JEREMIA 3:24 - PATHIAN LEKHABU IRTHIANG C.L. Bible (BSI)

²⁴ Khannisian kin chîn lai ata kin pahai sin sôlna ra, kêlbelra pâl, sehrât pâl, nâipasalhai le nâinupanghai lua khom hi Baal inzakpui om pathian chubai mûk sikin kin inchânhai zoi tâka.

JEREMIA 3:24 ပူးပေါင်းရင်းမြစ်များ

JEREMIA 11:13

Juda mihaiin khopuihai an inei dôr pathian khom an nei intama, Jerusalema omhai khomin intirom Baal pathian hranga irbôlna hrang maichâm, khopui kongkâr lamlian tam dôrin an isiam a ni.

JEREMIA 22:21

Nin sat lai takin Rengpa’n nangni a chongpuia, nikhomsianlân irngai nuam mak chêi! Kha kha nin dam sûnga nin itho ngai a nia; Rengpa thu ni izôm viat loi hrang tihna a ni.

JEREMIA 44:7

“Khaangin atûn hin keima Rengpa Itinrêngthothei, Israelhai Pathianin nin ta hrangin, i lo hranga khaanga thil saloi kha nin itho ti hi nangni ki irdon a ni. Pasalhai, nupanghai, nâipanghai le nâitehai chunga siat chitna intung nin ni, tûte hôi loia an iom hrang hi nin inuam ma ni?

JEREMIA 8:16

Ei râlhai chu Dan khopuia an oma, an sakorhai hnârkhông irhâi khom ei inhriat a ni. A ram pumpui chu sakor inhrâm chiin an inthing a ni. Ei râlhaiin ei ram le a sûnga thil tinrêng ei khopuihai le a mihriamhai siatna hrangin an ihong a ni.

JEREMIA 9:18

Mipuihaiin an iti chu, “I lo hranga mithi chûl hla sak pehai hranga ni ihril, kin mithai mitrithi’n a sip zoi mâka, kin mit vunhai chapna sikin mitrithi’n an duitir zoi mâka chu,” tiin.

EZEKIELA 16:19

Bai tiam nang ki ipêk tâk khom kha bai phit indi satak le sahriak le khuaihlutui leh nang ki infâ ngaihai kha an makunga mirimhoia hâl hrangin ni siaa; hi hi a hong ni tâk, ti hi Rengpa pathian thusuak a ni.

EZEKIELA 16:20

Khakhêla khom, ni nâinu ni nâipa, ni inei pehai chu an kuanga irbôl hranga hmang zit hrangin ni pêka; ni hurna hi thil irnêp a ini ma ni?

EZEKIELA 16:61

Khanchu ni zuarpuihai, ni u le ni sanghai ni pom hnunga ni omdânhai hong inhriatsuak ni ta, lan zak ni ti: anni chu ni nâinu ta hrangin pêk ki ti, ni thuthung sika khan chu ni loiin.

EZEKIELA 16:63

Ni sintho murdihai ki ngaidam zit tika inhriat ni ta, ni hmâimôk rup a ta, inzak sikin ni bâi a kak thei ta loina hrangin,” ti hi Rengpa pathian thusuak a ni.

HOSEA 10:6

Ama ngêt khom kha inlaltak Jareba kuanga pêk hrangin Assuria rama rotpui ni a ti. Efraima khan inzakna hmu a ta, Israel khan ama thu’nkung ngêt kha inzakpui a ti.

HOSEA 2:8

Bu, uain, sahriakhai hi, tangka ki inpung pehai hi, rângachak, Baal hranga an ihmanghai le, keima ipêk a nih ti hi inhre mahai.

HOSEA 9:10

Israel kha ramchâra grep ra ang maiin ki hmua. Nin pahai kha theipui, zoro masaa a ihmin masa angin ki hmu; khannisian anni kha peor tânga Baal chu an pana, thil inzakom taka khan an irpumpêk tâka, an irngaiinhlu tak millimhai ang dên khan an iporinche a ni.