JEREMIA 25:30 - PATHIAN LEKHABU IRTHIANG C.L. Bible (BSI)

³⁰ “Nangma Jeremia hin ki itihai chu ni inpuang hrang a ni, hihai hi mipuihai ni ihrilhai ngêt hrang chu a ni, ‘Rengpa chu irvân ata khêk a ta, irvân hmun irsângna ata irthokin a hnuk insua a ta. A mihai doiin khêk a ta, mi grep ra chîltu angin khêk suak a ti. Irnênga mi tinin inhria an ta,

JEREMIA 25:30 ပူးပေါင်းရင်းမြစ်များ

2 SAMUELA 15:25

Kha hnung chu rêng khan Zadoka kuang, “Pathian Thuthung Bôm kha khopui sûnga irzôn kîr nôk roi, Rengpa mit tunga ki omin chu itik ni mani chu ni hruai kîr nôk a ta, Pathian Thuthung Bôm le a omna kha ni’rhmu nôk a ti.

1 RÊNGHAI 9:3

Rengpa khan a kuang, “Ni chongchaina ki len hriata, hi tempil ni isin hi kumtuanga nin ni biakna hmun ni hrangin kin thang ta. Hrung ki ta, enkol mai ki ti.

2 THURCHI SUINA 30:27

Levi irchihai le ochaihaiin mipui ta hranga satvurna an hrila, Rengpa’n a le’rngai pehaia, an chongchaina chu a hmun irthiang irvân a idên a ni.

INPÂKNA HLAHAI 11:4

Rengpa kha a biak in irthianga a oma, Rengpa kha, a rêngtoihmun kha irvâna a om; Mihriam nâihai hi a mitin a ena, an sinthohai a hmu:

INPÂKNA HLAHAI 132:14

Hi hi kumkhuaa ki omna hrang hmun a nia; Hi hin om mai ki ta, ki nuam lam tak a ni.

INPÂKNA HLAHAI 46:6

Nam tin an irse mur mura, ramhai chu an hnînga: Ama chu ar hâi a suaka, irnêng hi a hong zôi tâka,

INPÂKNA HLAHAI 58:5

Kha khan mirûl dôi sak theihai irhâi chu irngai ngai mah, I anga thei khomin indôi khom sianlân,

INPÂKNA HLAHAI 78:65

Kha zoro lai khan Rengpa chu, mi an ina an ihar angin, a har tâka, Mi hrât uain sika khêk angin.

ISAIA 16:9

Khasikin Sibma grep râng chu Jazer châin châ ki ta; O Hesbon le Elealeh, ki mitrithi leh hin buak ki ta. Ni bu âtna le sûn lumhai hin irdoina thu an tungtir ta.

ISAIA 33:3

Ni’rhâi inhriatin mihai an rota, ni zuang pûtin chu nam danghai an indarh zoi ta.

ISAIA 42:13

Irdoi hranga mi hrâthai irdoipui thei dôrin Rengpa chu a hor thokin a hong khêka, a hnuk a suaka, a râlhai lai ata a hrât lam chu an langtir ta.

JEREMIA 17:12

Ei hmun irthiang chu rêngtoihmun roiinpui tak ang kha a nia, a phut ata tâng sîpa om chian ang a ni.

JEREMIA 25:38

Rengpa’n a mihai chu kâmkeibaknei, a khur mâk angin, masan a ta; irdoina sikin ichiomnahai le Rengpa ningmur irkhêl khan ram sa kha ramchâr an changtir ta.

JEREMIA 48:33

Lômna le raifânna chu Moab ram irnêng sana hmuna irthokin khâipaiin an om tâka. Grep sômna khurhai ata uain luang suak ki’rngamtira; uain siama raifân hrang tûte om ta mahai.

HOSEA 11:10

Rengpa kha zui an ta, kâmkeibaknei anga inrûm hrang chu: a ni, inrûm ngêt a ta, nitâk tianga irthokin a nâihai chu keima tiang inrang takin hong an ti.

HOSEA 5:14

Efraima hrangin chu kâmkeibaknei ang, Juda hrangin chu kâmkeibaknei vânglai ang ki ini hrang a nia; keima, keima ngeiin kaithêr ki ta, fe ki ta, rotpui ki ta, sansuaktu tûte om no nihai.

JOELA 3:16

Pathianin a mihai satvur a ti. Khan, Rengpa kha Zion tâng ata inrûm dur dur a ta, Jerusalem khua ata ar hâi insua a ta; irvân le irnêng inhnîng a ta: khannisianlân Rengpa kha a mihai ta hrangin irsûnghualna ni a ta, Israel irchihai hrangin kulbang ni a ti.

AMOSA 1:2

Khan, ama khan “Rengpa kha Zion tâng ata inrûm dur dur a ta, Jerusalem khua ata ar hâi suak a ta; belra enkoltuhai sâ lêngna hmunhai kha an char a idong a ni, Karmel tâng sîp kha châr a ta,” a tia.

AMOSA 3:8

Kâmkeibaknei an hrûmin tu mo chi loi hrang? Rengpa pathian khan thu a hrila, tu mo hril loi theiloi hrang? tiin.

ZAKARIA 2:13

Mi murdihaio, Rengpa makunga khan dâichit roi: Ama kha a hmun irthiang ata a hong thoi tâka, tiin va hril ro, a tia.

DÂN INHNINA 26:15

Ni’rvân hmun irthiang ata zuang thîrin lân, ni mi Israelhai hi sat zuang vur ro. Kin irchibulhai kuang pêk ni inkung ram, khuaihlutui le dûttui luangna ram hi satvur ro,’ nin iti hrang a ni.

THUPHUANG 19:15

A bâia irthokin khandai ngaihtak a hong suaka, ama khan nam tin inhnê a ti. Thîr khianghrolin an chunga roirêl a ta, Pathian Itinrêngthothei ningmur inrikna grep sômna khura khan sirpha a ti.