JEREMIA 28:16 - PATHIAN LEKHABU IRTHIANG C.L. Bible (BSI)

¹⁶ Khasikin Rengpa khan nang a ithat hrang a ni. Rengpa doia mipuihai tehel nin zongtirhai sikin, hi kum sûnga ngêt hin thi ni ti,” tiin.

JEREMIA 28:16 ပူးပေါင်းရင်းမြစ်များ

IRPHUTNA 7:4

Sûn sari a la’rsam, hi zoi hin chu irnêng chunga hin sûn sômminli zân sômminli rua inthotir ki ta; ki thilhring siam murdi irnêng chunga an hek theina hrangin,” a tia.

1 RÊNGHAI 13:34

Hi thil sual a ithohai hin, ama siatna le ar chihai dêna irhmangna a intung ta a ni.

FESUAKNA 32:12

‘Tâng rama that irhmang hrang pialin ni mihai hi Aigupta ram ata ni ihruaisuak a ni,’ tiin Aigupta mihai khan itin moh an iti thei? ni ningmurna insum zâmin lân, ni milung inchong thûlin hi vânduaina irkhêl hi ni mihai chunga insum no roh.

JEREMIA 20:6

Nangma khom Pasur, ni ina om murdi leh suak hrangin nangni hruai an ta, Babulon tiang nangni hruai an ti. Kha khan thi nin ta, phûm ni nin ti,’ nin rualhai minlak thu ni lei ihrilpuihai leh khan,” a tia.

JEREMIA 28:17

Hanania chu kha kum ngêta khan a tha sarina khan chu a thi tâka.

JEREMIA 28:3

Babulon rêng Nebukadnezara’n tempil neinun a ichôi murdihai chu kum hni sûng, hi hmuna hin hong chôi zoi nôk ki ti.

JEREMIA 29:32

Khasikin Rengpa’n hiang hin a ti, Nehelam mi Semaia le ar chihai chu hremhai ki ti, nin laia irchi inkhat lua nei no ni, ki mihai hranga thil sa ki itho hrang khom chang sa thei no ni, Rengpa ata tehelna thu an puang sikin, ti hi Rengpa thu suak a ni,” a tia.

AMOSA 7:17

Khasikin Rengpa khan hiang hin, ‘Ni dôngma kha khopuia notizuar ni a ta, ni nâipahai, ni nâinuhai kha khandaiin tûk an ta, ni ram kha irkhîna hruiin sem an ta; khan, nangma ngei kha ram irthiang loi sûnga khan thi ni ta, irlêkloiin Israel kha a ram ata sala hruai irhmang a ta,’ a ti,” tiin a sâma.

AMOSA 9:8

Rengpa thu suak khan, ‘Irngai u ta, Rengpa Pathian mit kha hi Israel ram sualhai chunga hin a chum tâka, irnêng chung ata ki inboipaihai ving hrang a ni. Aniachu, Jakoba insûng mihai kha inboipaihai zit no ning,’ a tia.

NAMBAR 29:32

Sûn sari nî khan sehrâtchal sari, belrachal inhni, belrate a chal kum khat mi demnaboi sômhleiminli,

DÂN INHNINA 6:15

Nin laia om Rengpa nin Pathian hi Pathian nunse tak a ni. Nin chunga Rengpa nin Pathian hi a ning an mur likin chu rammual ata hi nangni a inboipai hrang a ni.