JEREMIA 30:18 - PATHIAN LEKHABU IRTHIANG C.L. Bible (BSI)

¹⁸ Rengpa’n hiang hin a ti, “Irngai ro, Jakoba-hai ram chu inding inthar nôk ki ta, a omna hmun chu irngaiirsâng ki ta, khopui lei ram tâk kha siam insa nôk ki ti. Reng inhai khom a hmun ngêta inding nôk a ti.

JEREMIA 30:18 ပူးပေါင်းရင်းမြစ်များ

1 THURCHI SUINA 29:1

Reng Davida’n irbukkhômhai laia, “Ki nâipa Solomona hi Pathian inthang mi a nia, khannisian, a la nâiinpang hraia, a sia le sa lan hriat infel maka. Sin tho hrang lak a tama, a isin hrang lak hi mihriam in ni maka, Rengpa Pathian in a ni.

1 THURCHI SUINA 29:19

Ki nâipa Solomona hi, ni thupêk irzuk taka a zôm theina hrangin hrungin lân, ni tempila hmangrua ki ilâk pehai hi, a sin zoi theina hrangin changpui mai ro,” a tia.

NEHEMIA 7:4

Khua kha a lianin a’rzat oka; khannisian mihriam omhai chu tômte an nia, inhai khom la sin loi ang a nia.

INPÂKNA HLAHAI 102:13

Thoi ni ta, Zion tâng chu lunginkham ni ti: Ama chu lungkham zoro a ni tâka, a ni, zoro inkung chu a tung tâka.

INPÂKNA HLAHAI 102:14

Ni siahlohai khan a lunghai kha an irngaiinhlua, A vâiphin khom lung an inkhama.

INPÂKNA HLAHAI 122:7

Ni kul sûnghaia khan irngeina om sianlân, Ni rêng inhaia khan hoina om ri se,” tiin.

INPÂKNA HLAHAI 48:13

A kulpuihai kha irsinsia unglân, A rêng inhai kha ngaitua roi; Thoiinthar hong om nôkhai kuang nin hril theina hrangin.

INPÂKNA HLAHAI 48:3

A rêng inhaia khan Pathianin kulpui irsâng a nih an hriattira.

INPÂKNA HLAHAI 78:69

A in irthiang chu irvân irsânghai ang khin a sina, Kumkhuaa hrangin an dettir irnêng ang hin.

INPÂKNA HLAHAI 85:1

Rengpa, ni ram chunga hin ni lôma: Jakoba-hai, suaka an iom chu ni hruai kîr nôk tâka.

ISAIA 44:26

ki siahlohai thu kin detpuihaia, ki tîrtônhai iti hlo kin chuk pehai ngai. Jerusalem khua chu lua nôk an ta, Judai rama khuahai khom inding nôk an ti, a siathai khom siaminsa nôk ki ta,” ki tia.

ISAIA 44:28

Kura kuanga khan, “Ki belra enkoltu ni ni, ki thiltum chu hlo nin chuk pe ro, Jerusalem siaminsa nôk sianlân, Tempil sinna hrang lung inphûmtir ro,” ki ti saa.

JEREMIA 23:3

A la om sunhai ki inthekindartirna ram ata bûmhai nôk ki ta, an ram ngêta hong hruaihai nôk ki ti. Nâi le tê tamtak hong nei an ta, an ipung hrang a ni.

JEREMIA 29:11

Keima vaiin nin ta hranga thil tum kin hriata, vânduaina irkhêl ni loia vângsak theina nangni intungtir pe hranga thil tumhai, nin itûng tak nin matona a la zuang hranga nin thiltumhai chu.

JEREMIA 29:14

a dik ki iti a ni, ni hmu nin ta, nin rama khan nangni inomtir nôk ki ti. Ram tina irthokin le nangni kin thekindarna hmun tina irthokin nangni bûm nôk ki ta, sala intâng hranga nangni ki lei inhnotsuakna rama ngêt khan nangni hruai kîr nôk ki ti. Keima Rengpa’n ki iti a ni,’ tiin.

JEREMIA 30:3

Irngai ro, sûnhai a hong nâi ta, ti hi Rengpa thu suak a ni. Ki mi Israelhai le Judahai chu an sal intângna ata insuaktirhai ki ta, an puhai kuanga ki ipêkna rama khan hruaihai nôk ki ti, khanchu ram kha lua an ta,” tiin.

JEREMIA 31:23

Itinrêng thothei Rengpa Israelhai Pathianin hiang hin a ti, “An sal intângna ata ki hruai kîrhai nôk tena chu Judai ram le a khopuihai ata chu hianga chongbâi hi hmang an ti, ‘O mi dikhai omna hmun, o tâng irthiang, Rengpa’n sat nang vur ri se,’ tiin.

JEREMIA 31:38

Khan Rengpa’n, “Irngai ro, sûnhai a hong nâi ta, Hananela in irsâng ata kul kil lampui kôl dênin khopui chu Rengpa ta hrangin indingthar ni a ta, ti hi Rengpa thu suak a ni.

