JEREMIA 3:22 - PATHIAN LEKHABU IRTHIANG C.L. Bible (BSI)

²² Rengpa hnung song sanhai murdi, nin rêngin hong kîr nôk ving roi; nangni len damtir a ta, iamomin nangni siam a ti. Nangni’n, “A dik Rengpa tianga kin ihong hi, Ama kha kin Pathian a ni sikin.

JEREMIA 3:22 ပူးပေါင်းရင်းမြစ်များ

HLAHAI HLA 1:4

Ni kuang ni hruaiin lân, rot zel ei ti; ki ta hrangin rêng nin lân, ni tentana ni hruai lût ro, Ei raiinfân suam ei ta, lungirthungna uain irhnik takin insuam ei ti, dôngmate murdi’n lung nang inkhamhai khom sian.

ISAIA 1:2

Rengpa’n thu a hril hi, “Irvânhaio, irngai unglân, irnêng khom ni mikuar lei sung roh. Nâi le te kin fâhaia, kin liantirhaia, khannisian, an ni tehel pe zoi ta.

ISAIA 27:8

Sala om hrangin a tîr suakhaia, nisua phâivua saloi a’rngamtir ta.

ISAIA 31:6

O Israel mihaio, “A sân tehel pe khom unglân hong kîr nôk ta roi.

ISAIA 57:17

An sualna le huatirham hrai sikin, an chunga ki ning an mura, ki hremhaia, ningmurin ki mâksanhai ta. Khanchu, anni nuam lam ngot tho pumin, an iom a ni ta.

JEREMIA 3:12

Israel kuang fe hrangin a nin hrila, keima kuang, “Iamom loi Israel ki kuang hong kîr nôk roh. Kei chu khonzâna sip ki nia, ki ninginmur no ni, kumtuangin ninginmurtir mai no ning.

JEREMIA 30:17

Nang indamtir nôk ki ta, ni sâbehai khom indamtir ki tah ti hi Rengpa thu suak a ni. ‘Mâksan tûte irngaipoimo loi Zion,’ nang an ti sikin,” a tia.

JEREMIA 31:18

Efraima inhrûm irhâi chu kin hriat maia, ‘Nangin sehrâtilla la sep ngai loi angin ni ni sepa, ni ni irchutir tâk hi. Ni’rheikîrtirin lân, hong kîr ki ta ni hruai roh. Nang chu ki Pathian Rengpa chu ni nia.

JEREMIA 33:6

Khannisian hi khopui le a mihai chu indam nôk ki ti, hrisêl takin sehai nôk ki ta, khanchu an kuang thudik le irtharngamna tamtak chu inlangtir sa ki ti.

JEREMIA 4:1

Rengpa’n, “Israel mihaio, a kîr nôk nin nuama ni’n chu, keima kuang hong kîr roi. Millim ki ihnôlhai nin khâipaia, keima hrangin iamomin nin oma ni’n chu,

EZEKIELA 18:30

Khasikin, O Israel mihaio, mi tin an omdân ang zêlin roirêl ki ti, ti hi Rengpa pathian thusuak a ni. Irlet unglân, nin sualna murdihai chu masan zit roi; khanchu, nin sualnaa khan siatna tok ta no chin ni.

EZEKIELA 33:11

Khan an kuang khan Rengpa Pathian hring ki ini ang hin hiang hin ki iti a nih ti pehai roh. Mi sual thina hin lômna zel nei ma unga, kha nêkin chu a sual sinhai mâka, a ihring hi ki ilôm ual a ni. O Israel ni thilsual thohai kha ma ta ro: Itho sika thi ni inuam mai ma ni?

HOSEA 13:4

Kei rêk hi chu Aigupta ram ata kha, Rengpa ni Pathian kha ki nia, kei ti no chu Pathian dang inhre ngai mak chea, keima ti no hi chu saninhringtu dang om mahai.

HOSEA 14:1

O Israel, Rengpa ni Pathian tiang khan kîr nôk ro, ni pualoina sika ngei ni itûk tâk a ni.

HOSEA 14:4

An hnungtôlna hi indam ki ta, Anni ata ki ninginmurna kha ar kiang tâk sikin, anni kha lung ki ithung hrang rêng rêng a ni.

HOSEA 14:5

Israel hrang khan irdorfîm ang ni ki ta, ama kha lili angin sa a ta, Lebanon tâng thing irzung angin a’rzung thâk irzar a ta.

HOSEA 14:8

Efraima khan millimhai le irnâina imo a inei ta hrang? kei hi a chongchaina sâmtu ki nia, a indingtir hrangtu khom ki ni. Kei meisâr thing hring mur ang ki nia, Ni ra sahai kha keima ata a ni.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

JOELA 2:12

Rengpa khan, “Khaang ten khomin atûn nin milung murdi’n, bu ngheiin, chapin, chardongin ki tiang hong irhei unglân:

ZAKARIA 13:9

Khanchu a hmun thuma chu meia infetir ki ta, sumtak chu irthiangtira a iom angin irthiangtir ki ta, rângachak chu fia a ini angin fia ki ti, khanchu ki kuang chongchai an ta, keiin anni chu sâmhai ki ti. Anni chu ki mihai an nih ti hrilhai ki ta, khan anni khomin, ‘Rengpa chu kin Pathian a ni,’ ni ti ta an ti,” a tia.