JEREMIA 3:3 - PATHIAN LEKHABU IRTHIANG C.L. Bible (BSI)

³ Annihai tak sika hin kêng rua tho maka, rotui hnungkhôn khom a itho ta loi a ni. Kha tena khom khan notizuar ni la hmang maia. Inzakin ni biang sen zel suak maka.

JEREMIA 3:3 ပူးပေါင်းရင်းမြစ်များ

IRPHUTNA 19:34

Khanchu zîng nôka chu a unu’n, a sangnu kuang khan, “Irngai ro, mizân zân khan ei pa ki zâlpuia, a vuan zân khom uain in intir ei ta; nangma lûtin lân, ei pa irchi pung hrangin va zâlpui ro,” a tia.

NEHEMIA 9:17

zôm khom zôm nuam mahai, an laia ni thil irkhêl thohai khom irngai nuam ta loiin; an tukullian songin, tehelzongin, an sal changna tianga kîr hrangin hruaitu an irthang ual a ni: khannisianlân, nang chu ngaidam hranga irsiam sai Pathian, mi lunginkham thei, Inrennaa sip, mi ingam, annihai khom irnghil nuamhai mak chea.

THUVÂRHAI 21:29

Mi pualoihai chu a sa anga inlang hi an theitôk a nia, mi felhai rêk chu an lampui an rêl infel ngai.

ISAIA 5:6

Mapai ki ta, a ôn sât ta no ning. A hmun khom chuan infâi ta no ning, hloi ilhling neiin sip zoi a ta, sûmhai thu pe ki ta, rua inthotir ta no ning.

JEREMIA 14:1

Rengpa’n khokang chungchânga a ni iti pe chu,

JEREMIA 14:22

Nam danghai millimhai khan rua inthotir thei mahaia; Irvâna a bingin rua inthotir thei mah. O Rengpa, kin Pathian, kin sabeina chu ni chunga kin irnghat a ni, hi thil tinrêng tho ngaitu ni ni sikin.

JEREMIA 14:3

Mi irchonghaiin an suakhai tui chôi hrangin an tîra, Tuikuang tiang an fea, khannisian tui hmu mahai, an tuibêlhai a rongin an hong ichôi nôk a ni. Inzak le beidongin an hmâi an thupa.

JEREMIA 14:4

Rua a tho no sikin irnêng a châr zoi tâka, loi thotuhai lungzîngin an hmâi en sa ta maka.

JEREMIA 36:2

“Lekhabu inzuat kha lan lân, Israelhai le Judahai le nam danghai chungthu nang ki ihrilhai kha irziak roh. Josia inlal phut laia ni kuanga ki thu insîr le a vuan sûn tena ki thu’nsîrhai a rêngin irziak ving roh.

JEREMIA 5:24

Ni chôiirsâng hrangin ngaitua ngai mak chêia, rua masa le rua hnungkhônhai nangni ki pêka, a kum tin chîmu tharhai nangni ki pêk ngai khomin.

JEREMIA 5:25

Khasikin nin sual sinthôna sikin hi thilhai hi a boi zoia, nin sualna sikin thil sa nin idok a ni ta.

JEREMIA 5:3

A dik takin Rengpa’n iamomna hi a izong a ni. Nangni a vîka, khannisian ite bêin bê mak chêia. Tukullian nin nia, nin sual ata irlet nuam mak chêi.

JEREMIA 6:15

hi thil intiromhai an tho sika khan an inzak ma ni? Inzak mahai; an zak dân lua an inhriat loi a ni. Khasik taka khan mi dang an rîl tâkhai angin inrîl an ta, dûk ki thohai ni taka chu an mongna ni a ti,” keima Rengpa’n ki iti a ni.

JEREMIA 8:12

Ki mihaio, hi thil porinchehai nin tho sikin nin inzak mo? a ni, ite inzak viat mak chêi; nin hmâi ten lua sen thei mah! Khasika khan mi dang an rîl tâkhai angin inrîl nin ta, dûk nangni ki tho ni tâka chu, nin mongna ni a ti, keima Rengpa’n ki iti a ni.

JEREMIA 9:12

Keiin ki’rdona, “Rengpa i lo hranga ram insiatin, ramchâr anga ni inchâr, tûte inzin ta loi hranga siam a ini? A tu hi mo a vâr uala an hriatthiam hrang? Mi dang hril hrangin tu hi mo hi thilhai hrilinfel pehai hrang ni ipêk?,” ki tia.

EZEKIELA 3:7

Israel mihaiin ni thu irngai no nihai, ki thu lua khom irngai nuam ngai mahai. Israel namhai hi lungrîl ngar tak le irkôk irhel mi tak an ni.

LEVI DÂN 26:19

Nin isong tak tak, nin hrâtna chu, nangni insiat pe ki ta; nin ta hrangin irvân chu thîr anga rua insum loiin nangni siam ki ta, nin loihai khom dâr angin châr a ti.

AMOSA 4:7

Khan, bu ât hrang zoro tha thum a la ni laiin nin chunga rotho hrang khom ki khapa; khopui inkhat chunga kin thotirin, khopui dang chunga inthotir ma ung: hmun khat chunga kin thotir ngaia, a tho no hmun kha a châr ngaia.

AMOSA 4:8

Khanchu, khopui inhni mani, inthum mani kha khopui inkhata tui in hrangin an irvâka, khop mahaia: kha khom khan ki kuang hong kîr mak chêi, Rengpa thu suak khan a ti.

ZEFANIA 2:1

O nam inzakna lam inhre loihaio, Thu’nkung a zuang suak mân le nikhua kha favâi anga a hek mân, ki Rengpa ninginmurnaa ichiom tak kha nin chunga a zuang tung mân le, Rengpa ninginmurna nikhua kha nin chunga a zuang tung mân hin, Intân khôm roi, a ni, intân khôm mur mur roi.

ZEFANIA 3:5

A sûnga khan Rengpa kha mi dik a nia; siatna tho no ni; zîng tinin a roirêlna kha an langtira, lôipai ngai maka; aniachu mi felloi khan inzakna lam reng inhre mah.

HAGAIA 1:11

Irnêng chunghaia, tâng chunghaia, bu chunghaia, uain chunghaia, hriak chunghaia, irnêng chunga thil hong suak chunghaia, mihriam chung haia, sa chung haia, kuta tho suak murdihai chunga khua kin kangtir a ni,” a tia.

DÂN INHNINA 28:23

Rua rêng rêng tho no nia, nin loihai kha thîr angin châr a ti.

HEBRAI toc2 HEBRAI 12:25

Thu’nsîrtu kha lei nuam loiin nin om loina hrangin irdîn roi. Irnênga thu lei insîrtu lua kha nuam maka, hremna zôk mah. Eini irvâna irthoka thu’nsîrtu hnung songhai len vâng chu hremna kha zôk thei viat no ih.