JEREMIA 29:8 - PATHIAN LEKHABU IRTHIANG C.L. Bible (BSI)

⁸ Keima Rengpa Israelhai Pathian ngei hin nin laia om deipuhai mo, mi dang zoro la hong hranga leihril theina neia irbêhai huangin om no roi, ti nangni ki ihril a ni. Irmang an iphanhai kha ngaisak pehai no roi.

JEREMIA 29:8 ပူးပေါင်းရင်းမြစ်များ

JEREMIA 14:14

Khan Rengpa’n a iti chu, “Deipu khan ki’rhmingin minlak a tho a ni, anni chu tîrhai ma unga, thupêkin an laia chongbâi khat lua ki iti loi a ni. Inlârna thu an ihrilhai kha keima ata suak ni maka; an thu inpuanghai chu hlutna nei loi, an lungrîla an ingaitua lik a ni.

JEREMIA 23:16

Rengpa itinrêng sinthei khan Jerusalem mihai kuang a ti pea, “Deipuhai chong irngai no ro; tûngna dik loihaiin nangni an infâ a ni. Keima iti ni loiin an lungrîla an ingaitua kha nangni an ihril ngai a ni.

JEREMIA 23:21

Khan Rengpa’n, “Hi deipuhai hi ki itîr ni mahaia, ki tîrhai no khomin an ife a ni. chongbe ite pehai ma unga, khannisian ki’rhmingin thu an insîr ngai a ni.

JEREMIA 23:25

An irmang tianghai ki chongbehai ki ipêk a nih ti ki’rhmingin minlak tho ngai deipuhai iti chu ki inhriat ngai a ni.

JEREMIA 23:27

An pahaiin hnung an ni songsana Baal tiang an irnghat tâk ang kha, irmang an ihrilfiana khan ki mihai chu ki mihai irnghiltir thei hrangin an ni iiam a ni.

JEREMIA 27:9

Nin deipuhaiin mo, nin tasân thiamhaiin mo, mithi irtha chongpuiin mo, nin dôithiamhai hmanga zoro la hong hrang lei inpuang theina ki neih ti irbêhai chong irngai no roi. An rêngin Babulon rêng kuanga irpe loi hrangin nangni an ihril a ni.

JEREMIA 28:15

Khanchu kha thu kha Hanania kin hrila, a kuanga a iti pe nasan, “Hanania inhre ro, Rengpa’n nang a itîr ni maka, hi mipuihai hi thudik loi ni in-iamtirhai a ni.

JEREMIA 29:1

Babulon rêng Nebukadnezara’n Jerusalema irthokin Babulon rama mi intânghai hruaitu ochaihai, deipuhai, mipui hruaituhai le mi danghai kuanga lekha ki thona.

JEREMIA 29:15

“Nangni’n Rengpa’n Babulon rama khom deipuhaiin an ni ipêk nin ti ngaia.

JEREMIA 29:21

Rengpa Itinrêng thothei, Israelhai Pathianin, Kolaia nâipa Ahaba le Maaseia nâipa Zedekia, a’rhminga milak chong inpuang ngaihai chungthu an sîra. Anni chu Babulon rama rêng Nebukadnezara thuneina inhlan an ta, an mithmu chunga ngêt that an ti, a iti a ni.

JEREMIA 29:23

Kha kha an ihlo hrang chu a ni. Sual irkhêlhai an tho’n chu, an tualbômhai dôngma an uirepuihaiin chu, Rengpa irhmingin thudik loi an hril sikin, kha kha Rengpa nuam loi lam a nia; an sintho kha an hriata, annihai hnôla thu inhretu a ni. Rengpa’n a iti a ni,” tiin.

JEREMIA 37:9

Babulon-hai hong kîr no nih tia nin binga irhuang loi hrangin keima Rengpa’n irningna chong nangni ki ipêk a ni, a san chu an hong kîr nôk hrang sikin.

