JEREMIA 31:10 - PATHIAN LEKHABU IRTHIANG C.L. Bible (BSI)

¹⁰ O namhaio, Rengpa thu hi irngai roi, tuikhanglian kôla ram hlatakhai khom hrilhai roi, Israel indartirtu khan hruaikhômhai nôk a ta, belrapu angin anni chu enkolhai a ti, tiin.

JEREMIA 31:10 ပူးပေါင်းရင်းမြစ်များ

ISAIA 40:11

Belra hrungtu angin Belrahai infâhai a ta, a têhai chu pomhaiin, a puihai hruaihai a ti.

EZEKIELA 34:12

Belrapu’n a belra irthekindarhai bukkhôma a idonsui nôkhai angin donsuihai ta ki ti. Kha inthim le sûm zîng nia an inthekindarna hmunhai ata kha hruai kîrhai nôk ki ti.

ISAIA 66:19

Annihai kha irsinsiana inentirhai ki ta, an laia senkhat chu hôihai ki ti, nam dang laia, Tarsis, Pul,. Luda haia tîrhai ki ta, thal kâp theihai chu Tubala, Javan-hai chômbung hlataka ki’rhming lan hre ngai loihai laia le ki roiinpuina la hmu loihai laia tîrhai ki ta, nam tinrêng laia ki roiinpuizia lan puang an ti.

DÂN INHNINA 30:4

Rammual ram hlataka fe pat khom unglân, Rengpa nin Pathian khan nangni hruai khôm nôk a ta, nangni hruai kîr nôk a ti;

JOHANA 11:52

An nam irthûl vai khom ni loiin Pathian nâi rammuala indarhai pâl khata a hruaikhôm nôkna hrang khom a insîr a ni.

JOHANA 10:27

Ki belrahaiin ki hnukirhai an inhriata, kei khomin anni kha kin hriat ngaia, an ni zui ngai;

ZEFANIA 3:19

Irngai ro, kha tika chu nang ngaisaktu murdi kha ngaitua ki ti. Khan, ke’nbâi kha saninhring ki ta, Inhnotpaia om kha hruai khôm ki ti, Khan, irnêng chung murdia lei mualinphoina kha, Inpâkna le irhming inthangnaa inchangtir ki ti.

LUKA 12:32

Pôl tômtehaio, chi no roi, Ram nangni pêk hi nin pa nuamlam tak a ni.

ZAKARIA 9:16

Kha nikhua kha a hong tung tena chu, Belrapuin a belrahai ichiomna ata a isaninzôkhai angin, Rengpa’n a mihai chu saninzôkhai a ti. Renglukhuma lunghluhai angin anni chu a rama khan la chok an ti.

ZEFANIA 2:11

An chunga khan Rengpa kha ichiom tak ni a ta; irnêng chunga pathianhai murdi kha a inboipai hrang a nia; kha khan mihriamhai khan ama kha biak ta an ta, mi tinin mâni hmun seng ata chubai mûk an ti.

MIKA 5:4

Ama kha chu ngîr a ta, Rengpa hrâtna’n a sâ rual kha infâ a ta, Rengpa a Pathian irhming roiinpuina ngei khan: khan, anni kha zôkin om mai an ta; ama kha irnêng mong dênin a iroiinpui hrang a ni.

MIKA 4:6

Rengpa’n hiang hin a ti, “Kha nikhuaa khan ke’nbâi bukkhôm ki ta, irzûlpaia om le ki intaktira om kha buk ki ta;

MIKA 2:12

O Jakoba-hai, nin rêngin nangni koi buk ngêt ki ta; Israel mi la omsunhai kha hruai khôm ngêt ki ta; Bozra khuaa belra angin siakhôm ki ta: sa pâl an hloisûl hmuna om ang maiin, mipui an ni sikin irse mur mur an ti.

EZEKIELA 37:24

Reng ki sinthotu Davida ang khan an rêngin om an ta, an rêngin roirêltu inkhat hnuaia inthurual takin om an ta, khanchu iamom takin ki dânhai chu zôm an ti.

EZEKIELA 20:34

Nam danghai lai ata nangni hruaisuak ki ta, inthekindara nin omna ram ata chu kut hrâttak le bân phar le ninginthik sûngin nangni hruaikhôm ki ti.

EZEKIELA 11:16

Khasikin, Rengpa pathianin hiang hin a ti, “Hlataka namhai laia nangni ki thonpaia, ram tamtaka nangni ki inthekindarh nâkin, zoro sôtloite sûngin an hong tungna rama khan an ta hrangin hmun irthiang ni ki ti,” a tia.

EZEKIELA 5:10

Nin laia pahaiin an nâihai taksa la fâk an ta, nâihaiin an pahai taksa la fâk an ti, ki ihrem hrang a ni, a la om sunhai khom irthekindarin om zit an ti.

