JEREMIA 30:7 - PATHIAN LEKHABU IRTHIANG C.L. Bible (BSI)

⁷ Kha ni sûn kha irkhêl tak ni a ti! Khaang kha om thei no ni, Jakoba chardong zoro hrang chu a ni, khannisian sansuak ni a ti,” tiin.

JEREMIA 30:7 ပူးပေါင်းရင်းမြစ်များ

IRPHUTNA 32:7

Khanchu Jakoba chu a sate’n a lei chia, chardong a le’rlâka: khanchu a kôla mi a iompuihai kha pâl hniin a lei semhaia, a kêl, sakuartung le belrahai khom buk hniin a lei siahai tâka;

INPÂKNA HLAHAI 25:22

O Pathian, Israelhai hi An lunginzîngna murdi ata saninzôkhai roh.

INPÂKNA HLAHAI 34:19

Mi fel intaknahai chu a tama, Khannisianlân Rengpa’n khahai murdia khan a sansuak ngai.

ISAIA 20:6

Kha zoro a hong dênin chu, hi tui kôla omhai hin, ‘Ei lei tûnghai hraia, Assuria rêng kôl ata ni san le nin zôktir hranga ei lei irhnêlhai hi chanlamboi an ni hi! Einihai hi itin mo kin bingin kin irsûnghual thei hrang?’ ” ti an ti.

JEREMIA 14:8

Nangma vai hi Israelhai itûng ni nia, vânduaina ata nin zôktu chu nangma vai hi ni ni. I lo hrang mo kin rama hin mikhual angin zân khat riak hrang anga mikhualin ni iom?

JEREMIA 2:27

Thing chu nin pa a nia, lung chu nin nu a ni, nangni a tituhai nin rêngin nin hmâimôk a ti.

JEREMIA 2:28

Nin isiam pathianhai kha khôn mo an om? Intakna nin phâk zoroa, an thei ngânin teh nangni san ri sehai. O Juda, ni khopui nei dôr chu pathianhai khom ni inei a ni ta hi te.

JEREMIA 30:10

O ki siahlo Jakoba, chi no ro, o Israel chi viat no roh ti hi Rengpa thu suak a ni. Ni’rchi, ram hlataka sala intânghai chu sansuakhai ki ti, Jakoba chu irtharngam tak le zôkriamin om a ti. Tûte’n râl changin insî ta no nihai.

CHAP HLA 1:12

Khualinzin chaiirvâkhai kuang khan, Ni en roi, tukhom keima anga tuang hi la om ngai mahai. Rengpa ningmurna nikhua a tunga, ki itong a ni ta hi:

CHAP HLA 2:13

O, Jerusalem imo ki itih ta hrang? Nangma ang hi tu mo om? O, Zion dôngmate, itin mo lungngam nang ki la isak hrang? a natna tong chu tuipui lian anga irzatak a ni sikin, tu mo a lan dam thei hrang?

CHAP HLA 4:6

Tûte tôn irman loiin Sodom khua a isiat ang khan, a mihai tuang nêkin ki mihai tuangna hi a natinsat ual.

DANIELA 12:1

“Kha irzoi tena chu ni mipui nâihai san ngaitu, hruaitu roiinpuitak Mikaela kha ngîr a ta; buaina zoro, nam om phut ata, kha ni tena la om ngai loi kha, hong om a ta: kha nî tena chu ni mihai kha sansuakin om an ta, mi tin lekhabua irhming chuang murdihai chu.

DANIELA 9:12

A thu kin chunga a ihril le kin roirêltu, kin chunga roirêltuhaiin thil saloi tamtak a hong tung irkip ta. Jerusalem chunga tho ang khan vân hnuai pumpuia tho thei ni maka.

HOSEA 1:11

Khan, Juda nâihai le Israel nâihai kha pung khôm an ta, an lu hrang inkung an ta, kha rama irthokin hong fe an ta, kha rama irthokin hong fe an ta, Jezreel nikhua kha a iroiinpui hrang a ni.

JOELA 1:15

Kha nikhua kha a chung a rike! Rengpa nikhua kha anai tâka, Itinrêng thotheitu ata irhmangna ang zuang tung a ti.

JOELA 1:2

Putarhaio, hi hi inhre roi, hi rama om murdihaio, nin mikuar sung roi. Hi hi, nin zoro lai le nin puhai zoro lai khomin a om ta ngai mo?

JOELA 2:11

Khan, Rengpa khan a sipai rualhai makunga ar hâi an suaa; a riakbukhai kha a sân a roiinpuia; a thu zômtuhai chu sinthothei tak an ni; Rengpa nikhua kha a roiinpuiin ar khêl tak taka; tu’n mo tuang thei hrang?

JOELA 2:31

Misa inthim a ta, tha thisena chang a ta, Rengpa nikhua roiinpui tak le irkhêltak kha a zuang tung mân.

MIKA 4:9

Itho sika mo ni ichap rak rak? Ni sûnga inlaltak a iom loi ma ni, nang an kung petu a ithi mani ta, nupang nâiha anga natna’n nang a ikop tâk ma ni?

HABAKUKA 3:16

Kin hriatin ki sûngrîl kha an thinga, Ki hmûrhai kha hnukirhai khan an thing nor nora; ki ruhaia khan hmonna a hong lûta, Kha ki omna hmuna khan ki inthing a ni; Buaina nia khan irngam ki ta, Mipui, sipai pâl anga ni rûntu chunga a hong tung tika chu.

ZAKARIA 14:7

inthim khom om sa ta no ni. Zâna khom vâr mai ta a ti. Rengpa vaiin hi zoro tung hrang hi a inhriat a ni.

MALAKIA 4:1

Irngai u ta, nikhua a zuang tung e, hâl inzôina mei angin a kâng a ni; mi lârirpâk murdihai le sual thotu murdihai kha fapôl ni an ta: kha nikhua zuang tung khan anni kha kâng a ti; a’rzung le a ôn dênin hôi no ni, Sipaihai Rengpa’n a ti.

MARKA 13:19

Kha nikhuahaia intakna kha chu Pathianin rammual a siam phut ata a vuan tena rammualin a lei inhriat ngai murdi nêka irkhêl ual tak chu a ni hrang sikin. Khaanga kha chu itiklai khom om nôk viat ta no ni.

TÎRTÔNHAI SINTHO 2:20

Misa inthim a ta, tha thisen chang a ti; Rengpa nikhua roiinpui le poimo tak zuang tung mân.

ROM KHUAA MIHAI KUANGA TÎRTÔN PAULA LEKHATHON 11:26

Kha tika khan kêng Israel mi murdi saninhringna an iom hrang a ni. “Zion ata Saninhringna kha a zuang isuak hrang a ni, Jakoba kuang ata Pathian ngaisak loina inboi a ti,

THUPHUANG 6:17

An ningmurna nikhua ichiom tak kha a itung tâk kêng, tu mo ngîra doi thei hrang?” an tia.