JEREMIA 31:4

O dôngmate Israel, nan ding inthartir nôk ki ti. Nin khuanghai lâkin raifân taka lâm hrangin suak nin ti.

JEREMIA 31:40

Mithi phûmna le sahrok paina phâi pumpui le a kôlvêla ram pumpui Kidron vadung dênin, nisua tianga sakor lampui kil dênin Rengpa hranga indang a ni. Kha khopui kha chu itiklai khomin indarh le insiat ni ta no ni,” a tia.

JEREMIA 32:15

Rengpa, itinrêng thothei, Israelhai Pathianin a iti chu, inhai, loihai le grep irhuanhai chu hi rama hin irchôk la ni nôk a ti,” a tia.

JEREMIA 32:44

Mi’n ircho an ta, irchôkna lekhahai siam an ta; irmantir an ta, an hriatpuitu om an ti. Benjamina ram huala Jerusalem kôlvêla khuahai, Judai ram khopuihaia, tâng kôlhaia le Judai ram sim tiang, hi hi a itung hrang chu a ni. Mihai chu an rama siam insa pehai nôk ki ti. Keima Rengpa’n ki iti a ni,” a tia.

JEREMIA 33:11

raifânna le lômna khêk irhâihai le irneina hruaithe lômna irhâihai chu lan hre nôk nin ti. Mipuihai chu lômthu hrilna irbôlnahai ki biakbuka hong chôia, hi hla hi an sak lan hria nin ti. ‘Sipaihai Rengpa kuang lômthu hril roi, ama chu a saa, a lungkhamna chu kumkhontuangin a om hrang a ni sikin,’ ti hi. Hi ram hi matona tuanintung taka a iom ang khan siam nôk ki ti, kei Rengpa hin ki iti a ni,” a tia.

JEREMIA 33:7

Juda le Israel chu tuanintungin siamhai ki ta, matona an iom ang khan indinghai nôk ki ti.

JEREMIA 46:27

Ki mihai chi viat roi, Israel mihai nin thâiindôptir no roi. Ram hlataka irthokin, mi intânghai nin inina rama irthokin nangni sansua ki ti. In tiang hong nôk nin ta, irtharngam takin om nin ta; zôkriam nin ta, tûte’n irtha’nvâiin nangni sia ta no nihai.

JEREMIA 49:39

Khan, zoro la hong hranga chu Elama ngîrhmun siam insa nôk ki ti. Keima Rengpa’n ki iti a ni,” a tia.

JEREMIA 49:6

“Khan zoro la hong hranga chu Amon ngîrhmun siaminsa nôk ki ti. Keima Rengpa’n ki iti a ni,” a tia.

EZEKIELA 36:11

Mihriam le sahai nangni inpungtir ki ta, tiana nêkin tamtak hong ni ta nin ti; nâi le tehai khom tamtak nei sa nin ti. Tiana nin lei iom ngai ang khan, nangni inomtir nôk ki ta, matona nêkin tuanintungin nangni siam ki ti. Khanchu Rengpa chu ki nih ti inhre ta nin ti.

AMOSA 9:14

Khan, ki mi Israelhai kha sal ata hruai kîr nôk ki ta; khan, kho ram tâkhai kha siam nôk an ta, lua an ta. Khan, grep irhuanhai siam an ta, a uain kha in an ta: irhuanhai khom siam an ta, a ra kha fa an ti.

ZAKARIA 1:12

Khataka Rengpa vântîrtôn khan a sâma, “O sipaihai Rengpa, Jerusalem le Juda khopui chunga, hi kum sômsari ni ninginmurnahai hi i dôr ten mo lung ni inkham loi hrang?” a tia.

ZAKARIA 1:16

Khasikin Rengpa khan hiang hin a iti a ni: za’rngaina le Jerusalem tiang ki’rhei lai a nia, kha khan ki in kha sin a nia, ti hi Sipaihai Rengpa thu suak a ni: khan, Jerusalem chunga khan irkhîna khianghrol kaiinding ni a ti.

ZAKARIA 12:6

Kha tena chu Juda namhai chu ram kâra mei angin le, loia bu hmun laia mei angin siamhai ki ta, an kôlvêla namhai chu lan boipaihai ving an ti. Jerusalema mihai chu khopui sûnga khan lungthi takin om an ti.

ZAKARIA 12:7

Juda sipaihai chu kei Rengpa ngei hin inhnêna pehai masa ki ta, khanchu Davida irchi suanpârhai leh Jerusalema mihaiin roiinpuina an idong hrang kha Judahaiin an idong hrang nêk khan roiinpui bîk no ni.

ZAKARIA 14:10

Khan ram murdi, hmâr tianga Geba ata sim tiang Rimon dênin inchamtir nih a ti. Jerusalem chu a kôlvêla ramhai chunga tôt a ta, khopui chu Benjamina mikot ata a kila mikot ten, inmâna mikot omna hmun le, Hananela in irsâng ata kha rêng uain sômna khur ten kha phâk a ti.