JEREMIA 26:5 - PATHIAN LEKHABU IRTHIANG C.L. Bible (BSI)

⁵ A ni zuihai, ki deipuhai nin laia ki zuang itîr maihai ngai chonghai khom lei ngaipoimo hrangin. an ihrilhai nin lei izôm ngai loi a ni.

JEREMIA 26:5 ပူးပေါင်းရင်းမြစ်များ

2 RÊNGHAI 17:13

Rengpa’n Israelhai le Judahai hril hrangin a tirtôn le deipuhai a tîr ngaia, “Nin omdân intirom hi masan unglân, nin irchibulhai laia ki dân pêkna lekhabua chuang ki siahlo deipuhai ihril; ki thupêk le ki inkunghai zôm unglân, tiin.

2 RÊNGHAI 17:23

A siahlo deipuhai hmanga a ihril angin a hmuphâk loina rama a inhnotpai sabak a ni ta. Khanchu, Israel mihai chu Assuria rama atûn ten hin sala an intâng a ni ta.

2 RÊNGHAI 24:2

Rengpa’n Babulon sipai rualhai, Moab hai, Amon sipaihai hmangin Jehoiakima a doia. Judai ram insiat hrangin a tîra. Hianga a tho hrang thu hi Rengpa’n a deipuhai hmangin a lei insîr sai a ni.

2 RÊNGHAI 9:7

“Ni pu Ahaba in mihai that ni ta, ki siahlohai thisen, Rengpa siahlohai thisen Jezebeli insuakhai thisen phuba chu an chunga ki ilâk hrang a ni.

EZRA 9:11

ni siahlo deipuhai hmanga, nin fena hrang, nin ram lua hrang rama mi omhai, porchena sikin a porche tâka, hmun tin kil tin intir a iom zoi a ni ta.

JEREMIA 11:7

An irchibulhai Aigupta ata ki hruaisuak nî ata a vuan tena hin, ki thu zôm hrangin ki lei hong ihrilhai an ni.

JEREMIA 29:19

A ni zui ki deipuhai hmanga an kuanga chongbe ki ithon ngai, an zôm no sika khan, hi hi an chunga a itung hrang a ni, an irngai nuam no sikin.

JEREMIA 32:33

Hnung an ni songsan ving tâka; anni chu ki irchuhai mai khomin, irngaiin, pom nuam mahai.

JEREMIA 35:15

Nin laia a ni zui deipuhai ki tîrhai maia, nin omdân sualhai masana, thil sa tho hrangin nangni an lei hril ngaia. Nangni le nin irchibulhai ki ipêkna ram hin om kumkhua thei hranga pathian danghai chubai mûka an sin tho loi hrangin nangni an hril ngaia. Khan khomin ki chong irngai nuam mak chêia, nin ni uksak nuam loi a ni.

JEREMIA 35:17

Khasikin atûn keima, Rengpa Israelhai Pathianin vânduaina irkhêl ki inkung kha nangni Judai ram le Jerusalema mihai chunga ki insum hrang a ni. Nin kuang thu ki hril lai khan irngai nuam mak chêia, nangni ki koi lai khan nin ni sâm nuam no sikin, hi hi ki itho hrang a ni,” a tia.

JEREMIA 44:4

Zoro sôt ok loiin a ni zui, ki deipuhai nin kuang ki hong tîra, hi thil porinche ki ihnôl tho loi hranga nangni ki inhril a ni.

JEREMIA 7:13

Hi sualnahai murdi hi nin itho a nia, vêl tamtak nangni ki hril khomin irngai nuam mak chêi. Nangni ki koi zoro’n nin ni isâm ngai loi a ni.

JEREMIA 7:25

Nin irchibulhai Aigupta ata an suak nia irthokin hi nikhua dên dapin, a ni zui deipuhai nin laia ki tîrhai ngai.

EZEKIELA 38:17

Nangma chungthu ngêt hi matona khan ki lei hrila, ki sinthotu Israel deipuhai hmangin ki lei inpuang lai khan Israel doitu hrang mi inkhat hong hruai ki ti, ki lei tia,” Rengpa Pathianin a ti.

AMOSA 3:7

Dik takin Rengpa pathian khan a sinthotu, a deipuhai kuang a thu’rthup hril loiin ite tho no ni.

ZAKARIA 1:6

Ki thu le ki thu’nkunghai, ki siahlo deipuhai kuang, ki pêkhaia khan, nin pahai kha a innang tak khom a ini mo ni ma? khanchu, an hong irheia, sipaihai Rengpa khan kin chungchânga ti a tum ngai angin kin om dân ang zêl le kin thiltho ang zêlin keinia a ti tâk a ni, an ti kha, tiin.

THUPHUANG 10:7

khannisianlân, vântîrtôn a sarina khan a bekul a tum tena chu Pathianin a thu’rthup kha irkiptir ta a ti, a suak, deipuhai kuang a inpuang ang khan,” a tia.

THUPHUANG 11:18

Jentailhai khan ningmurna an sip ta, Ni ningmurna zoro khom a hong tung tâk sikin, Mithihai roirêl pe zoro hai, Ni suakhai, deipuhai, ni mi irthianghai, Mi lian mi chîn nir hming chituhai, Lômman ni pêk zoro le irnêng insiattuhai kha insiat sa hrang zoro a tung ta!” tiin Pathian chubai an mûka.