JEREMIA 27:9 - PATHIAN LEKHABU IRTHIANG C.L. Bible (BSI)

⁹ Nin deipuhaiin mo, nin tasân thiamhaiin mo, mithi irtha chongpuiin mo, nin dôithiamhai hmanga zoro la hong hrang lei inpuang theina ki neih ti irbêhai chong irngai no roi. An rêngin Babulon rêng kuanga irpe loi hrangin nangni an ihril a ni.

JEREMIA 27:9 ပူးပေါင်းရင်းမြစ်များ

FESUAKNA 22:18

Nupang dôithiam hmang kha nin ithat hrang a ni.

FESUAKNA 7:11

Khanchu Faroa’n dôithei le mi vârhai a koihaia, Aigupta ram sûnga mitphil dôi theihai khomin an khianghrolhai an paia, mirûl an hong chang pehai tâka.

THUVÂRHAI 19:27

Ki nâipa, irchutirna ni mâkin chu ni inhriat tâkhai khom kha irnghil thai ni ti.

ISAIA 8:19

Mithi chongpui theihai, dôi theihai, itin anga irkhek hranga a theihai irdon hrangin nang ti a ti. Ama’n chu, “Irthahai hi irdon hrang a nia, a thihai khom hi a la damhaiin irdon hrang an ni,” lei ti an ti.

JEREMIA 14:14

Khan Rengpa’n a iti chu, “Deipu khan ki’rhmingin minlak a tho a ni, anni chu tîrhai ma unga, thupêkin an laia chongbâi khat lua ki iti loi a ni. Inlârna thu an ihrilhai kha keima ata suak ni maka; an thu inpuanghai chu hlutna nei loi, an lungrîla an ingaitua lik a ni.

JEREMIA 23:16

Rengpa itinrêng sinthei khan Jerusalem mihai kuang a ti pea, “Deipuhai chong irngai no ro; tûngna dik loihaiin nangni an infâ a ni. Keima iti ni loiin an lungrîla an ingaitua kha nangni an ihril ngai a ni.

JEREMIA 23:25

An irmang tianghai ki chongbehai ki ipêk a nih ti ki’rhmingin minlak tho ngai deipuhai iti chu ki inhriat ngai a ni.

JEREMIA 23:32

Rengpa’n ki iti hi irngai roh. An irmang thu minlaka sip inpuang ngai deipuhai chu ki ihnôlhai an ni. An irmang hrilin minlakna le irpâknahaiin ki mihai an hruai insual ngai. Anni chu tîrpaihaia, fe hrangin thu khom pe ma unga, mihai hrangin ite hmangna boi an ni, keima Rengpa’n ki iti a ni,” a tia.

JEREMIA 29:8

Keima Rengpa Israelhai Pathian ngei hin nin laia om deipuhai mo, mi dang zoro la hong hranga leihril theina neia irbêhai huangin om no roi, ti nangni ki ihril a ni. Irmang an iphanhai kha ngaisak pehai no roi.

EZEKIELA 21:29

Inlârna dik loi nang an irhmua, tasânna dik loiin nang an inentir a ni, ni ringa khandai irbuntirin om ni ta, ni sualna intirom tak sikin ni zoro a hong tung ta, hremna hnungkhôn tak sûn kha.

DANIELA 4:7

Khanchu dôi theihai, tasân theihai, Kaldai mi tasân theihai an honga, ki’rmang chu ki hrilhaia, khannisian a hrilfia thei om mahaia.

MIKA 3:7

Hmutheituhai kha inzak an ta, pânzia entheihai kha mualinphoi an ti; a ni, an rêngin an bâi hîp an ta, Pathian sâmna om maka.

ZAKARIA 10:2

Mihaiin millimhai le tasân theihai an irdonhai ngaia, khannisian a sâmna an ihmuhai chu minlak le chanlamboi korong a ni ngai. Senkhatin irmanghai an sui ngaia, khannisian fena hrang vai kêng nangni an fe insualtir ngaia, an lungngam saknahai khom chu hmanghmunboi ving a ni. Khasikin mipuihai chu belra irhmanghai angin an irvâk indarh ngaia, hruaitu an nei no sikin, an buai ngai.

MALAKIA 3:5

Khan, roirêl hrangin nangni ki zuang inâi hrang a nia; Dôitheihai, uirehai, milaka khomâksâmtuhai chunga le meithâi le fara le irhlofâkhai hlo insiatpaia ngainêptuhai le nam dang lei paithâktuhai le ni chi loituhai chunga khan thu’nhretu sakhi satak ni ki ti, Sipaihai Rengpa’n a ti.

TÎRTÔNHAI SINTHO 8:11

A mitphil thu kha zoro sôt tak a’rkhêl an lei ti tâk sikin a thu kha an irngai ngaia.

EFESI 5:6

A nêp ang tianga kha thil insîrtuhai khan nangni huang no ri sehai, kha thil sika khan Pathian ningmurna kha taksônloi mihai chunga a itung hrang a ni!

DÂN INHNINA 13:2

an lei ihril ang thil irkhêl tak tak le irsinsianahai kha tung dik ngai khomsian, uksak no roi. “Thoi ba, pathian dang biak hrang zong ei ti, nin la inhriat ngai loihai sintho nin ta,” ti khomsian;

DÂN INHNINA 18:14

Hi nam, nin ilûtkhum hranghai hin tasân an uara, ramkhohri ikop thu an irngai ngai; nangni chu Rengpa nin Pathianin khaang nin itho chu phal ma.

JOSUA 13:22

Israel mihaiin Beora nâipa Balaama, pânzia en thei an that sa.

THUPHUANG 18:23

Meiser vâr khom ni sûnga hmu nôk ni ta no ni, pasal le moi irhai ni sûnga inhre nôk ni viat ta no ni. Ni bepârhai kha rammual pumpuia mi lianhai an nia, ni dôi milakin rammual pumpuia mihai huangin an iom a ni ta!” a tia.

THUPHUANG 21:8

Khannisianlân, mi thâidôphai, iamloihai, irdit saloi thohai, mi thathai, felloihai, dôi hmanghai, millim biakhai, milakhai murdi omna hrang hmun chu mei le kâta kâng dîl kha a ni; kha kha thi inhnina chu a ni,” a tia.

THUPHUANG 22:15

Khopui pên tiang chu uihai, dôi theihai, irdit saloihai, mi thathai, millim biakhai, chong le sinthoa milakhai kha om an ti.

THUPHUANG 9:21

An mi that hai, dôi hmang hai, an irdit porinche hai, an inrûkhai ata khom irlet ual mahai.