JEREMIA 26:6 - PATHIAN LEKHABU IRTHIANG C.L. Bible (BSI)

⁶ Thuzôm loia nin la om maiin chu hi tempil chunga hin, Silo chunga ki itho ang khan ki itho hrang a nia, khanchu rammuala nam tinin hi khopui irhming hi khomâk irsâmna’n hmang an ti,” tiin.

JEREMIA 26:6 ပူးပေါင်းရင်းမြစ်များ

2 RÊNGHAI 22:19

Jerusalem le a vêla omhai ki soisak dân hrang nin hriata, a na ni iti a ni, Rengpa makunga nir hnuaia, puan inpotthêrin ni chapa. En irkhêltak le vânnisal irkhêltak tong hrangin khopui chu soisak ni a ti; khannisian, ni chongchaina chu kin hriata.

ISAIA 43:28

Khanchu, ki hmun irthianga hruaituhai porinchetirin, Jakoba chu khosâltongin siam ki ta, Israelhai chu irsêlna bûra siam ki ti.

ISAIA 65:15

Ki inthang ki mihriamhaiin nin irhminghai kha khosâlna’n hmang an ta, Rengpa Pathianin nangni thatpai a ti, ki siahlohai chu irhming thar phuahai ki ta.

JEREMIA 24:9

An chunga vânduaina irkhêl tak intung ki ta, rammuala nam tinhai chu chi ta tak an ti. Mihaiin nuisohai an ta, tufiam thôna’n hmanghai an ta, êsêlhai an ta, ki inthekindarna hmun tina an irhming chu khosâlna’n hmang an ti.

JEREMIA 25:18

Jerusalem le Judai ram khopuihai chu, an rênghai le an hruaituhai leh khan ramchâr thil irkhêl inlaina an ni theina hrangin le mihaiin an irhming kha khomâksâmna hranga na hmang theina hrangin, atûn tena an la ihmang ngai ang hin annihai chu hi khilât ata lei in intirhai hi a ni.

JEREMIA 29:18

anni chu khandai, châm le hri le hrâihai leh irzûlhai ki ta, rammual nam tin chu an thil hmu chu an ichi sabak hrang a ni. Anni kin thekindarna hmun tina, an chunga thil tung sika khan, mihriamhai inlâiin chi sabak an ti. Mihaiin anni chu hnung songsanhai an ta, an irhming kha khomâksâmna’n hmang an ti.

JEREMIA 29:22

Khanchu Jerusalema irthokin Babulon ram tianga kop hranga hruaia omhai khan mi khomâksâm an nuamin chu, ‘Zedekia le Ahaba, Babulon rêngin a hring puma mei leh a ihâl ang khan, Rengpa’n ni chunga tho sa ri se,’ ti ngai an ti.

JEREMIA 42:18

Rengpa, Israelhai Pathianin, ‘Ki ningmurna khan Jerusalema mihai chunga insuma a iom angin, ki ningmurna chu nin chunga, Aigupta nin fe’n chu insumin om a ti. En intak takin om nin ta; mihai ihmusit tuang nin ta, nin irhming khomâksâmna’n hmang an ta, hi ram hi hmu nôk ta no chin ni,’ tiin” ki tia.

JEREMIA 44:22

A vuan sûn ten hin ni ram chu inramin a la oma, a sûnga tûte la om mahai. En intak tak a hong nia, mihaiin a’rhming chu khomâksâmnain an hmanga, Rengpa’n nin pualoina le tho’nsualnahai kha a tuangdiar ta no sikin.

CHAP HLA 2:15

O, Jerusalem ni kôla fehaiin chu, kut inbênin nang an êsêla; an luheiin, hi hi mo khua hoitak an iti, rammualin a isong kha! an tia.

CHAP HLA 2:16

Ni râlhaiin nang an innuisana, Irfûiin an ha nang an irialkhum a ni. “Kin hong hmu ta kin itum nikhua, kin hmu tâk,” an tia.

DANIELA 9:11

A ni, Israelhai khomin ni he la loia fe’n sualin kin om tâka. Khasikin khosâlna chu kin chunga a itung a ni ta. Pathian siahlo Mosia dâna irziak thuhai le a chunga ei sual tâk sikin.

ZAKARIA 5:3

Khanchu ama kha ki kuang, “Hi hi khosâlna, ram pumpui chunga fe suak ngai chu a ni, tukhom inru kai chu, phêk kiangkhat tianga irziak angin ram sûng ata hi pai ni an ta, khanchu tukhom khomâkirsâma minlak thotu kai chu lâkpai ni an ti.

MALAKIA 4:6

Ama khan pahai lungrîl kha nâihai lungrîl tiang irnghattir a ta, nâihai lungrîl kha an pahai tiang; khano’nchu ki zuang hin ram kha khuasâlin zuang hremna lik ki ti”, tiin.

JOSUA 18:1

Israel mihai chu Silo-ah an irbukkhôma, Rengpa omna biakbuk puanzâr kha an zâra, ram chu an lâk tâka.