JEREMIA 26:15 - PATHIAN LEKHABU IRTHIANG C.L. Bible (BSI)

¹⁵ Khannisian hi hi chu inhre roi; nin ni thata ni’n chu, nangni le hi khopui sûnga mipuihai chu tho’nchâina nei loi, a thattu mophurna nin ipêl hrang a ni, hi irningna chong nangni pe hranga a ni tîrtu chu Rengpa a ni sika hin,” ki tia.

JEREMIA 26:15 ပူးပေါင်းရင်းမြစ်များ

IRPHUTNA 4:10

Khanchu Rengpa’n, “Itho mo hiang sin hi teh ni tho tâka? Ni sangpa thisen irhâi khan irnêng ata a ni hong insam kêng.

IRPHUTNA 42:22

Reubena’n, “Kha nâipang chunga thil saloi tho no roi nangni ti loi mo ki ni? ite bêin ni bê pe mak chêia, atûn teh hi a thisen phuba a ni ilâk a ni ta,” a ti pehaia.

2 RÊNGHAI 24:4

Rengpa’n Manasea thilthohai hi a ingaidam thei loi a ni.

2 THURCHI SUINA 24:22

Rengin Zekaria pa Jehoiada, ama ta hranga a kâmnang kha a’rnghilpaia, Zekaria chu an thattirhaia. Zekaria thi hrangin chu, “Ni sintho hi Rengpa’n hmu sianlân, phuba la ri se,” a tia.

THUVÂRHAI 6:16

Rengpa’n thil sari hnôl ta taka a ihnôl le a irngai thei viat loi a om: Lârirpâkhai, milak milei hai, mi ningthik sin loi thisen insuana kut hai, thil saloi ngaitua ngai lungrîl hai, sual sin hranga kal inhrâttir ngai ke hai, inhriatpuitu dol milak chungirchuan ngai hai, rual laia buaina siam ngai mi hai.

JEREMIA 2:30

Nangni ki sepa, ar fêna reng om maka, nangni siam insa khom phal mak chêia. Kâmkeibaknei ningmur angin nin deipuhai khandai leh nin thathaia.

JEREMIA 2:34

Ni puanhai chu mi inmokhai thisen ni loiin, mi’nriang le sual sin loihai thisen a kop uala. Khannisian hi thilhai tho pumin,

JEREMIA 22:17

Khan dik loi taka inlâp tumin ni mit nin lêngtira, Thil poi tho loihai ni thata, nakhrât insua’n ni mihai ni sirbehaia. Rengpa’n a iti tâk a ni.

JEREMIA 22:3

Keima Rengpa hin diktak le fel taka roirêl hrangin thu nangni ki ipêk a ni. Mi huanga omtu chu a huangtua irthokin soisak roi. Ram dang mihai, meithâihai, farahai, dengintheitirin mani, sirphûmhai no unglân, tho’nchâina nei loi mihai hmun irthianga thathai no roi.

JEREMIA 26:12

Khanchu keima’n, “Hi tempil le khopui siat hrang thu ki insîr nin inhriathai kha, Rengpa’n inpuang hranga a ni itîr a ni.

JEREMIA 30:1

Jeremia kuanga Rengpa thu zuang tung chu:

JEREMIA 7:6

Ram dang mihai, farahai le meithâihai hnuaisia ma unglân, hi rama thilsual tho loihai that ma ta roi. Nangni an siat hrang sikin pathian danghai chubai mûk kha ma ta roi.

NAMBAR 35:33

Khanchu, nin omna ram kha, porinchetir hrang ni ma, thisen khan ram kha nin porinchetir tâka, thisen suakna ram porinche sôpna hrang khan thisen insuaktu thisen ringot no chu hmang thei ni mah.

MATHAIA 26:25

An cheltirpu hrang Juda khan a sâma, “Rabbi, kei mo ki ini?” a tia. Ama khan, “Ni ti khate,” a tia.

MATHAIA 26:4

inrûkin chela, that hrang lam an ngaituaa.

TÎRTÔNHAI SINTHO 7:60

Khûksadelin, inring takin “Rengpa, hi an sintho insual hi inhre pehai mai no roh,” a tia. Kha thu kha an sîr zoiin chu a hrang a chat tâka. Saula khomin an ithat kha a pompuihaia.

DÂN INHNINA 19:10

Rengpa nin Pathianin ram nangni a ipêka hin khaang khan tho unglân, poi tholoi thisen insua no roi, a mô nin ipêl sa hrang ni ma.

THUPHUANG 16:6

Mi irthianghai le deipuhai thisen insuatuhai kha thisen ni in intir lik tâk hi; an dongtum an ihmu kêng,” a iti kin hriat.