EZEKIELA 5:2

Hmun thuma sena hmun khat chu khopui rûna a om sûng nîhai a hek tika khan khopui laia meia ni ihâl hrang a ni, hmun thuma sena hmun khat dang chu la ni ta, khopui pên tiang a rêngin khandaiin sât irnôi ni ta; khan, hmun thuma sena hmun khat dang chu phâivua’n insêm indartir hrangin pai ni ta, keiin khandaiin doi ki ti.

JEREMIA 50:19

Israel mihai chu an ram ngêta inomtirhai ki ta, Karmel tâng le Basan vêla an fâk invânghai nêk an ti.

JEREMIA 50:17

Khan Rengpa’n, “Israel mihai chu belra pâl, kâmkeibakneihaiin an irzûla an irthekchit ang hi an ni. A phut taka Assuria rêngin a doia, kha hnung Babulon rama rêng Nebukadnezara’n an ruhai an rêt pehai nôka.

ISAIA 60:9

Ramchârna hmun hlatak ata hong an nia, Tarsis-a irkuanghaiin an hong hruaihaia, ram hlatak ata ni nâihaiin rângachakhai an hong chôia, Rengpa ni Pathian irhming chôiindôm hrang le Israel mi irthiang chôiindôm hrangin, ni mihai chu nam tin mithmuin Rengpa’n a chôiindôm ta.

ISAIA 54:7

Zoro sôtnote nang ki mâksana, lung nang kin kham hrai sikin, nang koi nôk lat ki ti.

ISAIA 42:10

Rengpa inpâkin hla thar ngêt sak unglân, rammual pumpui hin inpâk ri sehai; Tuikhangliana fehai le a sûnga omhaiin, chômbunga omhai le a sûnga omhai khomin inpâk ving ri sehai.

ISAIA 42:4

Rammuala hin roirêlna diktak a om mân hin, sôl no nia, a bei khom indongtir no ni. Ram ronghai hin a thu an inghâk mai a ni.

ISAIA 41:1

Chômbunga omhai irngai roi, Nin mihai le’rsiam ri sehai, hong unglân hril sa roi, ni roirêl sai angin.

ISAIA 27:12

Kha ni tena chu Rengpa’n Eufrates vadung ata Aigupta tui dênin, bu ât angin, a mi Israelhai chu inkha khatin irfuanghai a tih.

ISAIA 24:14

A la damhai chu lômin khêk an ta, khotâng nun ata Rengpa roiinpuizia chu khêk suakpui an ti.

INPÂKNA HLAHAI 72:10

Tarsis ram le chômbung rênghaiin lômman hong inhlanhai sianlân, Arab rêng le Seba rênghai khomin thilpêkhai hong chôi ri sehai.

DÂN INHNINA 32:26

Tûte inhriat ta loi hrangin ki’rhmangtir chit hrang mani ki ti lik tâk a ni.

IRPHUTNA 10:5

Annihai ata irthoka hin kêng, Jentail ramchârna hmuna an ram omna hrang hmun chita an indara; an chong hmang ang hrang le an nam om hrang ang chitin an om tâk.

LEVI DÂN 26:33

Irdoina hong tung a ta, nam dang rama nangni hruai indarh an ta, nin khopuihai kha chim remrum a ti.

INPÂKNA HLAHAI 23:1

Rengpa chu a ni enkoltu a nia; ite irsam no ning.

THUVÂRHAI 27:23

Ni belrahai le ni mihriamhai theidôra enkolin donsui ro,

ISAIA 40:1

Ki mihai hi lungngam sakhai roi, lungngam sakhai mai roi, nin Pathianin a ti:

ISAIA 48:20

Babulon khua ata fesuak unglân, Kaldai ram hi rotsan roh. Râifân taka khêkin ki thu hi inpuang unglân, hmun tinrênga hril mai roi, Rengpa’n a siahlo Jakoba chu ar tansuak ta,’ tiin khêk roi.

JEREMIA 3:15

Ki thu zôm roirêltuhai nangni pe ki ta, anni khan vârna le inhriatthiamna nangni rêl an ti.

JEREMIA 23:4

Annihai enkoltu hrangin hruaituhai phun pehai ki ti. Ki mihai chu chitna sikin mo, kamangin mo, om ta no nihaia, anni chu dûk thohai ta no ning. Keima Rengpa’n ki iti tâk a ni,” a tia.

DANIELA 11:18

Hi zoia hin chu ramchârna tiang irhei a ta, tamtak lâk a ta; khannisian hruaitu inkhatin insîrsiatna sapsuakna chu mong a ta, an sîrinsiatna chu ama chunga irlet a ti.

ZAKARIA 2:6

Hong roi, hong roi, hmâr ram ata intân suak roi, ti hi Rengpa thu suak a ni. Irvân phâivua ang dênin kin darhtir tâka, ti hi Rengpa thu suak a ni.

INPÂKNA HLAHAI 147:2

Rengpa khan Jerusalem chu an ding nôka; Sala intâng Israelhai a hruaikhôm nôka.

ZAKARIA 10:8

Ki mihai chu koihai ki ta, an rêngin bûmhai ki ti. Anni chu saninzôkhai ki ta, pung hranga hrila an iom angin, tamtakin lan punghai ki ti.