JEREMIA 30:22 - PATHIAN LEKHABU IRTHIANG C.L. Bible (BSI)

²² Ki mihai ni nin ta, nin Pathian ni ki ti, kei Rengpa hin ki iti a ni,” a tia.

JEREMIA 30:22 ပူးပေါင်းရင်းမြစ်များ

FESUAKNA 6:7

Khanchu ki mi ni ta nin ta, kei nin Pathian ni ki ti; khanchu keima hi nin Pathian Rengpa Aigupta hai suak nin changna ata hruai suakpu ki nih ti inhria ta nin ti.

HLAHAI HLA 2:16

Ki lungdi chu ki ta a nia, kei khom ama ta ki ni, a belra pâlhai chu lili pâr bila an lêngtirhai ngai.

JEREMIA 11:4

Hi thuthung hi an irchibulhai Aigupta rama thîr hâl inzôitu kuang ata ki hruaisuak nia ki isiamhai an ni. Ki thu zôm hrang le sin hranga thu ki ipêk murdi tho hrangin kin hrila. An zôma ni’n chu ki mihai ni an ta, keima an Pathian ni ki tih ti ki ihril a ni.

JEREMIA 24:7

Keima hi Rengpa ki nih ti inhriat theina hrangin, anni chu irzukna pehai ki ta; an lungrîl murdi le ki kuang an hong ikîr hrang a ni sikin.

JEREMIA 31:1

Kha zoiin chu keima hi Israel in sûngkua murdihai Pathian ni ki ta, anni khom ki mihai ni an ti, Rengpa thu suakin a ti.

JEREMIA 31:33

Kha ni tena Israel in sûngkuahai le ki thuthung hrang chu hi hi a ni. An lungrîla ki dân sia ki ta, an milunga irziak sa ki ti. Kei an Pathian ni ki ta, anni chu ki mihai ni an ti.

JEREMIA 32:38

Khanchu ki mihai ni an ta, keima an Pathian ni ki ti.

EZEKIELA 11:20

Ki thu inkunga an fe theina hrang le, ki dânhai chu an inkola, an tho theina hrangin; khanchu, ki mihai hong ni an ta, kei khom an Pathian ni ki ti.

EZEKIELA 36:28

Khanchu nin irchi bulhai kuanga ram ki ipêka khan om ta nin ta, nangni chu ki mihai ni ta nin ta, kei nin Pathian ni ki ti.

EZEKIELA 37:27

Khataka khan kei chu anni leh omsuam ki ta, kei chu an Pathian ni ki ta, anni chu ki mihai ni an ti.

HOSEA 2:23

Khan, kha kha ki ta hrangin irnênga hin song ki ta, inren loinu kha inren ki ta, ki mi ni loi kha ki mi ni nih ti ki ti,” khan, ama khan, “Ki Pathian ni nih,” ti a ti.

ZAKARIA 13:9

Khanchu a hmun thuma chu meia infetir ki ta, sumtak chu irthiangtira a iom angin irthiangtir ki ta, rângachak chu fia a ini angin fia ki ti, khanchu ki kuang chongchai an ta, keiin anni chu sâmhai ki ti. Anni chu ki mihai an nih ti hrilhai ki ta, khan anni khomin, ‘Rengpa chu kin Pathian a ni,’ ni ti ta an ti,” a tia.

ZAKARIA 8:8

Jerusalema om hrangin nisua tiang le nitâk tiang ata la hong hruaihai ki ti. Anni chu ki mihai ni an ta, kei chu an Pathian iamom tak le diktaka an chunga roirêltu ni ki ti.

MATHAIA 22:32

‘Keima Abrahama Pathian, Isaka Pathian Jakoba Pathian,’ ki ni a tia, Pathian chu ihringhai Pathian kêng a ini; mithihai Pathian ni ma,” tiin a sâma.

HEBRAI toc2 HEBRAI 8:10

Nikhua hong tung hranga Israelhai kuang thu ki ithung hrang chu hi hi a ni. An milung sûnga ki dânhai sia ki ta, An lungrîla irziak sa ki ti. Keima an Pathian ni ki ta, Annihai kha ki mihai ni an ti.

THUPHUANG 21:3

Rengtoihmuna irthokin hnukirhai inringtakin, “Atûn chu Pathian in kha mihriamhai laia a zuang om ta! Ama chu an kuang om a ta, anni chu a mihai ni an ti. Pathian ngei kha an kuang om a ta, an Pathian ni a ti.