JEREMIA 25:7 - PATHIAN LEKHABU IRTHIANG C.L. Bible (BSI)

⁷ Khannisian Rengpa hê irngai mak chêi a tia. Nin millimhai sika khan a ning nin inmurtir pea, a dûk thôna chu nangni ngeiin nin chunga nin intungtir ngai a ni.

JEREMIA 25:7 ပူးပေါင်းရင်းမြစ်များ

2 RÊNGHAI 17:17

An nâinu le nâipahai khom nam dang pathian makunga hâlirvôm thil inhlanin ram khohri le mitphil theihai leh irthopin. Rengpa mithmua thil saloi tinrêng tho hrangin an irpêk lût a ni; khasikin, a ning an inmurtir a ni.

2 RÊNGHAI 21:15

An irchihai Aigupta ram ata an hong suaka irthokin, atûn ten hin, an la itho insual a ni! ki iti anga om loiin ki ningmak an la itho mai ang hin ki mihai a sate’n la soisakhai,’ ki ti.

2 THURCHI SUINA 24:19

Rengpa’n anni chu hruai kîr hrangin deipuhai a tîra; khannisian mihaiin an thu irngai pe mahaia.

NEHEMIA 9:26

Khannisian an irhmôla, nang an tehel pea, ni dânhai mâksanin, nangma tianga hong nôk hranga hriltu deipuhai an thata, ningmurom thilhai an thoa.

THUVÂRHAI 8:36

Khannisianlân, ni hmu loi kai chu mânia dûk irtho ni an ta; tukhom ni hnôl kai chu thina lungthung an ni,” tiin.

JEREMIA 19:15

Itinrêng thothei Rengpa Israelhai Pathianin a iti a ni, “Hi khopui le a kôlvêla khuahai chunga dûk tuangna insum ki ta, ki ti kha a itung hrang a ni ta, nin tukul nin inliantira, ki itihai nin irngai no sikin,” tiin.

JEREMIA 22:21

Nin sat lai takin Rengpa’n nangni a chongpuia, nikhomsianlân irngai nuam mak chêi! Kha kha nin dam sûnga nin itho ngai a nia; Rengpa thu ni izôm viat loi hrang tihna a ni.

JEREMIA 25:8

“Khasikin a thu irngai nuam mak chêia, Rengpa itinrêng thotheiin a ti.

JEREMIA 29:19

A ni zui ki deipuhai hmanga an kuanga chongbe ki ithon ngai, an zôm no sika khan, hi hi an chunga a itung hrang a ni, an irngai nuam no sikin.

JEREMIA 44:7

“Khaangin atûn hin keima Rengpa Itinrêngthothei, Israelhai Pathianin nin ta hrangin, i lo hranga khaanga thil saloi kha nin itho ti hi nangni ki irdon a ni. Pasalhai, nupanghai, nâipanghai le nâitehai chunga siat chitna intung nin ni, tûte hôi loia an iom hrang hi nin inuam ma ni?

JEREMIA 44:8

I lo hranga millimhai chubai mûkin le pathian danghai kuanga irbôla om hrangin nin izuangna Aigupta hin ningmur nin ni irlâktir? Rammuala nam tinin nangni hmusita nin irhming khomâksâma om hranga nin binga siat chitna nin itho mai?

ZAKARIA 1:4

Deipu masahaiin, sipaihai Rengpa khan, nin om hrang dân suala atûn hong irhei unglân, nin thilsual kha chu hong irheisan roi, a ti e, tia nin pahai an hril khoma irngaitua loia, mikuar sung loi ang khan om no roi, ti hi Rengpa thu suak a ni.

DÂN INHNINA 32:21

pathian ni loi an biak tika ki ningmur an kêlsuaa, an millimhai khan ki ning an inmurtira, Irchia tep kâi loihai hmangin ki ninginmurtir an ta, nam invêttak takhai khom hnarsa an ti.