taka tui leh buak ngai irhuan ang ni an ta, an chardong ta no ni.

JEREMIA 31:12 ပူးပေါင်းရင်းမြစ်များ

ISAIA 35:10

Rengpa irtanhai hong kîr an ta, zâipumin Zion pan an ta kumtuang lômna changin om an ti. Râifân lômin sip an ta, beidong le chapna om ta no ni.

JOELA 3:18

Kha nikhuaa khan hiang hin hong ni a ta, tâng irsânghai khan uain thum inzungtir a ta, tânghai kha irhnutuiin luang a ta, Judai ram vadungte murdihai kha tuiin luang a ta: Rengpa in ata tuihnâr zuang pût suak a ta, Sitim irhôr irziltir a ti.

ISAIA 58:11

Rengpa’n nangni hruai mai a ta, misa lum hnuaia nin dangchâr chu hek a ti. Nin irzuk murdi nangni pe sa a ti. Nin taksahai nangni inhrâttir a ta, tui tamna hmuna irhuan angin le tuikuang kang ngai loi angin ni nin ti.

JOHANA 16:22

Khaang khan nangni khom atûn hin nin char a donga, khannisianlân, nangni hmu nôk ki ti, nin lungrîl lôm a ti, nin lômna kha tûte’n nangni lâkpai pe no nihai.

EZEKIELA 17:23

Israel tâng irsâng khan phun ki ti, a ônhai hong zap a ta, hong ra a ti. Sidar thing roiinpui tak la ni a ti. a hnuaia khan chunglêng va chi tinrênghai chu om an ta, a ôn hnuai dâihlîmhaia khan om an ti.

ISAIA 65:19

Jerusalem chunga lôm mai ki ta, ki mihaiin nin lômtir an ti. Chap irhâi inhriat hrang om ta no nia, chardonga khêk irhâi khom om ta no ni.

ISAIA 60:20

Nangma hrangin chu misa tâk ta ngai no nia, tha khom inlang loi nî om ual no ni. Rengpa kha ni kumtuang vâr ni a ta, lusûnna nei ta no chi ni.

THUPHUANG 21:4

“An mit ata mitrithi murdi huipai pehai a ti. Thina om ta no nia, beidongna hai, chapna hai le natna hai khom om ta no ni; thil miluihai kha a boi zoi ta,”, a iti kin hriat.

THUPHUANG 7:17

Belrate, rêngtoihmun inlainaa om kha a enkoltu ni a ta, hringna tuikhanglianhaia tuang a ti. Khanchu, Pathianin an mit ata mitrithi tinrêng huipai ta a ti,” a tia.

ROM KHUAA MIHAI KUANGA TÎRTÔN PAULA LEKHATHON 2:4

A ninole, nangni irlettir a nuam sikin Pathian chu khonzâna neiin nangni a nghâk ngai tih inhre loiin satna a nei intamzia le a tuangdiarzia le a entheizia chu a ingainêp ma ni?

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

INPÂKNA HLAHAI 130:4

Khannisianlân, ni ni ngaidama, Nang ki chi theina hrangin.

EZEKIELA 20:40

“Israel ram, ki tâng irthianga khan, Israel insûng tin, nin rêngin, kha rama khan ki sin tho nin ta, kha khan lei lôm ki ta, nin thilinhlanhai, ra masatak nin inhlanhai, nin thil irthiang inhlanhai lei dong ta ki ti.

ISAIA 51:11

Rengpa irtanhai chu hong an ta, Hla sakpumin Zion tâng hong tung an ta, Kumtuanga lômna khum an ta, raifân le lômna’n sip an ta, beidong irtha’nvâi om ta no ni.

ISAIA 1:30

sesua thing thi ta hrang angin thêm nin ta, tui hmu ngai loi irhuan angin châr nin ti.

JEREMIA 31:4

O dôngmate Israel, nan ding inthartir nôk ki ti. Nin khuanghai lâkin raifân taka lâm hrangin suak nin ti.

JEREMIA 3:14

Iamom loi mihai hong kîr roi, ki nuchahai kêng nin ni, khopui tina irthokin inkhat lua, nam tina irthokin inhni lua nangni inthang suak ki ta, Zion tânga nangni hruai intung ki ti.

JEREMIA 31:6

Râl hrungtuhaiin Efraima tânga mi an koisam nî tung a ti, “Tho Rengpa ei Pathian kuang, Zion-a fe ta ei ti,” tiin.

JEREMIA 31:7

Rengpa’n hiang hin a ti. “Jakoba ta hrangin raifân takin hla sak unglân, nam tinin roiinpui tak ta hrangin khêk suak roi. Hril unglân, chôiindôm roi, ‘O Rengpa, Israel la damhai chu sansuakhai ro,’ tiin.

JEREMIA 31:24

Judai ram le a khopuihai khan loi neituhai le belra entuhai lêngsuam an ti.

JEREMIA 31:25

Mi hrât loihai inhrâttirhai ki ta, châmsôl irveihai chu infatirhai ki ti.

JEREMIA 32:15

Rengpa, itinrêng thothei, Israelhai Pathianin a iti chu, inhai, loihai le grep irhuanhai chu hi rama hin irchôk la ni nôk a ti,” a tia.

JEREMIA 33:12

Khan Rengpa Itinrêngthothei khan, “Ramchâr anga mihriam mo, sahai om loina, hi rama hin belrapuhaiin an belrahai vâina hrang sûlhring hong mông nôk a ti.

JEREMIA 33:13

Tâng ram khua lianhai tâng kôlhaia le sim tianga Judai rama, Benjamina ram irkul sûnga, Jerusalem kôlvêla khua chînhai, Judai rama khua lianhai belrapuhaiin an belrahai la tep nôk an ti. Keima Rengpa’n ki iti a ni,” a tia.

EZEKIELA 34:14

Tâng chunga durba omna hmuna le irhôrhai le Israel ram murdia hloi hring hmunhaia lungthi takin fâk nêk inzongtirhai ki ti.

HAGAIA 2:19

A chi kha fasiara a la iom ma ni? Grep hruihai, theipui kunghai, dalim le oliv thinghai kha la ra mah; a vuan ata hi sat nangni vur ki ti.

ISAIA 52:8

Zion khuaa Rengpa hong an mit ngêtin an hmu chit sikin, ni râl hrungtuhai chu raifânin an khêk sup supa.

EZEKIELA 36:30

Nin theikunghai le nin loihai chu ra tamtak insuatirhai ki ta, khanchu châm rêng rêng om ta ngai no nia, nam tinhai laia hmâimôkin nangni inomtir ta no ning.

ZAKARIA 8:12

Lungthi takin an loimânhai tho an ta, an grep kunghaiin ra tamtak insua a ta, irnêngin bu le bâl insua a ta, rotui khom tamtak om sa a ti. Hi satvurna murdihai hi ki nama mi la omsunhai chunga intungtir ki ti.