JEREMIA 3:15 - PATHIAN LEKHABU IRTHIANG C.L. Bible (BSI)

¹⁵ Ki thu zôm roirêltuhai nangni pe ki ta, anni khan vârna le inhriatthiamna nangni rêl an ti.

JEREMIA 3:15 ပူးပေါင်းရင်းမြစ်များ

THUVÂRHAI 10:21

Mi sa chonghai khan mi tamtak a siam insatir ngaia, invêtna rêkin chu mâni thina an tungtir ngai.

JEREMIA 23:4

Annihai enkoltu hrangin hruaituhai phun pehai ki ti. Ki mihai chu chitna sikin mo, kamangin mo, om ta no nihaia, anni chu dûk thohai ta no ning. Keima Rengpa’n ki iti tâk a ni,” a tia.

JEREMIA 31:10

O namhaio, Rengpa thu hi irngai roi, tuikhanglian kôla ram hlatakhai khom hrilhai roi, Israel indartirtu khan hruaikhômhai nôk a ta, belrapu angin anni chu enkolhai a ti, tiin.

EZEKIELA 34:2

“Mihriam nâipa, Israel roirêltuhai kha theiloi inchangtirhai roh. An kuang thu hrilin lân, kei Rengpa Pathian hin hiang hin ki iti a ni, ti pehai roh. Nangni Israel belrapuhai nin chung a rik e! Nin bingin, nin irdonsuia, khannisian belrahai chu itiklai khom donsuihai ngai mak chêi.

EZEKIELA 34:23

Khanchu ki sinthotu Davida anga rêng inkhat an belrapu hrangin pehai ki ta, ama’n anni chu donsuihai a ti.

EZEKIELA 37:24

Reng ki sinthotu Davida ang khan an rêngin om an ta, an rêngin roirêltu inkhat hnuaia inthurual takin om an ta, khanchu iamom takin ki dânhai chu zôm an ti.

LUKA 12:42

Rengpa’n, “An pu’n a siahlohai hruaitua le an bu sem tika sem ngaitu hrangin sum enkoltu iamom tak le vâr tak a inkung hrang kha tu mo a ini hrang?

TÎRTÔNHAI SINTHO 20:28

Khasikin, Pathian Koiindang, a Nâipa thina sika ama ta hranga a isiam chunga belrapu chang unglân, nangni le belra pâl Irtha Irthiangin nangni a ikoihai satna hrang zong roi.

1 KORINTH 2:6

Khan khom, irthaa ulianhai kuang chu vârna thu kin sîr ngaia. Khannisian, hi rammual vârna thu chu ni maka, hi rammual roirêltu, an inlalna irhmang thiaihai vârna thu khom ni mah.

1 PETERA toc2 1 PETERA 2:2

nâitesen suakthar angin irtha tianga irhnutui irthiang ite polloi kha irzuk roi, kha irhnutui kha nin inin chu irsôn nin ta, hringna hmu nin ti.

1 SAMUELA 13:14

Khannisian atûn chu nin lalna hi hek hrang a ni ta. Rengpa thupêk ni zôm no sikin, Rengpa khan ama lungrîl irput mi zong a ta, a mihai chunga hruaitu hrangin a isiam hrang a ni,” a tia.