JEREMIA 27:13 - PATHIAN LEKHABU IRTHIANG C.L. Bible (BSI)

¹³ Itho ngâna mo ni mihai khandai mo, châmin mo, hri le hrâiin nin ithi hrang? Kha kha kêng tu nam khomin Babulon rêng thuhnuaia om nuam loia om hrangin Rengpa’n a iti chu a ni.

JEREMIA 27:13 ပူးပေါင်းရင်းမြစ်များ

THUVÂRHAI 8:36

Khannisianlân, ni hmu loi kai chu mânia dûk irtho ni an ta; tukhom ni hnôl kai chu thina lungthung an ni,” tiin.

JEREMIA 17:4

Ki ram nang pêk chu masan ni ta, ram ni la inhriat ngai loi hmuna ni râlhai sin thoin nangni siam ki ti. Ki ningmur chu mei ang a nia, a ikângpai hrang a ni,” a tia.

JEREMIA 24:9

An chunga vânduaina irkhêl tak intung ki ta, rammuala nam tinhai chu chi ta tak an ti. Mihaiin nuisohai an ta, tufiam thôna’n hmanghai an ta, êsêlhai an ta, ki inthekindarna hmun tina an irhming chu khosâlna’n hmang an ti.

JEREMIA 27:8

Babulon rêng Nebukadnezara thuhnuaia om nuam loihai chu a tu rêng ram le a tu panamhai khom khandaiin, châmin, hri le hrâiin dûk thohai ki ti. Nebukadnezara’n insiat chita an om mâka chu.

JEREMIA 38:2

Rengpa’n a iti, “Khopuia tukhom a omhai chu, khandaiin mo, châmin mo, aninole hri le hrâiin thi an ti. Babulon-hai kuanga fe chu that ni no nihaia; an hringna chu inzôktirhai hrâm a ti,” ti hi Rengpa’n a iti a ni.

JEREMIA 38:20

Khan, keima’n, “Anni kuta pêkin om no chi ni, Rengpa chongbe hi zôm hrangin nang ki ingên a ni; khanchu itinrêng fel a ta, ni hringna inzôkin om a ti.

JEREMIA 38:23

Khanchu ki ti pe nôka, “Ni nupanghai le ni nâihai ngei khom an kuta irthokin zôk thei no chi ni. Babulon ram rêngin intângnaa nang hruai a ta, hi khopui hi ihâlpai zit ni a ti,” ki tia.

EZEKIELA 14:21

Rengpa pathian khan hiang hin a tia: Jerusalem chunga ki roirêlna natak tak minlikhandai hai, châm hai, ram sahrâng hai, hripui hai, mihriam le ramsa hai inboipaihai zit hranga ki zuang tîr irkip tika chu itin takin mo a iom hrang na!

EZEKIELA 18:24

Mi sa khomin thil sa mâksanin thil sual a thoa, mi sualhai itho anga thil porinche tinrêng a tho hin a ihring hrang ma ni? A sin sa thohai chu inhriat mai ni ta no nia, a thilsual thôna le a inchâina sika khan thi zel a ti.

EZEKIELA 18:31

Nin sintho insualnahai chu pai unglân, ngaituana thar le milung thar irput roi. Israel mihaio, itho mo thi nin ta?

EZEKIELA 33:11

Khan an kuang khan Rengpa Pathian hring ki ini ang hin hiang hin ki iti a nih ti pehai roh. Mi sual thina hin lômna zel nei ma unga, kha nêkin chu a sual sinhai mâka, a ihring hi ki ilôm ual a ni. O Israel ni thilsual thohai kha ma ta ro: Itho sika thi ni inuam mai ma ni?