JEREMIA 27:5 - PATHIAN LEKHABU IRTHIANG C.L. Bible (BSI)

⁵ “Ki sin thotheina irkhêl tak le ki’rtha hrâtna’n rammual mihriam le irnênga mihriam murdi ki siama; ki mi inthang kuang ki pêk ngai.

JEREMIA 27:5 ပူးပေါင်းရင်းမြစ်များ

IRPHUTNA 1:25

Khanchu Pathianin ram sa, insûng sa an chi omdân hrang siamin le irnênga bokvâka thilhring murdi a isiamhai kha a ena, khan Pathianin a sa a ti tâka.

IRPHUTNA 9:6

Mi tukhom mihriam thisen insuaktu chu, mihriam ngêtin ama thisen an insuaktir hrang a ni. Pathian irangpuia siam an ni sikin.

EZRA 1:2

“Persia rêng Kura’n hiang hin a ti, ‘Rammuala ram murdi chu Rengpa irvân Pathianin a ni pêk ta; khan Judai rama Jerusalema in sin hrangin thu a ni pêka.

NEHEMIA 9:22

Ram le namhai khom ni pêka, an dongtumhai ni sem pea: khanchu Sihona ram, Hesbon rêng ram le Basan rêngin Oga ram an luaa.

INPÂKNA HLAHAI 102:25

Irnêng irnghatsan chu tianlaia ni phûm tâk a ni; Irvânhai khom ni kut suak a ni.

INPÂKNA HLAHAI 96:5

Mipuihai pathianhai chu millimhai an nia, Rengpa chu irvânhai khi a isiam a ni.

FESUAKNA 20:11

Rengpa khomin sûn ruk sûnga khan Tuikhanglian, irnêng le irvân le a sûnga om murdi a siama, sûn sari nî chu a irngam chian a ni, satakin sat a vura a iser a ni.

FESUAKNA 6:6

Khasikin Israel irchihai kuang khan ‘Kei Rengpa’n Aigupta rama nin suak puak rik pêlna ata nangni hruai suak ki ta, an suak chang ta no chin ni. Ki kut hrât tak hmangin dengintheitirhai ki ta, nangni chu nangni hruai suak ki ti.

ISAIA 42:5

Pathian, irvân siamtu le kaiinphartu hin, Irnêng le a sûnga om indingtirtu, hringna phûk le irtha pe theitu, Rengpa’n hiang hin a ti:

ISAIA 44:24

Sul ata nangni siamtu, nang a’rtantu Rengpa’n hiang hin a ti: “Itinrêng siamtu, keima hi Rengpa chu ki nia, ki binga irvân kaiphar theitu ki ni, irnêng ki siam lai khan tu moh om sa?

ISAIA 45:12

Keima hih ki ni, irnêng siamtu chu, A sûnga om mihriamhai hi ki isiam an ni. Keima kutin irvân khom khi ki kaiphara, Thil om murdihai khi, keima ircham taka om an ni.

ISAIA 48:13

Irnêng irnghatna, ki kuta ki isiam a ni, Ki kut chang tiang irvân khi ki kaiphara, ki hong koia, an lei iom ngai a ni.

ISAIA 51:13

Irvân kaiphar theia, irnêng irnghatna phûm theitu, nangni siamtu Pathian hi nin irnghil ma ni ta? Dengintheitirtu ningmurna le an siat tumtuhai chi di dîpa nin iom mai hi? An ningmurna chu tuang zoi no chin ni.

JEREMIA 27:4

Rengpa itinrêng thothei, Israelhai Pathianin an rênghai Rengpa’n a iti kha hril hrangin annihai kha thu pehai hrangin a ni tia:

JEREMIA 32:17

“Rengpa pathian, ni thuneina lian tak le ni hrâtna’n irnêng le irvân ni isiam a nia; nangma hrangin chu thil intak zel om maka.

JEREMIA 51:15

Rengpa’n a sinthotheina leh irnêng a siama, a vârna’n rammual an ngîrtira, an hriatna leh irvân a kaiinphar a ni.

DANIELA 2:38

khasikin kho hmuna khom mihriam nâihai omna murdia, ramsa le vatêhai ten khom ni kuta a pêka, an rênga laia roirêl hrangin a pêk chu ni nia: rângachak lu chu nangma hi ni ni.

DANIELA 4:14

inring takin, “Thing chu tukin lân, a ônhai irhlei ro, a hna insil haiin lân, a rahai dêng zuan ro: a hnuaia ramsahai khom irzûlhaiin lân; a ônhaia vatehai khom vuanghai sian.

DANIELA 4:17

Hi thu hlu hi a entuhai thu a nia, thil inphût hi mi irthianghai thua tho a nia, anchungtakpu’n mihriamhai inlalna rama hin thu a neia, a inuam takhai a pêka, mi irhnuai takhai khom an luatirhai ngai a nih ti mihriamin an inhriatna hrangin,” tia khêkin.

DANIELA 4:22

o inlaltak, nangma ni nia; nir sôna, ni hrâta, ni roiinpuina chu a’rzata, irvân dênin, ni roirêlna chu kôlkil dên a nia.

