JEREMIA 26:18 - PATHIAN LEKHABU IRTHIANG C.L. Bible (BSI)

¹⁸ “Hezekia kha Judai ram rêng a ni laiin, Moreset mi deipu Mika khan Rengpa itinrêng thothei iti kha mipuihai kha a hrila, ‘Zion chu loi anga inrît inphit chit ni a ta, Jerusalem chu thil saloi bukkhômna ang ni a ta, Tempila ruathartehai chu rampui chang an ti,’ tiin a hrila.

JEREMIA 26:18 ပူးပေါင်းရင်းမြစ်များ

2 RÊNGHAI 19:25

Tian ata ki lei itho nuam a nia, lan hre mak che mo? Atûna thil hong tung hi tiana ki lei irêl zoi tâk a ni. Kulnei khuahai nin siatpaia.

2 THURCHI SUINA 32:26

Inhnung tiang chu Hezekia le Jerusalema mihai an irsîra, an irngaiintôma, Hezekia dam sûng chu Rengpa ningmurna an chunga tung pehai ta ma.

NEHEMIA 4:2

Khanchu a urênghai le Samari sipaihai makunga thu a hrila, “Hi Juda mi siat le sahai hin i zât mo an itho? khopui siam insa nôk an itum ma ni? An irbôl thei hrang mo an isôn? Sûn khat sûnga hin hlo mo chuk thei nihai? Sahrok om khômna vai a sa tâk hi, lung kâng zoi saihai hi, an indingthar thei nôk hrang mo?,” a tia.

INPÂKNA HLAHAI 79:1

O Pathian, iamloi namhai chu nir chona hin an lûta, ni biak in irthiang hi an porinchetira, Jerusalem hi an insiat tâka.

JEREMIA 17:3

hmun tongna tâng sîphaia khom khan, a ram pumpui huapin ni sual sinthotheina sikin ni râlhaiin nir chongna le nir chonhluhai kin ilâk ving hrang a ni.

JEREMIA 51:37

Kha ram kha hmun ram, rama sahai lêngna chang a ti. En irkhêl tak chang a ta; kha khan tûte om no nihaia; mi tin a hmuhaiin a sate’n chi an ti.

JEREMIA 9:11

Rengpa’n a tia, “Jerusalem chu inram chim angin insiamtir ki ta, sihalhai fena hmun chang ta a ti. Judai ram khopui chu ramchâr chang a ta, tûte’n lua ta no nihai,” a tia.

MIKA 1:1

Juda rêng Jothama, Ahaza, Hezekia hai inlal laia Moreset mi Mika kuang Rengpa thu zuang tung, Samari khua le Jerusalem khua chungchâng thu a ihmu chu.

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.

MIKA 4:1

Khannisianlân, nikhua hnungkhônhaia chu hiang hin ni a ta, Rengpa nin omna tâng kha tâng lian chunghaia khan indetin om a ta, tâng tehai chunga khan chôiirsângin om sa ti; kha khan chi tinrênghai kha fe mur mur an ti.

ZAKARIA 8:3

Ki khopui irthiang Jerusalem khan kîr nôk ki ta, khataka khan om ki ti. Khopui iamom tih ni a ta, Sipaihai Rengpa tâng chu tâng irthiang iti ni a ti.