JEREMIA 30:17 - PATHIAN LEKHABU IRTHIANG C.L. Bible (BSI)

¹⁷ Nang indamtir nôk ki ta, ni sâbehai khom indamtir ki tah ti hi Rengpa thu suak a ni. ‘Mâksan tûte irngaipoimo loi Zion,’ nang an ti sikin,” a tia.

JEREMIA 30:17 ပူးပေါင်းရင်းမြစ်များ

INPÂKNA HLAHAI 107:20

A thu kha a tîr suaka, anni chu an damtir ngaia, An irhmangna hranghaia a saninzôk ngai.

JEREMIA 33:6

Khannisian hi khopui le a mihai chu indam nôk ki ti, hrisêl takin sehai nôk ki ta, khanchu an kuang thudik le irtharngamna tamtak chu inlangtir sa ki ti.

1 PETERA toc2 1 PETERA 2:24

Sual thisana felna neia ei hring theina hrangin, Krista ngêtin a taksa’n Krosa khan ei sualhai a pêla, ama zêmna irdulhai khan indam nin ni ta.

INPÂKNA HLAHAI 103:3

Ama khan ni pualoina murdi nang a ngaidam hena; Ni natna murdi nang an dam ngaia;

FESUAKNA 15:26

“Rengpa ni Pathian hnuk irhâi kha ngûk takin irngaiin lân, a mit hmua a sa a iti murdi ni sina, ni pomin chu Aigupta mihai chunga hri ki inlêngtir ang khan ni chunga inlêngtir no ning. Keima hi Rengpa nang an damtirtu ki ni,” a tia.

INPÂKNA HLAHAI 23:3

Ki hringna hi a ni siaminsat ngai, Ama irhming sikin felna lampuihaia a ni hruai ngai.

HOSEA 6:1

Thoi, Rengpa kuanga khan kîr ta ei ti; a ni lei inpopchit tâk nâkin, a ni indamtir nôk hrang a ni, a ni lei zêm tâka chu, a ni ituam nôk hrang a ni.

MALAKIA 4:2

Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

EZEKIELA 34:16

A lei irhmang tâkhai chu zonghai ki ta, a rothai khom hruai kîrhai ki ta, a pop a liamhai khom tuam pehai ki ta, dam loia omhai chu indamtirhai ki ti. Khannisian a dam le a marhai chu inboipaihai ki ti, thil dik tho ngai belrapu chu ki ni sikin.

THUPHUANG 22:2

Khopui kholai inlaina taka a luanga. Khan, muang kiang tiang, kiang tianga hringna thing, thatin voikhat, a kuma voi sômhleihni ra a oma; kha thing hnahai kha nam tin damna a ni.

ISAIA 30:26

A mihai sâbe tuam pehai a ta, an popnahai a dam zoi tena chu, tha khi misa nêkin vâr a ta, misa khom vâr irkhêlin hapta khat vâr irthûl sûn khatin vâr hrât a ti.

JEREMIA 30:13

Nang changpui hrang om mahaia, ni damna hrangin hloi om ual mah.

JEREMIA 8:22

Gilead thinghnâi hloi a iom ta loi ma ni? Kha khan nin damtir thei an iom loi mo? Khaang khan a ni’n teh itho mo ki mihai indamin an iom loi?

JEREMIA 3:22

Rengpa hnung song sanhai murdi, nin rêngin hong kîr nôk ving roi; nangni len damtir a ta, iamomin nangni siam a ti. Nangni’n, “A dik Rengpa tianga kin ihong hi, Ama kha kin Pathian a ni sikin.

INPÂKNA HLAHAI 12:5

Rengpa khan, “Inrianghai sirbea an om sik le, invâihai inrûm sikin thoi zôi ki ti.

ISAIA 11:12

Nam tinrênghai mithmua irsinsiana târsuak a ta, Israel an inhnotsuakhai le Juda a rothai khom kôlkil minli ata hruai suakhai a ti.

JEREMIA 33:24

“Mihaiin ki inthang, in sûngkua inhnihai Israel le Juda ki ihnôlhai ang khan an lei insîr hi nin hriat ngai mo? Khasikin ki mihai chu hmûsit takin an ni ena, nam ang khomin an ni ibe loi a ni.

EZEKIELA 35:12

Khanchu insiatin an om tâka, ei involpaihai theina hrangin ei kuang pêkin an iom tâk a ni hi, tia Israel tâng chunghaia thu lei hrila, anni lei idemna murdihai kha kei Rengpa hin ki inhriat ving a nih ti inhre ta ni ti.

EZEKIELA 36:20

An fena hmun tina, ki’rhming irthiang chu an porinchetira, a san chu mihaiin, ‘Hihai hi Rengpa mihai chu an nia, a ram ata rothai chu an ni,’ an ti ngai sika hin.

CHAP HLA 2:15

O, Jerusalem ni kôla fehaiin chu, kut inbênin nang an êsêla; an luheiin, hi hi mo khua hoitak an iti, rammualin a isong kha! an tia.

INPÂKNA HLAHAI 142:4

Ki kôl vêl ki ena, Tûte ni changpui hrang lak hmu ma ung, Ni saninzôk hrang om ta maka; Tûte rêng rêngin ki hringna hi ngaisak ta mahai.

ISAIA 33:24

Kho sûnga omhai khomin, “Dam ma unga” ti ngai no nihai, an sualhai ngaidam ni an ti.

ISAIA 56:8

Irthekindarh Israelhai hruai khôm nôktu Rengpa pathian thusuakin hiang hin a ti: a danghai khom la hruai khômhai mai ki ti.

ISAIA 58:8

“Khanchu, zîng vâr angin vâr nin ta, nin natnahai chu dam lat a ti. Rengpa, mi dikin nangni hruai a ta, a roiinpuina khan nin hnung tiang ilhli a ti.

ISAIA 60:15

Nang en nuam loiin, nang an rotsana, Tûte’n nang pan nuam ta mahai. Keima hin kho hoitak nan changtir ki ti. Kumtuanga râifânna hmunin nang siam ki ti.

JEREMIA 17:14

Rengpa, nin damtirin lân chu dam ving ki ti, ni sanin lân, zôk ving ta ki ti. Nangma vai nang ki inpâk ngai ni ni.

HOSEA 11:3

Keima rêkin chu Efraima kha ki kuta kalchôi dân ki’rchûtira, anni kha ki inthotir a nih ti rêk chu inhre mahai.

JOBA 5:18

Pathianin a inphophai kha a tuam nôka; a kuta a innatirhai kha an damhai nôk ngai.

ISAIA 54:6

A thoibopa pasal neia, a pasal indit nôk ta loi, lungrîl na tuang ang hi ni ni; khannisian Rengpa’n nang koi nôk a ti.

ISAIA 57:18

An omdân chu kin hriat vinga, khannisian an natnahai indam pehai ki ta, hruaihai ki ta, sanhai mai ki ti, lusûn tuanghai irtharngam sakhai ki ti.

ISAIA 57:19

Ram tin tâng tin hrangin irngeina, irngeina, ki mihai chu indamtirhai ki ti. Rengpa bâiin a ti.

JEREMIA 10:20

Ei puan inhai chu an siata, a detna hranga hrui khom a chat zoi ta. Ei mihai an rot zoi tâka, ei puan inhai inding hrang le a puanhai kaiphar hrangin tûte om ta mahai,” an tia.