JEREMIA 30:21 - PATHIAN LEKHABU IRTHIANG C.L. Bible (BSI)

²¹ A mi laia mi ngêt hruaitu’n nei an ta, an lai ata roirêltu hong suak an ta, anni chu ni hong nâi hrangin koihai ki ti. Khanchu ni hong nâi an ta, koi loiin tu mo ni hong nâi ngam hrang? ti hi Rengpa thu suak a ni.

JEREMIA 30:21 ပူးပေါင်းရင်းမြစ်များ

IRPHUTNA 18:27

Khan Abrahama’n, “Rengpa keima pilpoka siam hin nang ki chongpui thei tâkin te,

IRPHUTNA 18:30

Khan Abrahama’n, “O Rengpa ni ning chu inmur no ro, nang la’rdon nôk rong: sômthum vai an omin te,” a tia. Khan ama’n, “Sômthum vai an om khomin thathai no ning,” a tia.

IRPHUTNA 18:32

Khan ama’n, “O Rengpa ni ning chu inmur no ro, voikhat vai nang irdon nôk ki ti, sômkhat vai an niin te,” a tia. Khan, ama’n chu, “Sômkhat vai anni khomin thathai no ning,” a tia.

IRPHUTNA 49:10

Reng khianghrol chu Juda kuang ata irsam no nia; roirêltu khianghrol khom a ke kâr ata irsam no ni. Nam tinin ama thu la zôm an ti.

2 SAMUELA 7:13

Ama khan keima tempil sintu chu ni a ti, a ram rêngtoihmun chu kumtuanga hrangin indettir ki ti.

EZRA 2:2

Hihai hi Zerubabela, Jesua, Nehemia, Seraia, Reelaia, Mordekaia, Bilsana, Mispara, Bigvaia, Rehuma, le Baasa hai an ni. Israel mi pasal sa tam lam chu:

NEHEMIA 7:2

ki urênghai Hanania le Kul irsâng hruaitu Hanania chu Jerusalem kin optira: mi iamom tak, Pathian chi mi a nia.

INPÂKNA HLAHAI 65:4

Mi, ni biak in hual sûng kholaihaia om thei hranga, Ni thâna nangma tianga ni inpantir kha, a vân a sa: Ni in satna khan khop kin ti, Ni biak in hmun irthiang satna khan.

INPÂKNA HLAHAI 89:29

A chi thâkhai kha kumkhua’n inomtir ki ta, A rêngtoihmun chu irvân om sûng ni dênin inomtir sa ki ti.

FESUAKNA 3:5

Hong nâi no ro; ni kea kekok kha khek ro, ni ngîrna hmun kha hmun irthiang kêng a ni,” a tia.

ISAIA 63:1

Tu moh Edom khopui, Bozra khua ata puan sen vung sil a hong so? roiinpui takin a’rvoa, a hong vut vut so. “Keima ki ni, saninhringtu roiinpui, ki inhnê tâk thu ki inpuang a ni”.

JEREMIA 30:9

an Pathian Rengpa le an rêng hrangin indingtir ki ti, Davida irchi laia mihai sin chu tho ta an ti.

JEREMIA 33:15

Kha tena chu Davida irchi fel tak kha rêng hrangin inthang ki ta, kha rêng khan a ram pumpui huapin a dikna le felna chu insua a ti.

JEREMIA 49:19

Kâmkeibaknei rampui sêt tak ata Jordan dung hong zui sûlhringna hmuna hong angin hong a ta, Edom mihai chu an ram ata inrang takin irzûlpaihai ki ti. Khanchu hruaitu ki inthang khan nam chunga khan roirêl a ti. Keima le irkhi thei tu mo om? Tu mo ni doi ngam hrang? Tu roirêltu mo ni doi thei hrang?

