JEREMIA 26:3 - PATHIAN LEKHABU IRTHIANG C.L. Bible (BSI)

³ Mipuihaiin an irngaia an omdân saloihai an mâk theina hrangin, an mâksan theiin chu an thil sual thohai sika khan an chunga vânduaina intung hranga ki irêl sai kha irlêktir pehai ki ti,” a tia.

JEREMIA 26:3 ပူးပေါင်းရင်းမြစ်များ

1 RÊNGHAI 21:27

Elija’n kha thu a hril zoiin chu Ahaba khan a puansil an potthêra, bora puan a sila, bu a ngheia, bora puan leh a zâla, ngûi takin a om tâka.

1 RÊNGHAI 21:29

“Ahaba ki makunga a’rngaiintômzia hi nin hriat mo? hianga irngaiintôm sikin a dam sûng chu a chunga siatna intungtir pe no ning, a nâipa zoro sûnga a in mihai siatna intungtir ki ti,” a tia.

JEREMIA 26:13

Nin omdân saloihai khan nin thûl ngêt hrang le nin thil thohai khom nin imâksan ngêt hrang a nanga, Rengpa nin Pathian thu nin izôm ngêt hrang a ni. Nin zômin chu hi khopui chunga vânduaina irkhêl tung hranga lunginchongna a inei kha indanglamtir nôk a ti.

JEREMIA 26:19

Khan rêng Hezekia le Judai ram mipuihai khan Mika kha that mahaia, Rengpa kha Hezekia a tih sikin, a nuam lam tho hrangin irnak a isong a ni. An chunga vânduaina irkhêl tak tung hranga lunginchong kha Rengpa’n a ithûlpai a ni. Atûn hin eini khomin ei chunga hin vânduaina ichiom tak ei intungtir hrang a ni ta,” an tia.

JEREMIA 36:3

Juda mihaiin an chunga vânduaina irkhêl intungtir hranga ki thiltumhai inhriat pumin, an omdân saloihai an irlet thei duaiin; an irletin chu an tho’nchâina le an sualnahai inzahai ki ti,” a tia.

JEREMIA 36:7

Rengpa’n a ningmur ichiom tak leh an sîhai sikin, an omdân saloihai ata irletin Rengpa kuang ngaidamna an zong duai khom a ni thei,” tiin.

EZEKIELA 12:3

Khasikin, nang mihriam nâipa, sala intângnaa fe hrang angin ni neinunhai intêl infelin lân, khan sûn khovâra an mithmu ngêta sala intâng hrangin fesuak ro, an mithmu ngêta hi hmun ata hmun danga irson ro, tehelzong insûngkua an nina kha, an ngaitua thei nâk mo.

EZEKIELA 18:21

Khannisianlân, “Mi sualin a thil tho insual murdihai a mâksana, ki dân siamhai a poma, dân chu a zôma thil dik le sin sa a tho’n chu, hring ngêt a ti, thi no ni.

HOSEA 11:9

Ki ningmurna irkhêltak kha sua no ninga, Efraima kha irhmangtir tum nôk ta no ning. Keima chu mihriam ni loiin, Pathian ki nia, Nangmaa om mi irthiang kha, khopui kha hong lût khum no ning.

JOELA 2:14

Rengpa nin Pathian kuang baidi inhlan le in hranga inhlanhai khom khan, kîrin, lungrîl irhei kîrin, satvurna mâksanin om no nih ti tu’n mo an hriat?

JONA 4:2

Rengpa kuanga khan a chongchaia, “O Rengpa nang ki ngên, hi hi kin rama ki om laia ki insîr kha mo ni ma? Hi sika hin Tarsis tiang ki intânpat a ni kha te: nang chu lungkhamna sip, thil saloi tiang ata irheikîr ngai ni nih ti kin hriat.