JEREMIA 3:8 - PATHIAN LEKHABU IRTHIANG C.L. Bible (BSI)

⁸ Kha Juda khom khan notizuar a chang tâk sika khan Israel kha ki mâka, ki irzûl dân kha a hmua. Khan, Israel zuarpuinu iamom loi Juda khan ki zui ngai chu ti maka. Ama kha notizuarin ar siama,

JEREMIA 3:8 ပူးပေါင်းရင်းမြစ်များ

2 THURCHI SUINA 21:11

Judai ram tâng rama pathian dang biakna hmun irsâng a sinhai hluka. Judai ram le Jerusalem mihai chu Rengpa ata tehel zonga, thilsual tho hrangin a kaihruaihaia.

ISAIA 50:1

Rengpa’n hiang hin a ti: “Nin nu Israel chu ki tîrpaia, irmâkna lekha mo ki pêk uala? Lâkai intâng nêkin an nâihai zuar angin, tuhai kuang moh nangni ki izuar? Nin sual sika zuar nin nia, nin sininsiatna sika a ni, nin nu ki itîrpai.

JEREMIA 2:19

Ni sualna khan dûk nang tho a ta, hnung ni ni isongna khan thiam no changin om ni ta, Rengpa ni Pathian ni mâk raka, ki ta hranga iamom ni ini loi hrang hi, sual a ini lam le a satloina lan hre suak ni ti. Keima, Rengpa Pathian Itinrêng thothei hin ki iti tâk a ni.

JEREMIA 3:1

Rengpa’n a ti, “Mi’n a dôngma leh teihai sianlân, a dôngma khan mâkin pasal dang nei sianlân, kha nupang kha hruai kîr nôk thei ni no ni. A ram pumpui a iporinchetir zoi hrang a ni. Khan Israel nang chu indit tamtak ni neia, atûn keima kuang hong kîr ni nuama!

JEREMIA 33:24

“Mihaiin ki inthang, in sûngkua inhnihai Israel le Juda ki ihnôlhai ang khan an lei insîr hi nin hriat ngai mo? Khasikin ki mihai chu hmûsit takin an ni ena, nam ang khomin an ni ibe loi a ni.

JEREMIA 5:7

Rengpa’n irdoina a siama, “I lo hrangin mo ki mihai sualna kin inzâhai hrang? Anni mâk raka pathian dang dik loihai chubai an mûk tâk sikin, ki mihai chu an khop mâka kin fâhaia, Khannisian an uire zoi tâka. Notizuarin an zoro an hmang inhek ta.

EZEKIELA 16:46

Khan, ni zuarpui ulian ual chu Samaria, ni vei tianga om ngai kha ama le a nâinuhai leh an ni; ni zuarpui nâipang ual lak chu, ni chang tianga om ngai kha Sodom le a nâinuhai an ni.

EZEKIELA 16:47

Khannisian, an omdânhai chu zui mak chea, an porinchenahaia khan ni milung chu chuk maka, aniachu zoro sôtloite sûngin ni omdân tinrênga anni nêkin ni siat uala.

EZEKIELA 16:51

Samaria khomin nangma sual ni tho chimrip khom tho ma, anni nêka sual porinche lian ual ni thoa, khasikin intiromna ni itho murdi khan ni zuarpuihai chu a felin ni inlangtir tâk a ni.

EZEKIELA 23:44

Hi notizuarhai kuang hin voi tamtak an fe ngaia, Oholai le Oholabai, nupang porinchehai kuang hin.

EZEKIELA 23:9

Khasikin ama chu a irditpui Assuria mihai kuta ki pêksuak tâka.

HOSEA 3:4

Israel, irchihai kha nikho tamtak inlaltak le milian le lungphun ser le ochai songkol mani, millimhai mani nei loiin an iom hrang a ni.

DÂN INHNINA 24:1

Mi’n dôngma a neia, inhnunga chu ama chunga khan a nuam loi lam thil i mani a hmu sikin nuam ta maka; khanchu irmâkna lekha irziak a ta, pe a ta, a in ata insuaktir a ti.

DÂN INHNINA 24:3

kha mi khom khan nuam nôk ta no sian, irmâkna lekha irziak pe’n a in ata kha insuaktir nôk sianlân; a ninole, a pasal inhnina kha a isûn khom a ni thei,