JEREMIA 50:44

“Kâmkeibaknei rampui sêt ata Jordan dung hong zuia sûlhring hmun dêna hong angin, keima Rengpa hi hong ki ta, Babulon-hai chu inrang takin an khopui ata inhnotsuakhai ki ti. Khanchu hruaitu ki inthang khan nam chunga roirêl a ti. Keima le ni hrilirkhi thei tu mo om? Tu mo a ni sêl ngam hrang? Tu roirêltu’n mo ni sêl ngam hrang?

EZEKIELA 37:24

Reng ki sinthotu Davida ang khan an rêngin om an ta, an rêngin roirêltu inkhat hnuaia inthurual takin om an ta, khanchu iamom takin ki dânhai chu zôm an ti.

HOSEA 1:11

Khan, Juda nâihai le Israel nâihai kha pung khôm an ta, an lu hrang inkung an ta, kha rama irthokin hong fe an ta, kha rama irthokin hong fe an ta, Jezreel nikhua kha a iroiinpui hrang a ni.

NAMBAR 16:40

Kha kha Israelhai ta hranga irsinsiana a nia, Arona irchihai ti bana chu mi danghaiin maichâma Rengpa ta hranga mirimhoi hâl hrangin an ihong hrang ni mah. khano’nchu Kora le a mihai ang khan inboipai ni an ti. Rengpa’n Mosia hmanga thu a ipêk lam ang takin Eliazara’n a tho tâka.

NAMBAR 16:5

Kora le a pâlhai kuang khan, “Nangtûk zîng Rengpa’n ama tahai chu ni’rhmutir a ti; ama tahai le a inthanghai chu maichâm bula ama hong nâi hrangin koihai a ti.

MATHAIA 2:2

“Khôn mo Judahai rêng hranga nâi zuang suak kha? Nisua tianga a ârsi kin hmua, ama, chubai mûk hrangin kin ihong a ni,” an tia.

MATHAIA 27:37

A lu chunga an sêlna irziak, “Hi mi hi Jisua, Judahai Reng a ni,” tiin an inkhopa.

MATHAIA 3:17

Irngai ta, irvân ata hnuk irhâiin, “Hi hi ki nâipa, lungthung tak chu a ni, a chunga ki lôm tak tak,” a tia.

LUKA 24:26

Krista’n kha thil kha tuangin a roiinpuinaa a lût hrang mo ni ma?” a tia.

TÎRTÔNHAI SINTHO 5:31

Israelhai sual irlettira ngaidam an ni theina hrangin. Ama ngei kha Pathianin rêng le saninhringtu ni hrangin a chang tiang a chôiindôm ta.

ROM KHUAA MIHAI KUANGA TÎRTÔN PAULA LEKHATHON 8:34

Tu’n mo thiamno inchangtir hrang? Krista Jisua mo? Ama chu ei ta hrangin a ithi vai ni loiin a thoi nôka, Pa Pathian chang tiang omin ni chong petu kha chu ama dên kêng a ini.

DÂN INHNINA 17:15

Nin rêng hrang chu Rengpa, nin Pathian inthang ngêt ni ri se; nangni mi a ini ngêt hrang a ni; nam dang chu nin rêngin siam no roi.

DÂN INHNINA 18:18

an laia mi ngêt deipu nangni inkung pe ki ta, an kuang insîr hrang hril ki ta, ki thupêk ang kha nangni hril irzôt a ti.

DÂN INHNINA 33:5

Rengpa kha a mi Israelhai rêng a nia, nam hruaituhai le Israel pungkhômhai chunga khan an lala.

HEBRAI toc2 HEBRAI 1:3

Ama chu a Pathian roiinpuina vâr le, a tak angpui ngei le, ama sinthotheina thua itinrêng indingtu neiin, sualhai a’rthiangtir hnungin chung tianga Roiinpuitak chang tianga khin a hong toi ta.

1 JOHANA 2:2

Krista kha ei sual ngaidamna a ni, eini sual vai ni loiin rammuala mi murdi sual ngaidamna khom a ni.

THUPHUANG 19:16

A puan le a malpuia khan, “Renghai Reng le Hruaituhai Hruaitu,” tia irhming irziak a om.