JEREMIA 30:14 - PATHIAN LEKHABU IRTHIANG C.L. Bible (BSI)

¹⁴ Nangma tianga om ngaihaiin nang an irnghil tâka. Nang insâp ta mahai. Râl angin ni pop zoi tâka, inren viat loiin nang ki ihrem a ni. Ni sualna le nin sininsiatna a na hrai sikin.

JEREMIA 30:14 ပူးပေါင်းရင်းမြစ်များ

CHAP HLA 1:2

Zâna khom chap khovârin, A bianga mitrithi irte don don a luanga. Ama irngaiirsânga lungkhamtu dang nei loiin a rualhai huangin, a râl an chang zoi ta.

JEREMIA 5:6

Khasika khan kêng rampui kâra kâmkeibakneiin thathai a ta, ramchâra irthoka inêhaiin sânphorhai neng an ti. Keiârsihai khom an kho sûnga lût an ta, Tual an suaka niin chu, sânphor ni an ti. An sualhai a tam hrai sikin, zoro tina Pathian hnung an songsan ngai sikin.

JOBA 30:21

Keima iti ite bê’n ni bê ta mak chea, Irdîn viat loiin ni ni soisaka.

JEREMIA 22:20

Jerusalem mihai Lebanon tânga lui unglân, pâi unglân, Basan rama fe unglân khêk rak ta roi; Abarim ata chap suak roi. Nin irrualpuihai chu an dok tâk sikin.

JEREMIA 30:15

Ni popna hin imo ni ichiar? Ni natna hi indam lik zât ni ma; ni dik loina a tama, thil tamtak ni tho insual sikin. Hi thil hi ni chunga ki itho a ni.

JEREMIA 22:22

Nin hruaituhai chu phâivua isêm irhmang angin an om tâka. Nin inrualpuihai chu irdoina hmuna chelhai an ti, nin khopui chu mualphoia inzak taka siam ni a ti. Sual sin nin ithohai sika hin.

JEREMIA 4:30

Jerusalem a siatchit ni ni ta! i lo hrang mo puan seninlâr leh ni la irvo mai? I lo hrang mo lunghlu angin ni mit ni la induktir mai kha? A’rfêna boia enhoia ni irsiampai kêng a ni! Ni indithai khan nang an hnôla, Nang that kêng an itum tâk.

JEREMIA 2:36

Nam dang pathianhai tiang ni’rnghat tâk sikin, ni hlutna ni inboitir ok a ni ta. Assuria ni’rhnêla nin imualinphoi ang khan. Aigupta chunga ni’rnghat khomin mualinphoi nôk ni ti.

JOBA 19:11

Ki chunga a ningmurna a chuma, a râlhai laia tep ki ni ta.

HOSEA 5:14

Efraima hrangin chu kâmkeibaknei ang, Juda hrangin chu kâmkeibaknei vânglai ang ki ini hrang a nia; keima, keima ngeiin kaithêr ki ta, fe ki ta, rotpui ki ta, sansuaktu tûte om no nihai.

HOSEA 2:5

An nu khan noti a zuar ngaia, anni invongtu kha inzakom takin a om: ki bu hai, ki tui hai, ki samul hai, ki pat hai, ki sahriakhai le ki in hranghai ni pêktu, ki irditpuihai irzûl ki ti, a iti a ni.

EZEKIELA 23:22

“Khasikin Oholiba, kei Rengpa Pathianin hiang hin nang ki ti. Kha ni irditpuihai kha ni hnônghai tâka, khannisian ni chunga an ninginmurtirhai ki ta, nang irhual hrangin zuang tuanghai ki ti.

EZEKIELA 23:9

Khasikin ama chu a irditpui Assuria mihai kuta ki pêksuak tâka.

CHAP HLA 1:19

Lung ni lei thunghai ngai ki koihai lakin, An ni lei ihuang chian kêng a ni duah, Ki kôla fâk hrang an zong lai khan chu, Ochaihai le ulianhai fâk hmu loiin an ithi zoi hrang kêng tiin.

JEREMIA 38:22

Kha inlârna khan Babulon ram sipai ulianhai kuang nupanghai an rêngin, rêng in ata an hruaihai lai ki ihmu a ni. An suak lai taka an iti chu irngai roh: ‘Reng a rual satakhaiin ama kha an hruai insuala, an thuhnuaia an sia tâka. Atûn dialdôka a ke an ôk pe tena chu, a rualhaiin an mâk tâka,’ an tih” tiin.

