JEREMIA 30:19 - PATHIAN LEKHABU IRTHIANG C.L. Bible (BSI)

¹⁹ Kha hmun ata kha lômthu hrilna le raifânna irhâi hong suak a ta, ama chu inpungtir ki ta, hek thei ual ta no nia, roiinpuitir ki ta, nâiinpang no nihai.

JEREMIA 30:19 ပူးပေါင်းရင်းမြစ်များ

EZRA 6:22

chol koploi bai kût chu lôm takin sûn sari an hmanga: Rengpa’n anni kha an lômtirhaia, Pathian, Israelhai Pathian in sinna hrangin an kuthai inhrâttir hrangin Assuria rêng lungrîl chu anni tiang a irheitir a ni.

NEHEMIA 8:12

Khanchu a thu hrilfia kha an inhriat thei sikin mipuihai kha fâk hrang le in hrang, mihai thon hrang le raifân taka omin an chîn thei ta.

NEHEMIA 8:17

Sala zôk irbukhaiin ngam hmun an sina, kha hmuna khan an oma; Nuna nâipa Jesua zoro rengata, kha nî sûn dênin Israel irchihai khan khaang khan tho ual ngai mahaia. Khanchu lômna liantak a hong ni pehaia.

INPÂKNA HLAHAI 53:6

Israelhai saninhringna chu Zion ata zuang suak sianlân chu o! Pathian chu a mihai suaka an iom kha a hruai kîr nôk tika, Kha tika chu Jakoba-hai kha an raifân a ta, Israelhai lôm an ti.

ISAIA 12:1

Kha ni tena chu hiang hin ti ni ti: “O Rengpa, nang kin pâk, ki chunga hin ni ning an mura, Khannisian ni ningmur insum mak chea, Irtharngam ni ni saka.

ISAIA 26:15

Rengpa’n ei nam a nin pungtira, a nin liantira, ei omna ramri a ni’rzatir pea, nangma chôiindômin ni iom a ni ta.

ISAIA 27:6

Itika mani chu, Jakoba irchihai hin irzung la tha nôk ngêt an ti, Israel chu incherin hong pâr nôk a tih. Irnêng chung hi an ra la sip a ti.

ISAIA 35:10

Rengpa irtanhai hong kîr an ta, zâipumin Zion pan an ta kumtuang lômna changin om an ti. Râifân lômin sip an ta, beidong le chapna om ta no ni.

ISAIA 51:11

Rengpa irtanhai chu hong an ta, Hla sakpumin Zion tâng hong tung an ta, Kumtuanga lômna khum an ta, raifân le lômna’n sip an ta, beidong irtha’nvâi om ta no ni.

ISAIA 51:3

Rengpa’n Zion khua chu lung a thunga, A khua chîn sûnga omhai irtharngam a sakhaia; a ram ite sa thei ta loihai khom, Eden irhuan angin siam a ta, a ram siat tâk chu Rengpa’n irhuan inchangtir a ti. Kha khan râifânna le lômna om a ta, lômthu hrilin inpâkna hla sak an ti.

ISAIA 52:9

Jerusalem kho chîntea omhaio, raifân takin khêk unglân; Rengpa’n a mihai chu lungngam sakin, Jerusalem chu ar tan ta.

ISAIA 55:5

Ni inhriat ngai loi nam chu ni nuam lam takin koi ni ta, nang a lan hriat ngai loihaiin chu nang hor bel nuam mai an ti. Israel mi irthiangin kha kha tho a ta, nang chôiindôm a ti.

ISAIA 60:19

Sûna misa chu ni vârna ni ta no nia, Zâna tha khom ni meiser ni no nia, Rengpa kha kumtuanga vâr nang ni pe ta a ti, Pathian roiinpuina khan nan vârtir pe ta a ti.

ISAIA 60:22

An nam laia a chîn le tômtak chu nam roiinpui tak la ni an ti. Keima Rengpa hin a zoro taka tho lat ki ti.

