JEREMIA 27:6 - PATHIAN LEKHABU IRTHIANG C.L. Bible (BSI)

⁶ Keima hi ki ni, nam tinhai, a ni zui Babulon rêng Nebukadnezara kut hnuaia sia theitu chu, ramsahai ten lua a sin ki inthotirhai a ni.

JEREMIA 27:6 ပူးပေါင်းရင်းမြစ်များ

2 RÊNGHAI 25:28

A sate’n a chong a hoia, a rêngtoihmun chu rêng danghai nêkin a’rsângtir pea.

2 THURCHI SUINA 36:23

“Hi hi Persia rêng Kura thupêk chu a ni. Rengpa, irvân Pathianin rammual pumpuia roirêltu mi a siamhaia. Judai ram le Jerusalema hrang tempil sin hrangin a ni tia. Khasikin, Pathian mihaio, nin rêngin kha khan fe roi, nin Pathian Rengpa’n nangni ompui ri se,” tiin.

ISAIA 44:28

Kura kuanga khan, “Ki belra enkoltu ni ni, ki thiltum chu hlo nin chuk pe ro, Jerusalem siaminsa nôk sianlân, Tempil sinna hrang lung inphûmtir ro,” ki ti saa.

JEREMIA 21:7

Khan nang chu ni mi lianhai le ni mipui irdoina hmun ata, châm le hripui ata dam suaka la omhai, nin rênga nangni that nuam rêng Nebukadnezara’n nangni that a ti. Mi tukhom khonzâna mo, lungkhamna mo, nin chunga inlangtirin nangni hôi viat no ni. Keima Rengpa hin ki iti a ni,” a tia.

JEREMIA 22:25

Nangma that tumtu ni ichi ngai mihai kuang nang ki ipêk hrang a ni. Babulon rêng Nebukadnezara le a sipaihai kuang nang inhlan ki ta,

JEREMIA 24:1

Rengpa’n theipui ra bêm hni tempil kholaia sia a nir hmua. (Hihai hi Juda rêng Jehoiakima nâipa, rêng Jehoiakina le Juda hruaituhai kut sintheihai, thîrsukhai ngai Babulon rêng Nebukadnezara khan Jerusalema irthokin Babulon sala a hruaihai zoia a ni.)

JEREMIA 25:9

‘Hmâr tianga mi tinhaiin le a ni zui rêng Nebukadnezara, ki ikoi hrang a ni. Judai ram le a luatuhai le a kôlvêla nam danghai doi hrangin ki hong ihruai hrang a ni. Hi nam le a kôlvêla nam danghai chu insiat chit ki ta, mihai khan ar khêl ti an ta, ar khêl ti ok an ti, kumtuangin an insiat hrang a ni. Keima Rengpa’n ki iti a ni.

JEREMIA 28:14

Rengpa Itinrêng thothei, Israelhai Pathianin a iti a ni, ‘Hi nam tinhai chunga hin thîr ringkol ama’n inpêltirhai a ta, anni khan Babulon rama rêng Nebukadnezara sin tho an ti. Ramsahai ten khomin Nebukadnezara sin tho an ti,’ tiin Rengpa’n a iti a ni,” a tia.

JEREMIA 43:10

Khanchu an kuang hiang hin ti ro, Rengpa Itinrêngthothei Israelhai Pathianin hiang hin a ti. A ni zui Babulon rama rêng Nebukadnezara chu hi hmuna hin hong hruai ki ta, hi lung nin iphunhai chunga hin a rêngtoihmun do a ta, a rêng puan in chu an chunga zâr a ti.

JEREMIA 49:30

“Hazor mihai rota irbîkna hrangin keima Rengpa’n nangni ki inhril a ni. Babulon rama rêng Nebukadnezara’n nangni a phiara, hi hi a iti a ni.

EZEKIELA 29:12

Aigupta ram chu rammual pumpui sûnga ram inpon takin siam ki ta, kum sômminli sûng chu Aigupta rama khopuihai chu omin siat chian a ti. Khopui danghai nêkin siat ual a ti. Aigupta mihai chu invâitirhai ki ta, ram tina rotin, nam tinhai laia inomtirhai ki ti,” a tia.

EZEKIELA 30:24

Khanchu Babulon rêng kuthai chu inhrâttir ki ta, ki khandai chu a kuta sia ki ti. Khannisian Aigupta rêng bânhai chu inkhiakpai pe ki ti, a râlhai makunga khêkin thi a ti.

DANIELA 4:12

A hnâ en hoiin, a ra khom a tama, thilhring murdihai fâk hrang a oma; ramsahaiin dâihlîmin an hmanga, chunglêng vatehaiin a ôna an riaka, taksa nei murdihai chu ama infâ ang an ni.

DANIELA 4:22

o inlaltak, nangma ni nia; nir sôna, ni hrâta, ni roiinpuina chu a’rzata, irvân dênin, ni roirêlna chu kôlkil dên a nia.