JEREMIA 28:11 - PATHIAN LEKHABU IRTHIANG C.L. Bible (BSI)

¹¹ mipuihai inhriatin a tia, “Rengpa’n hiang tak hin rêng Nebukadnezara’n nam tinhai ringa ringkol a inpêltirhai chu inkhiak ving ni a ti, ti a ni. Hi hi kum hni sûnga a itho hrang chu a ni,” a tia. Khanchu ki rota.

JEREMIA 28:11 ပူးပေါင်းရင်းမြစ်များ

1 RÊNGHAI 13:18

Bethel-a deipu tarpa khan a kuang, “Kei khom nangma ang dênin deipu ki nia, Rengpa itîr vântîrtônin ki kuang, ni ina fâk nêk zong hrangin ama kha hong hruai roh a ni iti a ni,” tiin minlak a thoa.

1 RÊNGHAI 22:6

Ahaba’n deipu irzaminli vêl a koibukhaia, “Ramot khua mo hong doi ning?” tiin ar donhaia. Anni khomin, “Doi roh Rengpa’n nan hnêtir a ti,” an tia.

2 THURCHI SUINA 18:10

An laia mi inkhat, Kenaana nâipa Zedekia’n thîr se’rki illim a sina, Ahaba kuang, “Suriahai chu hi leh hin beihai ei ta, inhnêhai ei ti,” a tia.

THUVÂRHAI 14:7

Intô kuang ata irkêm ro; a kuang ata ite thil sa irchû hrang hmu no chi ni.

JEREMIA 14:14

Khan Rengpa’n a iti chu, “Deipu khan ki’rhmingin minlak a tho a ni, anni chu tîrhai ma unga, thupêkin an laia chongbâi khat lua ki iti loi a ni. Inlârna thu an ihrilhai kha keima ata suak ni maka; an thu inpuanghai chu hlutna nei loi, an lungrîla an ingaitua lik a ni.

JEREMIA 23:17

Ki thu’nsîr irngai nuam loi mihai kuang khan an ta hrangin itinrêng a sat lam chu ni a ti, an ti pehai ngaia. Mi tukullianhai kuang khan, ‘vânduaina hri tin khomin tôn viat no ni,’ tiin an hril ngai a ni,” a tia.

JEREMIA 28:15

Khanchu kha thu kha Hanania kin hrila, a kuanga a iti pe nasan, “Hanania inhre ro, Rengpa’n nang a itîr ni maka, hi mipuihai hi thudik loi ni in-iamtirhai a ni.

JEREMIA 29:9

Ki’rhmingin thu dik loi nangni an ihril a ni, anni chu tîrhai ma ung. Keima Rengpa Pathianin, ki iti a ni ta,’ tiin.

EZEKIELA 13:7

Inlârna zuang chum mai nin hmu’n thu leihrilna dik loi nin ihril mo ni ma? Rengpa thusuak a ni, nin la ti nôk maia, keiin khaang khan ite lak hril ma unga.