ISAIA 60:9

Ramchârna hmun hlatak ata hong an nia, Tarsis-a irkuanghaiin an hong hruaihaia, ram hlatak ata ni nâihaiin rângachakhai an hong chôia, Rengpa ni Pathian irhming chôiindôm hrang le Israel mi irthiang chôiindôm hrangin, ni mihai chu nam tin mithmuin Rengpa’n a chôiindôm ta.

JEREMIA 17:26

Judahai ram kho sûng ata le Jerusalem vêla khua chînhai ata hong an ta, Benjamina ram hual ata, tâng hnuai ata, tâng sîphai ata, sim tiang Judai rama irthokin mi hong an ti. Ki tempila hâlirvôm thilpêk le irbôlnahai, buvûi thilpêk le mirimhoi hai, khakhêla, lômthu hrilna thilpêk khom hong chôi sa an ti.

JEREMIA 3:16

Kha rama khan nin hong pung tena chu, mihaiin ki Thuthung Bôm chungchâng thu sâm ta no nihaia, ngaitua lua ngaitua ta no nihai, an hriat lua inhre ta no nihai; a nang khom nang ta loi, a dang khom siam ual ta no nihai.

JEREMIA 31:27

Irngai ro, sûn a hong itung hrang tâk kêng, Israel in sûngkuahai le Juda in sûngkuahai laia mihriam le sa inpungtirhai ki tah ti hi Rengpa thu suak a ni.

JEREMIA 31:4

O dôngmate Israel, nan ding inthartir nôk ki ti. Nin khuanghai lâkin raifân taka lâm hrangin suak nin ti.

JEREMIA 33:22

A ni zui Davida irchihai le Levi nam ata ochaihai chu ki inpunghai hrang a ni. Irvâna ârsihai mo, tuipui kôla chiaihai khom tep zoi loi an ini angin, anni khom an ni theina hrangin,” a tia.

EZEKIELA 36:37

Khan Rengpa Pathianin hiang hin a hrila, “Israelhai chu ki kuanga changpuina zong hrangin voikhat chu siamhai nôk ki ta, khanchu belra pâlhai angin inpungtirhai ki ti.

EZEKIELA 37:10

Khanchu thupêka ki iom ang khan thu chu ki hril tâka, khanchu phûk kha an taksa sûnga khan a lûta, khanchu hong hringin an ngîr tâka.

EZEKIELA 37:26

Kumtuanga lungthi taka an om theina hrangin anni leh thuthung siam ki ta, khataka khan phunhai ki ta, inpunghai ki ta, ki biakbuk chu an rama sia ki ta, khataka khan kumtuangin om ta a ti.

ZAKARIA 10:8

Ki mihai chu koihai ki ta, an rêngin bûmhai ki ti. Anni chu saninzôkhai ki ta, pung hranga hrila an iom angin, tamtakin lan punghai ki ti.

ZAKARIA 12:8

Kha tena chu Rengpa’n Jerusalema omhai chu hrunghai a ta, an laia hrât loi tak khom Davida angin la hrât a ti. Khanchu Rengpa vântirtôn, Pathian ang dên khan, Davida irchi suanpâra mihaiin anni chu la hruaihai an ti.

ZAKARIA 2:4

a kuang, “Intânin lân, hi ruatharte kuang hin, “Jerusalem hi a mi tam sik le sapâl tam sikin khua inhrukna nei loi anga luan a iom hrang a ni.

ZAKARIA 8:19

“Juda mihai ta hrangin tha minlinaa le, tha ringanaa le, tha sarinaa le tha sômnaa bungheina hi lômna le râifânna kût ni a ta, khasikin dikna le irngeina hi irngaiinnat roi,” tiin.

JOHANA 17:22

Nangin roiinpuina ni ni ipêk kha kei khomin ki pêkhai ta, pumkhat an ni theina hrangin pumkhat ei ni ang dênin.

1 PETERA toc2 1 PETERA 1:7

Nin iamna fiana hrang a ni, rângachak siat thei lua meia fia a nia, kha nêka hlu ual, nin iamna chu, fia hrang pial kêng; khanchu Jisua Krista a zuang inlâr tika inpâkna hai, roiinpuina hai, chôiindômna hai, hlo nin ti.