JEREMIA 6:23

An phohai le khandaihai a inlang thiai a ni tâka, mi nunter le khonza nei loi an ni. Tuipui irhâi angin sakora an chuanga, an intân irhâi chu a ni. Jerusalem doi hrangin an irsiam diam a ni ta,” a tia.

JOBA 16:9

Ni ningmurna’n ni nin potthêra, ni en nuam mak chea, Ni ha ni ni rial khuma, a ni doituhaiin ni en nuam mahaia.

INPÂKNA HLAHAI 107:17

Mi invêthai kha an tho’nchâina sik le, An pualoinahai sikin deng an thei ngai.

ISAIA 57:13

Kamang takin ni khêk tena ni ilâk hluk millimhai khan nang don ri sehai, phâivua’n sêm a ta, sêm inzuanhai zoi a ti. Keima nir bêltuhaiin chu ram hi roiinpuiin lua an ti, ki tâng irthiang khom chang sa an ti.

JEREMIA 14:17

Khanchu Rengpa’n ki chardongna chu mipuihai kuanga hianga hril hrang hin a ni hrila: “A sûn a zânin ki mitrithi luang mai sianlân, ki chap hi mong no inlân, ki mihaiin intakna popliam an tong tâka an na hrai tâk sikin.

JEREMIA 32:30

Israel mihai le Juda mihai chu an thurchi hor phutna ata an sintho khan ki milung hoi loiin ki ning an inmurtir ngai a ni.

JEREMIA 44:22

A vuan sûn ten hin ni ram chu inramin a la oma, a sûnga tûte la om mahai. En intak tak a hong nia, mihaiin a’rhming chu khomâksâmnain an hmanga, Rengpa’n nin pualoina le tho’nsualnahai kha a tuangdiar ta no sikin.

JEREMIA 50:42

An thalhai le khandaihai chôia; nunter le khonzâna nei loi an ni. An irhâi chu tuipui irsok irhâi inring ang kha a nia, an sakorhai chunga an hong chuang lai khan Babulon ram doi hrangin an irsiam diam tâk a ni.

OBADIA 1:7

Nangma tianga kophai murdi’n ramri dênin nang an hong intunga; mi irngei taka ni iompuihai khan nang an hmanga, nang an inhnê tâk a ni! ni bai fâktuhai khan ni hnuaia châng an kama; amaa khan inhriat thiamna zel a iom loi a ni.

JEREMIA 5:5

Mi lianhai kuang fe ki ta, anni chu va chongpuihai ki ti. An Pathianin a innang chu imo a ini. Rengpa’n imo an itho hranga a inuam chu inhre ngêt a ti,” tiin ki ngaituaa. Khannisian an rêngin Rengpa thuneina an hnôla, a thupêk zôm hrangin an inuam loi a ni.

JEREMIA 32:29

an ihâl hrang a ni, in chung sîpa mihaiin Baal hranga rimhoi hâlin le pathian danghai kuang uain thilinhlan dêngzuana ki ning an inmurtir ngai rêng kha.

JEREMIA 32:34

An millim intirom tak lua keima ni chongpuina hranga isin, ki tempil sûnga an siaa, an iporinchetir a ni ta.

JEREMIA 32:35

Hinom phâia an nâipasalhai le nâinupanghai Moleka pathian kuang irbôlnaa inhlan hrangin Baal maichâmhai an siama, hianga tho hrangin thu khom pehai ma unga, khaanga thil tho an ta, Juda mipuihai sualin siam an tih ti khom ki irngaitua loi a ni,” a tia.

CHAP HLA 2:1

Rengpa ningmurnain, Zion khua chu inthimin a irkhu tâka. Israelhai roiinpuina chu irvân ata hnuaia an thâkpai zoi ta. A ningmurna nî tena chu, a ke irnghatna hnuai a irnghil tâk a ni.

DANIELA 9:5

Ni thupêk le roirêlnahai ata rotsanin kin suala, dikloi le felloi takin kin tho tâka;

DANIELA 9:11

A ni, Israelhai khomin ni he la loia fe’n sualin kin om tâka. Khasikin khosâlna chu kin chunga a itung a ni ta. Pathian siahlo Mosia dâna irziak thuhai le a chunga ei sual tâk sikin.

DANIELA 9:13

Mosia dâna irziak angin hi thil saloi murdihai hi kin chunga a hong itung a ni; khannisian kin dik loinahai mâksanin, ni thudik inhriat theina kin nei theina hrangin Rengpa kin Pathian milung chukna zong loiin.