DANIELA 4:25

Mihriam lai ata inhnotsuak ni ni ta, ni omna hrang chu ramsahai laia ni a ti, sehrât angin hloisûl fa ni ta, irvân irdo’n nang buak a ta, ni chunga zoro sari hek a ti; anchungtakpu’n mihriamhai inlalna ram chunga thu a neia, a inuam tak a pêk ngai a nih ti nin hriat mân chu.

DANIELA 5:18

O inlaltak, ni pa Nebukadnezara chu inchungtak Pathian khan an laltira, an liantirin a sân a iroiinpuitir tak tak a ni;

TÎRTÔNHAI SINTHO 14:15

“Hi hi i hrang mo nin itho? keini khom nangni ang mihriam mai mai kin ni. Hi chanlamboi thilhai hi mâkin, Pathian hring, irvân, irnêng, tuikhanglian le a sûnga om murdi siamtu tianga nin hong kop theina hranga Thurchi Sa nangni hong hril kêng kin ini.

TÎRTÔNHAI SINTHO 17:24

Pathian, rammual le a sûnga thil tinrêng siamtu chu, irnêng le irvân Rengpa a ni sikin kuta sin inhaia om ngai mah.

TÎRTÔNHAI SINTHO 17:26

Rammual pumpuia om hrangin, mi inkhat ata zât tin a siama. An ta hrangin hun bihai a khit pehaia, an omna hranghai a khang pehaia.

DÂN INHNINA 2:19

Amon-hai, Lota irchihai ram va tung nin ta, anni chu inbuaihai no roi, doihai sa no roi, an ram chu an omna hrangin ki ipêk tâk a ni, a hlekte khom nangni pe no ning,’ a tia.

DÂN INHNINA 2:21

Anak-hai ang dêna irsâng a ni, tamtak an nia, nam hrât tak an ni ngai; khannisian, Rengpa khan a that zôia; Amon-haiin an ram chu an neia, an lua tâk a ni.

DÂN INHNINA 2:7

Rengpa nin Pathian khan lam tinrênga sat nangni a vura, ramchâr irzat taka nin irvâk laihai khan nangni a enkol thiaia, nin Pathian Rengpa khan kum sômminli sûng chu nangni a ompuia, ite irsam mak chêi kha te.

DÂN INHNINA 2:9

Rengpa’n ki kuang, ‘Lota irchi, Moabhai chu, hong inbuai no roi, nin idoi hrang ni ma. Ar khopui chu an ilua hranga ki ipêk hrang ni ma,’ a tia.

DÂN INHNINA 32:8

An chungtaka namhai ram a sema, Mihai omna hrang an kung pe lai khan, Pathian nâihai phâkin an ramri a khang pehaia.

DÂN INHNINA 4:17

Irnênga om thilhring tinrêng irlimhai, chung vuang vahai irlim,

DÂN INHNINA 4:25

Nin ram hranga khan sôt tak nin om hnungin, nâi le te neia tubora, irlo hni irlo thum nin nei tika khom millim rêng rêng i anga irlim khom, nin siama, Rengpa nin Pathian nuam loi lam nin tho tâkin chu, irnêng le irvân sâlin ki insîr a ni,

DÂN INHNINA 4:32

Tianlai nin suak mân, Pathianin irnênga mihriam a siam ata kha sui u ta; rammual pumpui hi irdon suak unglân, nin thil hmu ang le nin thil inhriat ang hi an inhriat ngai mo irdonhai u ta.

DÂN INHNINA 4:35

Rengpa hi Pathian a nia, ama no hi Pathian dang zel om mahai ti nin inhriat theina hrangin khahai kha nangni a inhmutir a ni.

DÂN INHNINA 5:16

Rengpa ni Pathianin thu nang a ipêk ang khan ni nu le ni pa chôiindôm ro; khanchu dam insôt ni ta, Rengpa ni Pathian nang ipêk rama khan irhniang ni ti.

DÂN INHNINA 9:29

Ni mi, ni irchon dong tumhai an nia, ni bân irnak hrât taka inhnê taka ni ihruai suakhai kha an ni’ ki tia.

KOLOSA 1:16

Amaa khan itinrêng, irvâna om hai, irnênga om hai, hmu thei hai, hmu theiloi hai siam a nia; rêngtoihmun hai roirêlna hai, inlalna hai, irchamneina hai, itinrêng hi ama sika siam a nia, ama ta hranga a ni sa.

HEBRAI toc2 HEBRAI 1:2

Khannisianlân, sûn hnungkhônhai hin chu ei kuanga a Nâipa thu an sîr ta. Amaa khan Pathianin irnêng le irvân a siama, khabana ama kha sûn hnungkhônhaia chu thil tinrêng dong zit hrangin a iphun a ni.

THUPHUANG 4:11

“Kin Rengpa le Kin Pathian! Roiinpuina le chôiindômna, sinthotheina hai hmurua ni ni, Nangma’n thil tinrêng ni siama, Ni’rchama om le a hring an ni,” an tia.