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

CHAP HLA 2:14

Deipuhaiin chu thil chanlamboi le minlak an hmu suaka. Ni’rlet theina hrangin ni sual irlang ngai mak chea. Inlârna an ihmuhai khom chanlamboi irhuangna a ni.

EZEKIELA 13:6

Rengpa thusuak a ni titu khan ite ni loi le lei hrilna milak an changa, Rengpa itîr an ini loi rêng rêng a ni; an thu chu a ini ngêt hrang angin mihai an in-iamtirhaia.

MIKA 2:11

“Uain le zu luang a ti,” tia milak hril deipu irvâk vêlhai kha, hi mihai deipu ni le irhoi an ni.

ZAKARIA 13:4

Kha zoro kha a hong tung tena chu, deipu tukhomin inlârna a ihmuhai sika khan lârirpâk ta no nia, deipu ang khomin om ta no nia, mipuihai huangna hrangin deipu silkaihai irbel ta no nihai.

MATHAIA 24:24

Krista dolhai le deipu dolhai an la isuak hrang a ni, khahai khan thei len vânghai sian chu inthanghai lua an huang theina hrangin irsinsiana le thilirkhêl inthang tho an ti.

LUKA 21:8

Ama’n, “Hruai pai nin ni nona hrangin irdîn roi; ki’rhming songin, ‘keima hi ki ni, a zoro tung hrang a ni ta,’ tiin mi tamtak hong suak an ti, an hnung zui no roi.

LUKA 6:26

“Mi tinin nangni an inpâk tika chu lungkham nin la iom hrang kêng; khaang dênin an irchibulhaiin deipu dolhai an inpâk ngai.

ROM KHUAA MIHAI KUANGA TÎRTÔN PAULA LEKHATHON 16:18

Khaang mihai khan ei Rengpa Krista sintho mahai, mâni phîngpui sintho chian an ni. An chong hmang thiam le chong hoiin mi’nmôlhai kha an huanghai ngai a ni.

EFESI 4:14

Khanchu, mihriam vârirlethaiin, an minlakna hmanga ihuanga omin, irchûna dikloi sika tuilian isok le phâivua’n hi tiang so tianga a isok le a isêm nâipang siat ang hi ni no roi.

EFESI 5:6

A nêp ang tianga kha thil insîrtuhai khan nangni huang no ri sehai, kha thil sika khan Pathian ningmurna kha taksônloi mihai chunga a itung hrang a ni!

2 THESALONIKA toc2 2 THESALONIKA 2:3

Tukhomin i lampuia khom nangni hruai irhmang no ri se. Pathian ata tehelna chu a hong tunga, Dân insiatpa, Irhmang hrangpa kha, a hong inlang mâka chu kha Nikhua kha hong tung no ni.

2 TIMOTHEA toc2 2 TIMOTHEA 3:13

Mi sualhai le tho pa paihai chu an dongtum hong siat tîr tîr an ti, mi dang huang ngai khomsian anni ngei khom huang an ti.

1 JOHANA 4:1

Inditom takhaio, irtha narân hi iam no roi, irtha chu Pathian ata zuang suak a ni le ni loi fia bak ngai roi; deipu dol tamtak rammuala an hong suak tâk sikin.

THUPHUANG 13:14

Sahrâng masa mit hmua sinirkhêl sin hranga phalna a hmu sika khan irnênga mi murdihai a huanga; an kuang, sahrâng khandaia pop tâk la dam nôk chôiirsângna hrangin ama irlim siam hrangin thu a pêka.

THUPHUANG 19:20

Sahrâng kha an chela, deipu dol, a mit hmua sinirkhêlhai sin ngaipu kha an chel saa. (Kha sinirkhêlhai sika khan sahrâng irsinsiana neihai le a’rlim chubai mûkhai kha a ihuang ngai a ni). Sahrâng le deipu dol kha an ruaiin an hring pumin kâta kâng mei laia khan an paithâk tâka.