JEREMIA 3:13 - PATHIAN LEKHABU IRTHIANG C.L. Bible (BSI)

¹³ Ni itho insual a nih ti le Rengpa ni Pathian chunga ni tehel a nih ti inlang roh. Thingkung hringhai hnuaia nam dang pathianhai lung ni la thung maia, ki thupêk ni izôm loi dânhai irphuang suak ta ro, Keima Rengpa’n ki iti a ni.

JEREMIA 3:13 ပူးပေါင်းရင်းမြစ်များ

NEHEMIA 9:2

Israel namhai chu nam danghai rengata a bingin an oma, an ngîra, an sualnahai le an pi le pu sin insiatnahai ngaidam an irzonga.

THUVÂRHAI 28:13

An siatna irthuphai chu tuanintung ngai mahai. Ip loia inpuanga irlettuhai chu Pathian lungkhamna dong an ti.

ISAIA 57:5

Sesua thing hnuaia Pathian irhmingin nin inhoia, thing dâihlîm hnuai nin pana, nin nâitesuihai irbôlna’n nin thathaia, tui kôla rôl panghai laia nin inhlanhaia.

JEREMIA 14:10

Hi mihai chungthu hin Rengpa’n a ti, “Keima kuang ata rot hi an inuam a nia, khaang khan an bingin dan thei no ni. Khasikin an chunga ki milung a ichuk loi a ni. An thil tho’nsualhai chu inhre mai ki ta, an sual sikin anni chu dûk thohai ki ti,” a tia.

JEREMIA 14:20

Rengpa ni chunga kin isual a ni ta; kin sualnahai le kin irchibulhai sualna kin inpuang a ni.

JEREMIA 2:20

Rengpa Pathianin a ti, “Tiana khan Israel, ki thuneina ni hnôla, ki thu zôma chubai ni mûk hrang khom nuam mak chea; Tâng irsâng chunga hai, thingkung dâihlîm hnuaia chîmu insatir ngai pathian ni chongpuia.

JEREMIA 2:25

Israel Pathian danghai irzûlin, ni ke insôltir no’n lân, Ni dang khom châr no ri se. Khanchu nangma’n, ‘O ho, kîr thei ta no ning.’ Ram dang pathianhai ki’rngaiinhluhai tâka. Anni ki izuihai hrang a ni,” ni tia.

JEREMIA 3:2

Tâng sîphai khi hong thîr ngân ta, notizuar anga ni om loina mo a om? Arab-haiin ramchâra mi an inruang ngai ang khan, ni indithai chu lampui tuana ni inghâk ngai angin, ni notizuarna le ni pualoinahaiin ram chu ni iporinchetir zoi a ni ta.

JEREMIA 3:25

Inzakin zâl kin ta, kin mualinphoina hin nir khû ri se. Keini le kin irchibulhai hin Rengpa kin Pathian chunga kin len sual ta ngai sikin, a thupêkhai zôm pe ngai ma ung,” nin tia.

JEREMIA 3:6

Josia rêng chang laiin Rengpa’n ki kuang, “Nupang iamom loi Israel sintho kha ni lei hmu mo? Ki kuang ata tâng irsâng tui chunga le thing hring kung hnuaihai khan notizuar sin ni itho ngai a ni.

JEREMIA 7:24

Khannisianlân zôm nuam loiin uksak ta maka. Kha nêkin an lungrîl insêtin tho loi hrang ti an tho nuam ual tâka, sa ual nêkin an isiat ual tâk a ni.

JEREMIA 7:26

Aniachu, tukhomin irngaiin uksak nuam ngai mahaia. Kha nêkin nin tukul nin inliantir ual ngai, nin irchibulhai nêkin tehel nin ihrât ual a ni.

EZEKIELA 16:15

“Khannisian ni hmêl satna chu ni’riampui hraia, ni’rhming inthangna sika khan ni hura, notizuara ni hong om tâka, mi tukhom ni kuanga hong tâk murdihai chunga khan ni hrâtna chu ni phala; ama ta ni inih tâk a ni.

HOSEA 5:15

An thiam loina an irhriata, ki hmêl an zong mâka chu, fe ki ta, ki hmun tiang kîr ki ta, an tuangna khan ni zong an ta, hiang hin ti an ti.

DÂN INHNINA 12:2

Nin va iluapai pehai hrang namhai an pathian an ibiak, hmun tâng irsângtak taka mihai, muala mihai, thing buk tinrêng buk irhlîma omhai kha, nin insiatpai zit hrang a ni.